Ẹme nọ Whọ rẹ Ta Kpahe Emagazini Na

Uwou-Eroro Na Mar.

“Ahwo buobu a wo orọwọ inọ Jesu yọ Ọghẹnẹ. Rekọ o rrọ oware isiuru inọ Pita olele Jesu o dhesẹ i rie wọhọ Ọmọ Ọghẹnẹ. [Se Matiu 16:16.] Kọ who roro nọ o lọhọ re Jesu ọ jọ Ọghẹnẹ jẹ jọ Ọmọ Ọghẹnẹ? [Kuvẹ kẹ uyo.] Uzoẹme nana nọ o rrọ ẹwẹ-obe avọ 12-13 na o ta kpahe onọ nana, u dhesẹ oware nọ Ebaibol e ta kpahe iẹe.”

Uwou-Eroro Na Apr. 1

“Oria ikere nana nọ ahwo a riẹ ziezi na u fi ẹgba họ epanọ u wuzou te re a wo eriariẹ Ọghẹnẹ. [Se Matiu 4:4.] Rekọ, o rrọ bẹbẹ kẹ ahwo buobu re a wo otoriẹ Ebaibol na. Kọ who muẹrohọ oyena ere no? [Kuvẹ kẹ uyo.] Emagazini nana o dhesẹ ugogo eware nọ e rẹ sai fiobọhọ k’owhẹ wo otoriẹ Ebaibol na.”

Awake! Apr.

“Ahwo buobu a be daoma wo evawere, rekọ o wọhọ nọ umutho ahwo jọ ọvo a bi duku ei. Kọ who roro nọ eva usu eware nọ a jọ etenẹ fodẹ na ojọ o sai fiobọhọ kẹ ahwo yeri emamọ uzuazọ evawere? [Dhesẹ ẹkpẹti nọ ọ rrọ ẹwẹ-obe avọ 9 na. Re who se ikere jọ nọ a fodẹ na.] Ukere Awake! nana o ta kpahe oware nọ Ebaibol na e ta nọ o rẹ wha uvi evawere ze.”