Iwhowhovia

◼ Ebe nọ a ti fihọ ada evaọ April gbe May: Fi Emagazini Uwou-Eroro Na gbe Awake! họ ada. Okenọ who te bi zihe bru ahwo nọ a dhesẹ isiuru, ku ahwo nọ a kpohọ Ekareghẹhọ na hayo omakugbe Ileleikristi mai efa jọ rekiyọ a ri kuomagbe ukoko na ziezi hi kugbei, tẹrovi efihada obe ọ Gọ Ọghẹnẹ na. Daoma gaga re who muọ obe-uwuhrẹ Ebaibol họ, maero otẹrọnọ ohwo na o wuhrẹ obe Eriariẹ na gbe ibroshọ Gwọlọ na no. June: Wuhrẹ Mi Owuhrẹ Ologbo Na. Otẹrọnọ ohwo ọ ta nọ o wo emọ họ, who ve fi ibroshọ Gwọlọ na họ ada. Nọ whọ tẹ be rehọ ibroshọ na ruiruo, tọ ẹro vi emuhọ ebe-iwuhrẹ Ebaibol. July gbe August: A rẹ sai fi ibroshọ ewẹ-obe 32 enana jọ họ ada: A Book for All People, Egọmeti Nọ Ọ te Rehọ Aparadase Tha, Eme Họ Ẹjiroro Uzuazọ—Ẹvẹ Whọ Sai Ro Duku Ei?, Eme Ọ rẹ Via k’Omai Okenọ Ma te Whu?, Izi Ahwo nọ Ahwuno—Kọ E Rẹ Sai Fiobọhọ K’owhẹ Manikọ E Rẹ Nwa Owhẹ Oma? Kọ Eghinẹ Rọ?, Kọ Ọghẹnẹ Ọ Be Ghinẹ Daezọ Mai?, Okenọ Ohwo nọ Who You O te Whu, Reawere Uzuazọ Otọakpọ Bẹdẹ Bẹdẹ!, “Ri! Me Bi Ru Eware Kpobi Fihọ Ekpokpọ”, gbe The Divine Name That Will Endure Forever.

◼ Evaọ May 29, 2004, a ti rovie Ebẹtẹle he. Fikiere wha nyaze ughe-uriwo hayo ebe erehọ evaọ ẹdẹ nana ha.

◼ U fo re uwou-ogha u wo okerefihotọ ọgbagba ọrọ adrẹse gbe inọmba ifonu esẹro ukoko gbe ikere-obe ukoko kpobi. Otẹrọnọ enwene ọ riẹ, Ogbẹgwae Iruo Ukoko na u re kere je vi efọmo ọ Presiding Overseer/Secretary Change of Address (S-29) se uwou-ogha ababọ oke oraha. Onana u te inwene kpobi nọ a ru evaọ inọmba ifonu re.

◼ Ikere-obe ukoko a re wo efọmo Application for Regular Pioneer Service (S-205) gbe Application for Auxiliary Pioneer Service (S-205b) buobu họ obọ. A rẹ sae yare enana evaọ Literature Request Form na (S-14). O tẹ kawo, wha wo enọ i re te ro ruiruo evaọ ukpe ovo họ obọ. Wha kiẹ efọmo ekobaro oke-kpobi riwi re u mu owhai ẹro nnọ a kere i rai gba, kugbe ẹdẹ nọ ohwo na ọ rọ họ-ame.