Omaa Ewuhrẹ Odibọgba

Oka nọ O rọ November 10 Muhọ

Ole avọ 212

10 min: Iwhowhovia obonẹ gbe iwhowhovia nọ a salọ no Odibọgba Uvie Mai ze. Ru obọdẹ idhesẹvia ivẹ erọ epanọ a rẹ rọ rehọ iroro-ejẹ nọ e rrọ ẹwẹ-obe avọ 4 na fi Uwou-Eroro ọ December 1 (iroro-ejẹ ọsosuọ) gbe Awake! ọ November 22 na họ ada evaọ ẹkwotọ rai. Evaọ idhesẹvia ivẹ na, rehọ emagazini ivẹ kẹ ohwo na dede nọ ọvo whọ t’ẹme kpahe. Evaọ odhesẹvia na jọ, dhesẹ oghẹrẹ nọ ma be rọ ruẹ ugho ru iruo akpọ-soso mai na.—Rri Uwou-Eroro Na, ẹwẹ. 2, hayo Awake! ẹwẹ. 5.

15 min: “Wha Ruẹrẹ Oma Kpahe.”a Zizie ogbotu na re a ta kpahe oware nọ u fi obọ họ kẹ ai whaha awa-ọruọ gbe eware efa nọ e rẹ rehọ iroro ohwo evaọ eyero oke nana nọ e gbẹ rọ rehọ oke nọ a rẹ raha ziezi kẹ eware abọ-ẹzi no ho.

20 min: Ẹvẹ Whọ Be Rọ Salọ Egbẹnyusu Ra? Ẹmeọta ogbotu nọ a re ru no obe ọ Gọ Ọghẹnẹ na ze, ẹwẹ-obe avọ 47-49. Ẹkwoma enọ gbe ikereakere nọ a fodẹ evaọ edhe-ẹme avọ 13 na, zizie ogbotu na re a ta kpahe ehri-izi Ebaibol nọ e rẹ kpọ omai evaọ ẹsalọ egbẹnyusu mai.

Ole avọ 127 gbe olẹ ekuhọ.

Oka nọ O rọ November 17 Muhọ

Ole avọ 96

12 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota ubro-amara ọ November. Kiẹ iwhowho-uvie ivẹ hayo esa riwi enọ i wo ikuigbe eware isiuru nọ a rọ ẹro ruẹ evaọ odibọgba na nọ a jẹ rehọ ebe nọ ma bi fihọ ada evaọ amara nana ro ru iruo. O sae jọ nọ ejọ e rehọ ere mu ebe-iwuhrẹ Ebaibol họ no.

15 min: Bọ Ẹzi Okẹ nọ A rẹ Kẹ. Ẹme nọ ọkpako o re ru, ro no Uwou-Eroro ọ November 1, 2003 ze (ọrọ Oyibo), ẹwẹ-obe avọ 27-30.

18 min: “Ujiro O rẹ Sasa Oma.” Ku eme kugbei ro no obe ọ Evawere Uviuwou na ze, ẹwẹ-obe avọ 49-50, edhe-ẹme avọ 21. Zizie ahwo nọ a wo uduotahawọ ro no ujiro nọ amọfa a jiri rae ze re a ta kpahe oyena kpẹkpẹe.

Ole avọ 58 gbe olẹ ekuhọ.

Oka nọ O rọ November 24 Muhọ

Ole avọ 213

12 min: Iwhowhovia obonẹ. Iyẹrẹ epanọ igho e nya. Ru idhesẹvia ivẹ erọ epanọ a rẹ rọ rehọ iroro-ejẹ nọ e rrọ ẹwẹ-obe avọ 4 na ro fi Uwou-Eroro ọ December 1 (iroro-ejẹ avivẹ) gbe Awake! ọ December 8 họ ada. A sae rehọ ikereakere efa jọ ru iruo u te no onọ a fodẹ evaọ ẹwẹ-obe avọ 4 na no. Evaọ idhesẹvia ivẹ na, rehọ emagazini ivẹ kẹ ohwo na dede nọ ọvo whọ ta ẹme kpahe. Evaọ odhesẹvia na jọ, dhesẹ epanọ a rẹ rọ rehọ ẹkwoma usiuwoma oke-gheghe ro fi emagazini họ ada evaọ omoto-ofa hayo evaọ iyero obonẹ efa nọ i fo.

10 min: Ẹkpẹti Onọ. Ẹme nọ ọkpako o re ru.

23 min: “Ẹbọ Usu Okpekpe Kugbe Jihova.” Rehọ enọ nọ a kẹ na ro ru ei. Ru re ogbotu na a kpahe fihọ epanọ a sai ro fi ikereakere na họ iruo. Kaki ru ọruẹrẹfihotọ kpahe kẹ omọvo hayo imava re a ta oware nọ u fi obọ họ kẹ ae ru uwuhrẹ Ebaibol omobọ ohwo rai woma viere no.

Ole avọ 202 gbe olẹ ekuhọ.

Oka nọ O rọ December 1 Muhọ

Ole avọ 138

10 min: Iwhowhovia obonẹ. Kareghẹhọ iwhowho-uvie re a n’iyẹrẹ usiuwoma ota urere amara ọ November. Fodẹ ebe nọ a ti fihọ ada evaọ December. Kiẹ edhere ọvo hayo ivẹ riwi evaọ iroro-ejẹ nọ a kẹ na. Dhesẹ epanọ iwhowho-uvie e sae rọ rehọ Watch Tower Publications Index na rọ gwọlọ idhere efa nọ a sae ro fi obe họ ada.

15 min: Ẹgwọlọ ukoko na.

20 min: Ete Ziezi re Ma Wuhrẹ Amọfa. Ẹmeọta ogbotu nọ a re ru no Uwou-Eroro ọ June 1, 2000 ze, ẹwẹ-obe avọ 26-27, edhe-ẹme avọ 9-13. Re ma sai wuhrẹ ahwo ziezi yọ ute nọ u wuzou gaga evaọ odibọgba mai. Obokparọ nọ ma re wo evaọ obọ nọ ma re fihọ kẹ ahwo nọ e wọhọ igodẹ o roma hwa omodawọ nọ ma rẹ rọ vuẹ ovuẹ Uvie na evaọ edhere nọ o rẹ rọ wọ amọfa jẹ kẹ ai otoriẹ. Ta kpahe enọ nana: (1) Ohẹriẹ vẹ o rrọ usiuwoma ota gbe ewuhrẹ amọfa? (2) Fikieme ahwo jọ a je wo ehoo nọ a re ro ru uwuhrẹ Ebaibol? (3) Ẹvẹ ma sai ro ru ẹnyaharo evaọ ona uwuhrẹ mai? (4) Ẹvẹ o sai ro mu omai ẹro nọ ọmọ-uwuhrẹ mai o bi wo otoriẹ oware nọ o bi wuhrẹ? (5) Ute vẹ ma rẹ daoma fi obọ họ kẹ ọmọ-uwuhrẹ na nyate?

Ole avọ 70 gbe olẹ ekuhọ.

[Footnote]