Omaa Ewuhrẹ Odibọgba

Oka nọ O rọ October 13 Muhọ

Ole avọ 215

10 min: Iwhowhovia obonẹ gbe Iwhowhovia nọ a salọ no Odibọgba Uvie Mai ze. Kareghẹhọ iwhowho-uvie re a nẹ iyẹrẹ usiuwoma ota ubro amara ọ October. Ta udu họ ahwo kpobi awọ re a wha ibroshọ Edhere nọ O Re Su Kpohọ Uzuazọ na lele oma ziọ Ewuhrẹ Odibọgba oka notha, re a jẹ kiẹ eware nọ a kere fihotọ evaọ ọruẹrẹfihotọ okokohọ okogho enukpe nana riwi evaọ omaruẹrẹhọ kẹ Ewuhrẹ Odibọgba oka notha. Ẹkwoma iroro-ejẹ nọ e rrọ ẹwẹ-obe 1 na, ru odhesẹvia nọ o re ghine kiehọ evaọ obonẹ ọrọ epanọ a re ro fi Awake! ọ October 22 na họ ada. Evaọ odhesẹvia na, rehọ emagazini ivẹ kẹ ohwo na dede nọ ọvo whọ t’ẹme kpahe. Jọ odhesẹvia na dhesẹ ohwo nọ o bi ru ozihebro eva ejẹ emagazini. O re ru ọruẹrẹfihotọ kẹ iweze n’etha ẹkwoma iroro nọ o re si kpohọ ẹkpẹti nọ ọ ta nọ, “Evaọ Ukere N’otha.”—Rri Odibọgba Uvie Mai ọrọ October 1998, ẹwẹ. 8, edhe. 7-8.

20 min: Rehọ Ọgbọdọ Ẹzi na Ruiruo. (Ẹf. 6:17) Ẹmeọta ogbotu nọ a re ru no obe ọ Isukulu Odibọgba na ze, ẹwẹ-obe avọ 143-144. Ru re a kiyo enọ nana: (1) Fikieme ma jẹ rehọ Ebaibol na ruiruo nọ ma tẹ be kiyo enọ? (2) Eme odẹ na Isẹri Jihova u dhesẹ kpahe omai? (3) Didi oriruo Jesu o fihotọ, kọ ẹvẹ ma sae rọ rehọ aro kele iei? (4) Evaọ ẹkwotọ mai, obọdẹ idhere vẹ ma sai ro mu ẹme Ebaibol họ? (5) O tẹ lọhọ, fikieme u je fo nnọ ma se no Ebaibol na ze ovavo? (6) Ẹvẹ ekpako na a sae rọ ta udu họ amọfa awọ re a rehọ Ebaibol na ruiruo ziezi? Ru odhesẹvia nọ a ruẹrẹhọ ziezi rono oria iruo nọ o rrọ ẹwẹ-obe avọ 144 ze, nọ owhowho-uvie nọ o wo ona ziezi o re ru, nọ o tẹ make ga kẹhẹ, ọ jẹ rehọ ikere ọvo jọ kuyo. Ta udu họ ahwo kpobi awọ re a ru ei fihọ ute rai nọ a jẹ rehọ Ebaibol na ruiruo evaọ oke kpobi nọ a bi se isẹri.

15 min: Eru Ebe Uwuhrẹ Ebaibol O rẹ Wha Eghale Ze. Ẹme gbe iroro-ejẹ ogbotu. Gbiku eware nọ a rọ ẹro ruẹ kpẹkpẹe no ebe mai ze kpahe ẹnyaharo ebe iwuhrẹ Ebaibol nọ a bi ru. (w00-E 3/1 ẹwẹ. 6; yb98-E ẹwẹ. 55-60) Zizie ogbotu na re a kpahe fihọ oware nọ ma wuhrẹ no eware nọ e via na ze gbe epanọ ma re ro wo erere no ebe-iwuhrẹ Ebaibol nọ ma re ru ze.

Ole avọ 172 gbe olẹ ekuhọ.

Oka nọ O rọ October 20 Muhọ

Ole avọ 86

5 min: Iwhowhovia obonẹ.

20 min: “Efihada ọ Edhere nọ O Re Su Kpohọ Uzuazọ Ebẹdẹ Bẹdẹ—Kọ Who Duku Ei No?” Ọsẹro usiuwoma ota na o re ru ei wọhọ ẹme gbe iroro-ejẹ ogbotu. Ru re a rehọ idhere jọ nọ a sai ro fi ei họ ada na ru idhesẹvia ivẹ. Evaọ odhesẹvia na jọ, dhesẹ epanọ a sai ro mu obe-uwuhrẹ Ebaibol họ. A rẹ sae ta udu họ iviuwou gbe amọfa awọ re a hai wuhrẹ idhesẹvia nana evaọ obọ uwou. Ohwo kpobi ọ rehọ ibroshọ ọkpokpọ nana ruiruo ziezi wọhọ onọ a bi fihọ ada evaọ November. Nọ amara yena ọ tẹ vrẹ no, gbẹ rehọ ibroshọ na ruiruo evaọ ẹkwotọ ra jẹ rehọ iẹe mu ebe-iwuhrẹ Ebaibol họ.

20 min: “Fi Eva họ Jihova Je Ru Ewoma.” (Ol. 37:3) Ẹmeọta ogbotu nọ a rẹ rehọ enọ obotọ na ro ru, nọ i fielo họ igogo-eme ọ ọruẹrẹfihotọ okokohọ okogho nọ ma ru evaọ ukpe iruo nọ o vrẹ na. Zizie ogbotu na re a ku eme epanọ a be sae ro fi igogo eme nọ a wuhrẹ họ iruo wọhọ omomọvo hayo wọhọ ahwo uviuwou. Ta kpahe abọ ọruẹrẹfihotọ nana: (1) “Edhesẹ Evaifihọ Jihova.” Fikieme o jẹ r’oja re a fi eva họ Jihova evaọ kabọ kabọ uzuazọ? (it-2-E ẹwẹ. 521) Ẹvẹ Watch Tower Publications Index na ọ sai ro fi obọ họ kẹ omai? (2) “Yọroma kẹ Eware Ifofe Uzuazọ.” (Ọtausi. 2:4-8, 11) Iruo ifofe vẹ ma rẹ yọrọ oma kẹ, kọ ẹvẹ ma sai ro ru ere? (3) “Wha Whaha Eyoma—Wha Jọ Enọ I re Ru Ewoma.” Fikieme o jẹ r’oja re a nya lele ehri-izi Jihova? (Aiz. 5:20) Iruo iwoma vẹ ma rẹ ruabọhọ? (4) “Ẹyọrọ Udufihọ Mai Kpahe Jihova.” Eme o ti fi obọ họ k’omai dikihẹ ga eva aro ukpokpoma gbe edawọ? Fikieme ma je vu eware jọ wa kẹ Jihova? (5) “Kọ A Ti Kele Owhẹ Wọhọ Ọnọ O Te kẹ Uvie Ọghẹnẹ?” (Kọl. 1:10) Oriruo Ebaibol vẹ ọ rẹ wọ omai ruabọhọ nya evaọ edhere nọ o fo Jihova? (6) “Fi Eva họ Eyaa Jihova.” Ẹvẹ onana nọ ma re ru u re ro kpomahọ uzuazọ mai?

Ole avọ 58 gbe olẹ ekuhọ

Oka nọ O rọ October 27 Muhọ

Ole avọ 64

12 min: Iwhowhovia obonẹ. Iyẹrẹ epanọ igho e nya. Kareghẹhọ iwhowho-uvie re a n’iyẹrẹ usiuwoma ota ubro amara avivẹ ọ October. Ta udu họ ahwo kpobi awọ re a kiẹ eme nọ a kere fihọ otọ evaọ ọruẹrẹfihotọ ẹdẹ okokohọ obọdẹ ọrọ ukpe nana riwi evaọ omaruẹrẹhọ kẹ Ewuhrẹ Odibọgba oka notha. Ẹkwoma iroro-ejẹ nọ e rrọ ẹwẹ-obe 1 na, ru idhesẹvia ivẹ erọ epanọ a re ro fi Uwou-Eroro ọ November 1 gbe Awake! ọ November 8 na họ ada. Evaọ idhesẹvia ivẹ na, rehọ emagazini ivẹ kẹ ohwo na dede nọ ọvo whọ t’ẹme kpahe. Evaọ odhesẹvia na jọ, dhesẹ epanọ a rẹ rọ tẹme kugbe ohwo nọ ọ rẹ whaha ẹmeọta inọ, “Me wo evawere he.”—Rri omobe ọ Ebaibol E rọ Jiroro na, ẹwẹ-obe avọ 8.

20 min: “Wha Rehọ Evawere Ru Iruo kẹ ỌNOWO!”a Nọ whọ tẹ ta kpahe edhe-ẹme avọ 4 no, fodẹ nnọ evaọ November ma ti fi ibroshọ Edhere nọ O Re Su Kpohọ Uzuazọ na họ ada. Jọ iroro-ejẹ nọ a kẹ evaọ ẹwẹ-obe avọ 8 Odibọgba Uvie Mai nana kiẹ ọvo jọ riwi kpẹkpẹe. Kẹsena who ve ru odhesẹvia epanọ a rẹ rọ rehọ iroro-ejẹ na ruiruo. Ta udu họ ahwo kpobi awọ re a ruẹrẹ oma kpahe ziezi kẹ odibọgba na.

13 min: Eware nọ a rọ ẹro ruẹ evaọ obonẹ. Zizie ogbotu na re a gbiku eware ọbọga nọ a rọ ẹro ruẹ evaọ okenọ a jẹ ta usiuwoma oke-gheghe eva obọ iruo, obọ isukulu, hayo oria ofa.

Ole avọ 52 gbe olẹ ekuhọ.

Oka nọ O rọ November 3 Muhọ

Ole avọ 147

5 min: Iwhowhovia obonẹ.

15 min: Ẹgwọlọ ukoko na.

25 min: Fe Evaọ Iruo Iwoma. (1 Tim. 6:18) Ọkpako ọ rẹ rehọ enọ nọ e rrọ etenẹ na ru ẹmeọta ogbotu ọrọ ọruẹrẹfihotọ ẹdẹ okokohọ obọdẹ nọ a ru evaọ ukpe nana. Zizie ukoko na re a ta kpahe epanọ a bi ro fi eware nọ a wuhrẹ na họ iruo. (Whọ sae rọ abọ jọ kẹ ahwo kpahotọ.) Fielo họ abọ nana ọruẹrẹfihotọ na: (1) “Iruo Iwoma E rẹ Wha Erere Ologbo Ze.” (Ọtausi. 2:11) Fikieme idibo Ọghẹnẹ a je le iruo iwoma nọ a jọ Ẹme Ọghẹnẹ fodẹ na, viukpenọ a re le iruo ifofe akpọ nana? (2) “Fe Evaọ Aro Ọghẹnẹ.” (Mat. 6:20) Ẹvẹ ahwo jọ a ro ‘koko efe họ obọ odhiwu’ no, kọ avọ irere vẹ? (3) “Rọ Obe Uwuhrẹ Ebaibol Fi Ẹvi họ Odibọgba Ra.” (om-E ẹwẹ. 91) Eme ọ rẹ sai fi obọ họ kẹ omai evaọ ẹtohọ gbe eru obe-uwuhrẹ Ebaibol? (4) “Iruo Iwoma Evaọ Oke Ivuẹvu Nana.” (Mat. 13:37-39) Didi oriruo emamọ iruo Ileleikristi ọsosuọ a fihotọ, kọ ẹvẹ iruo Uvie na e rọ rro haro no evaọ edẹ mai? (5) “Jọ Iruo Iwoma Ra E Kẹ Jihova Orro.” (Mat. 5:14-16) Ẹvẹ ahwo jọ a ro ru ‘elo rai lo no’? (6) “Ujiro Orọkẹ Izoge Fiki Iruo Iwoma nọ A bi ro Jiri Jihova.” (Ol. 148:12, 13) Ẹvẹ izoge Ileleikristi nọ e rrọ okogho mai a be rọ rehọ ujiro kẹ Jihova? (7) “Ruabọhọ Iruo Iwoma re Who Vu Eghale Jihova.” (Itẹ 10:22) Nọ ma be ruabọhọ iruo iwoma na, irere vẹ ma rẹ sai wo wọhọ omomọvo, wọhọ uviuwou, wọhọ ukoko, jẹ wọhọ ukoko akpọ-soso?

Ole avọ 180 gbe olẹ ekuhọ.

[Footnote]