Ẹme nọ Whọ rẹ Ta Kpahe Emagazini Na

Awake! Apr. 22

“Evaọ akpọ inẹnẹ, o rrọ ahwo jọ oma wọhọ nnọ a wo ẹruore he. Kọ o rẹ jọ owhẹ oma ere ẹsejọ re? [Kuvẹ kẹ uyo. Kẹsena who ve se Ahwo Rom 15:4.] Ahwo buobu a vuhu epanọ ẹruore nọ a re wo ọ roja te. O te kẹ owhẹ evawere nọ who te se kpahe ẹjiroro ihrẹ nọ Ikereakere na e kẹ nọ ma je wo ẹruore nọ a jọ ukere Awake! nana dhesẹ na.”

Uwou-Eroro Na May 1

“Evaọ oma nọ a be dawo re a ruẹsi ru uyero ahwo-akpọ woma, isu egagọ jọ a duoma họ esuo-ohrowo. Dede na, muẹrohọ oware nọ Jesu o ru evaọ okenọ a jẹ gwọlọ rehọ iẹe mu ovie. [Se Jọn 6:15.] Jesu ọ tẹro vi oware jọ nọ o te wha ewoma ibẹdẹ se amọfa. Emagazini nana o dhesẹ oware nọ oyena o rrọ.”

Awake! May 8

“Ahwo buobu a be rẹriẹ ovao dhe iyero ebẹbẹ eva oria iruo rai. Ibe-iruiruo a re tube kpokpo ejọ dede. Kọ whọ riẹ nọ ehrẹ nọ i re fi obọ họ kẹ omai rọ udu dhe ise-abọ itieye na e rrọ Ebaibol na? [Kuvẹ kẹ uyo. Kẹsena who ve se Itẹ 15:1.] Emagazini nana ọ kẹ uvi iroro-ejẹ nọ i re fi obọ họ k’omai yọrọ udhedhẹ kugbe amọfa evaọ oria iruo.”