Iwhowhovia

◼ Ebe nọ a ti fihọ ada evaọ October: Emagazini ọ Uwou-Eroro Na gbe Awake! Oria nọ a jọ dhesẹ isiuru, fi ibroshọ Gwọlọ na họ ada, jẹ dao oma gaga re who muọ ebe-iwuhrẹ Ebaibol họ. November: Edhere nọ O Re Su Kpohọ Uzuazọ Ebẹdẹ Bẹdẹ—Kọ Who Duku Ei No? Otẹrọnọ ohwo na o wo obe nana no vẹre, fi obe ọ Eriariẹ na, obe ọ Gọ Ọghẹnẹ na, hayo ibroshọ Gwọlọ na họ ada. December: Ọzae nọ Ọ Mae Rro nọ Ọ Rria No. Wọhọ enọ a re ro nwene iei, whọ sai fi Obe Ikuigbe Ebaibol Mẹ, hayo Whọ Sae Ria Bẹdẹ Bẹdẹ eva Aparadase ọ Otọakpọ họ ada. January: Obe nọ u wo ewẹ-obe 192 kpobi nọ a kporo taure 1988 o te ti te nọ ukoko na u wo. Otẹrọnọ wha gbe wo ọvuọvo enana ha, iviena nọ mi ikoko nọ e kẹle owhai sọ a wo ebe anwae nana nọ i te kiọkọ nọ wha sai ro ruiruo.

◼ Uko-obeva nọ o rrọ ukere ọ Odibọgba Uvie Mai nana họ “Omaa Isukulu Odibọgba Esuo-Ọghẹnẹ ọrọ 2004” yọ a rẹ sẹro riẹ re a rehọ iẹe ruiruo evaọ ukpe ọ 2004 na soso.

◼ Otẹrọnọ oke iwuhrẹ ukoko rai u ti nwene evaọ January 1, okere-obe ukoko na ọ rẹ jọ uwou-ogha na riẹ kpahe enwene na ẹkwoma efọmo ọ Congregation Meeting Information and Handbill Request na (S-5) nọ o re vi nya. A rẹ sae rehọ efọmo ọvona yare ebe-uzizie ekpokpọ efa otẹrọnọ wha gwọlọ e rai. A rẹ yare ebe-uzizie na o tẹ kawo eka eree taure oke nọ wha rọ gwọlọ ae na u te ti te.