Ọkiẹkpemu Isukulu Odibọgba Esuo-ọghẹnẹ

A te rehọ unu kẹ iyo enọ nọ e rrọ obotọ na eva Isukulu Odibọgba Esuo-Ọghẹnẹ nọ a ti ru eva oka nọ o rọ April 26, 2004 muhọ. Ọsẹro isukulu na ọ te rehọ iminiti 30 ru ọkiẹkpemu ọrọ eme nọ a ru eva eka ọ March 1 rite April 26, 2004. [Muẹrohọ: Nọ a gbe kere oria nọ a rehọ ẹme no ze lele onọ na ha, o gwọlọ nọ who re ru ekiakiẹ kẹ omobọ ra ro duku uyo na.—Rri obe ọ Isukulu Odibọgba, ẹwẹ. 36-37.]

EKWAKWA ẸMEỌTA

1. Okenọ ma te bi ru ẹme, fikieme u je woma re ma ta ẹme na no omaa-ẹmeọta ze vi ukpenọ ma re se eme na kpobi no obe nọ ma kere ze? [be-IS ẹwẹ. 166 edhe. 3]

2. Nọ ma tẹ be ruẹrẹ oma kpahe kẹ usiuwoma ota, ẹvẹ ma sae rọ jọ iroro mai ruẹrẹ ẹme nọ ma gwọlọ ta kpahe họ? [be-IS ẹwẹ. 167 edhe. 3]

3. Rehọ Iruẹru 13:16-41 gbe Iruẹru 17:2, 3 ro dhesẹ epanọ Pọl o ro ‘dhesẹ via vevẹ inọ Jesu họ Kristi na.’ (Iruẹru 9:22) [be-IS ẹwẹ. 170 edhe. 2]

4. Irere jọ vẹ e rrọ ẹme nọ a rẹ ta uzuzou? [be-IS ẹwẹ. 175 edhe. 2-5]

5. Egbefẹ vẹ i re no ẹme nọ a re ru uzuzou ze, kọ eme ọ rẹ sai fi obọ họ kẹ omai whaha ae? [be-IS ẹwẹ. 175 edhe. 6–ẹwẹ. 176 edhe. 3]

ẸME 1

6. Wọhọ epanọ iyẹrẹ nọ e rrọ Emuhọ 32:24-32 e ta, eme Jekọp nọ ọ kpako te ikpe 97 no o ru re o wo eghale Jihova, kọ eme onana u wuhrẹ omai? [w02-E 8/1 ẹwẹ. 29-31]

7. Eme họ “ẹgba iroro,” kọ ẹvẹ o sae rọ thọ omai nọ ma gbẹ jọ deghe deghe he jẹ dheva nọ i wo otọ họ? (Itẹ 1:4) [w02-E 8/15 ẹwẹ. 21-22]

8. Ẹvẹ ahwo nọ a rẹ k’ovuẹ ogbotu a sai ro ru Ikereakere na fihọ ehri ẹme rai? [be-IS ẹwẹ. 52 edhe. 6–ẹwẹ. 53 edhe. 5]

9. Nọ oruẹme ọ tẹ rẹriẹ omaa-ẹmeọta kpohọ uvi oruvẹ okokodo Ikereakere, eme o gba riẹ họ nọ o re ru? [be-IS ẹwẹ. 54 edhe. 2-4]

10. Fikieme Jihova ọ rọ rehọ emana kuọ emọ Izrẹl no oka te oka, no amara te amara, evaọ igbrẹwọ na, kọ eme ma rẹ sai wuhrẹ no onana ze? (Izie. 8:16) [w02-E 9/1 ẹwẹ. 30 edhe. 3-4]

ISASE EBAIBOL ẸKPOKA

11. Wọhọ epanọ a dhesẹ eva Emuhọ 37:12-17, ithatho vẹ ma ruẹ evaọ owojẹ Josẹf gbe orọ Jesu? [w87-E 5/1 ẹwẹ. 12 edhe. 12]

12. Wọhọ epanọ ma rẹ sae ruẹ evaọ ikuigbe nọ e rrọ Emuhọ 42:25-35 na, ẹvẹ Josẹf o ro dhesẹ ọdawẹ nọ ọ wọhọ onọ Jesu o bi dhesẹ? [w87-E 5/1 ẹwẹ. 18 edhe. 10; ẹwẹ. 19 edhe. 17]

13. Ẹvẹ eruẹrẹfihotọ nọ utu ọrigbo na u bi ru nẹnẹ e rọ rọwo kugbe ẹghale eka evaọ edẹ Josẹf? (Emu. 47:21-25)

14. Nọ Jihova ọ ta nọ ‘Mẹ rẹ rẹriẹ kpohọ oghẹrẹ kpobi nọ u jomẹ,’ eme o bi rovie via kpahe odẹ riẹ? (Ọny. 3:14, 15)

15. Enwoma ivẹ vẹ kpahe unoma-uguo a kere fihọ Ọnyano 16:2, 3? [w93-E 3/15 ẹwẹ. 20-21]