Ẹme nọ Whọ rẹ Ta Kpahe Emagazini Na

Uwou-Eroro Na Jan.-Mar.

“Ahwo-akpọ a rẹ sae ta oware nọ o te jọ obaro via gbagba ha. Kọ who roro nọ ohwo jọ ọ riẹ nọ ọ rẹ sae ta oware nọ o te jọ obaro via gbagba? [Kuvẹ kẹ uyo.] Rri ẹme nọ ọ rrọ oria Ebaibol nana. [Se Aizaya 46:9, 10.] Uzoẹme nọ o rrọ ẹwẹ-obe avọ 22 na o ta kpahe eware jọ nọ Ọghẹnẹ ọ ta evaọ oke nọ u kpemu nọ i rugba ẹrẹrẹe.”

Awake! Mar.

“Kọ who roro nọ ugbẹrọwo u kiehọ manikọ o rẹ wha enwoma ze? [Kuvẹ kẹ uyo.] Rri ẹme nana nọ Ebaibol ọ ta na. [Se Aizaya 65:11.] Uzoẹme nana nọ u muhọ evaọ ẹwẹ-obe avọ 10 na u dhesẹ oware nọ o soriẹ nọ ugbẹrọwo avọ iwuhrẹ Ebaibol e gbẹ rọwokugbe he.”

Uwou-Eroro Na Apr.-June

“Nọ eruẹaruẹ nọ e rrọ etenẹ na i te rugba, kọ o gbẹ te were owhẹ? [Se Aizaya 2:4. Kẹsena whọ vẹ kuvẹ kẹ uyo.] Muẹrohọ nọ wọhọ epanọ ma se na, Ọghẹnẹ o ti dhomahọ iruẹru ahwo-akpọ jẹ kpọ eware vi. Ebaibol na i dhesẹ nọ Ọghẹnẹ o ti fi ẹmo jọ nọ a re se Amagẹdọn, onọ u ti ku ẹmo-ofio kpobi họ. Emagazini nana o dhesẹ oware nọ Amagẹdọn ọ rrọ vevẹ gbe oware nọ o soriẹ nọ ma je rẹro riẹ.”

Awake! Apr.

“Kọ who roro nọ etoke nọ a jọ etenẹ dhesẹ na ma rrọ na? [Se 2 Timoti 3:1-4. Kẹsena whọ vẹ kuvẹ kẹ uyo.] U fo nọ ma roro kpahe edẹ urere na keme ede urere na i dhesẹ nọ etoke nọ akpọ na o ti ro woma o kẹle no. Emagazini nana o ru ẹme na vẹ.”