Ọkiẹkpemu Isukulu Odibọgba Esuo-ọghẹnẹ

A te rehọ unu kẹ iyo enọ obotọ na evaọ Isukulu Odibọgba Esuo-Ọghẹnẹ evaọ oka nọ o rọ October 27, 2003, muhọ na. Ọsẹro isukulu na o ti ru ọkiẹkpemu iminiti 30 ọrọ eme nọ a ru evaọ eka ọ September 1 rite October 27, 2003. [Mu ẹro họ: A gbẹ fodẹ oria nọ ẹme o no ze lele onọ jọ họ, o gwọlọ nnọ who ru ekiakiẹ obọra rọ gwọlọ uyo na.—Rri obe ọ Isukulu Odibọgba, ẹwẹ. 36-37.]

EKWAKWA ẸMEỌTA

1. Eme uthubro nọ a kẹ evaọ 1 Timoti 2:9 na re ohwo ọ gọ “umutho-ẹgọ” u dhesẹ, kọ ẹvẹ onana o sai ro kpomahọ ẹme nọ ma be ta evaọ eplatfọmo hayo evaọ odibọgba na? [be-IS ẹwẹ. 132 edhe. 4-5]

2. Ẹvẹ ehri-izi Ebaibol nọ e rrọ 1 Jọn 2:15-17, Ahwo Ẹfẹsọs 2:2, gbe Ahwo Rom 15:3 i re kpomahọ ẹgọ mai? [be-IS ẹwẹ. 133 edhe. 2-4]

3. Fikieme oma nọ a rẹ kpọ mu u je wuzou, kọ ẹvẹ ma sae rọ kpọ oma mu evaọ okenọ ma tẹ be ta ẹme no eplatfọmo ze hayo w’abọ evaọ odibọgba na? [be-IS ẹwẹ. 135 ẹkpẹti; ẹwẹ. 136 edhe. 6, ẹkpẹti]

4. Wọhọ ohwo “oruọzewọ gbe oseisẹri uzẹme na,” ẹvẹ Jesu o ro fi oriruo họ otọ kẹ omai evaọ Ebaibol nọ a re ro ru iruo evaọ odibọgba na? (Evia. 3:14) [be-IS ẹwẹ. 143 edhe. 2-3]

5. Ẹvẹ ma sai ro wo ẹnyaharo viere evaọ Ebaibol na nọ ma re ro ru iruo? (Tait. 1:9) [be-IS ẹwẹ. 144 edhe. 1, ẹkpẹti]

ẸME 1

6. Eme ewuhrẹ ọ gwọlọ, kọ irere jọ vẹ e rrọ ewuhrẹ Ẹme Ọghẹnẹ kẹse kẹse? [be-IS ẹwẹ. 27 edhe. 3; ẹwẹ. 32 edhe. 4]

7. Rọwo kugbe Jemis 1:5, 6, eme ọ r’oja evaọ okenọ ma tẹ rẹriẹ ovao ku iroro-ejẹ nọ i wuzou gaga? [w01-E 9/1 ẹwẹ. 28 edhe. 4]

8. Fikieme Ebaibol nọ ohwo o re wo hayo re ọ rọwo nnọ ẹgba ẹzi Ọghẹnẹ a ro kere ei ọvo u gbe te he? [w01-IS 10/1 ẹwẹ. 6 edhe. 1]

9. Evaọ edhere vẹ “ọnọ ọ rẹ ta ogbẹta” ọ rọ rrọ ogheghẹ? (Itẹ10:18) [w01-E 9/15 ẹwẹ. 25 edhe. 3]

10. Eme họ usiavẹ kẹ akpọ evawere? [w01-E 10/15 ẹwẹ. 7 edhe. 1-2]

ISASE EBAIBOL Ọ ẸKPOKA

11. Uzẹme hayo Ọrue: Evaọ 1 Ahwo Kọrint 2:9, Pọl ukọ na ọ jẹ t’ẹme kpahe eware nọ Jihova ọ ruẹrẹ họ no rọkẹ ahwo okiẹrẹe riẹ wọhọ ukuoriọ. Ru ei vẹ. [ip-2-E ẹwẹ. 366 ẹkpẹti]

12. Edawọ vẹ eme nọ a kere fihọ 1 Ahwo Kọrint 10:13 na i kie kpahe, kọ ẹvẹ Jihova ‘ọ rẹ rọ gbẹ edhere’ k’ohwo? [w91-E 10/1 ẹwẹ. 10-11 edhe. 11-14]

13. Ẹvẹ oriruo Jesu ọrọ ọghoruo o re kpomahọ Ileleikristi? (2 Kọr. 8:9) [w92-E 1/15 ẹwẹ. 16 edhe. 10]

14. Ẹvẹ Uzi na o rọ jọ ‘owuhrẹ nọ ọ be rehọ ahwo bru Kristi’? (Gal. 3:24) [w02-IS 6/1 ẹwẹ. 23 edhe. 11]

15. Eme họ “izi akpọ na” nọ ma rẹ yọrọ oma kẹ re e se omai ba esuthọ? (Kọl. 2:8)