Omaa Ewuhrẹ Odibọgba

Oka nọ O rọ July 12 Muhọ

Ole avọ 108

12 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Kareghẹhọ iwhowho-uvie re a nẹ iyẹrẹ usiuwoma ota ubro amara ọ July. Ẹkwoma iroro-ejẹ nọ e rrọ ẹwẹ-obe avọ 4 na, ru odhesẹvia ọrọ epanọ a re ro fi Awake! ọ July 22 na họ ada. Evaọ odhesẹvia na, dhesẹ epanọ a be rọ jọ iyẹrẹ fi emagazini họ ada kẹ ohwo jọ nọ ọ rẹ jẹ ẹvẹrẹ ra ziezi hi.

18 min: “Rọ Aro Kele Ẹdhoguo-Okiẹrẹe Jihova.”a Nọ oke o tẹ riẹ, zizie ogbotu na re a kpahe fihọ ikereakere nọ a fodẹ na.

15 min: Ebaibol na—Obe Eruẹaruẹ Egbagba. Ẹme gbe iroro-ejẹ ogbotu nọ a re ru no ibroshọ na ze A Book for All People, ẹwẹ-obe avọ 27-29. Ẹsibuobu, ma rẹ jọ odibọgba mai nya ku ahwo nọ a wo isiuru kpahe obaro. Ebaibol na e kẹ ovuẹ nọ a re fi eva họ onọ u dhesẹ obaro evawere rọkẹ ahwo-akpọ ẹmeoyo. Dhesẹ eruẹaruẹ Ebaibol jọ nọ e rẹ bọ evaifihọ kpahe eruẹaruẹ Ebaibol nọ e gbẹ rrọ obaro. Ru re owhowho-uvie jọ o ru odhesẹvia epanọ a sae rọ rehọ eware nọ e via nọ a ta kpahe evaọ Ebaibol na ro fi obọ họ kẹ ohwo nọ o wo isiuru re ọ bọ ẹrọwọ fihọ Ebaibol na.

Ole avọ 16 gbe olẹ ekuhọ.

Oka nọ O rọ July 19 Muhọ

Ole avọ 83

10 min: Iwhowhovia obonẹ. Ta kpahe epanọ u wuzou te re a yọrọ omaa isase Ebaibol ikẹdẹ kẹdẹ, makọ evaọ oke nọ uvẹ-eriosehọ (no iruo hayo isukulu) u te nwene omaa ikẹdẹ kẹdẹ mai. Ku eme kugbei rono Uwou-Eroro ọ August 15, 2000 (ọrọ oyibo), ẹwẹ-obe avọ 32 ze.

15 min: Ẹgwọlọ ukoko na.

20 min: “Eru Ebe-Iwuhrẹ Ebaibol nọ E rẹ Nyaharo—Abọ 1.” Ẹme nọ ọsẹro usiuwoma ota na o re ru. Kẹ ogbotu na uvẹ re a kpahe fihọ ẹme nọ ọ rrọ obe ọ Proclaimers na, ẹwẹ-obe avọ 572-574, nọ u dhesẹ ẹnyaharo ebe-iwuhrẹ Ebaibol evaọ oke ọgbọna. Bọ isiuru kẹ izoẹme nọ e rrọ obaro tha na. Usu izoẹme jọ nọ a te ta kpahe họ epanọ a rẹ rọ ruẹrẹ oma kpahe re a ru obe-uwuhrẹ Ebaibol, epanọ a re ro fi obọ họ kẹ ọmọ-uwuhrẹ na re ọ ruẹrẹ oma kpahe, epanọ oria nọ a re wuhrẹ evaọ ẹkeriotọ ọvo u re theri te, epanọ a rẹ rọ rehọ ikereakere ru iruo ziezi, epanọ a rẹ rọ kẹ iyo enọ nọ ọmọ-uwuhrẹ na ọ nọ, epanọ a rẹ rọ to olẹ họ, gbe epanọ a rẹ rọ kpọ ovao ọmọ-uwuhrẹ na rri ukoko na. Ta udu họ ahwo kpobi awọ re a fi ezọhọfihọ nọ a kẹ na họ iruo, re a jẹ ruẹrẹ izoẹme enana họ kẹ eroruiruo evaọ obaro.

Ole avọ 10 gbe olẹ ekuhọ.

Oka nọ O rọ July 26 Muhọ

Ole avọ 216

12 min: Iwhowhovia obonẹ. Iyẹrẹ epanọ igho e nya. Kareghẹhọ iwhowho-uvie re a nẹ iyẹrẹ usiuwoma ota ọ July. Ẹkwoma iroro-ejẹ nọ e rrọ ẹwẹ-obe avọ 4 na, ru idhesẹvia ivẹ erọ epanọ a re ro fi Uwou-Eroro ọ August 1 gbe Awake! ọ August 8 na họ ada. Evaọ idhesẹvia ivẹ na, dhesẹ edhere nọ a rẹ rọ kpahe fihọ unoma na “Fikieme wha je bi dhe ẹnyẹnyaze?”—Rri omobe na Ebaibol E rọ Jiroro, ẹwẹ-obe avọ 12.

8 min: Ẹkpẹti Onọ. Ẹme nọ ọkpako ukoko o re ru. Se jẹ ta kpahe uzoẹme na kpobi.

25 min: “Epanọ A rẹ rọ Ta Usiuwoma Evaọ Ẹkwotọ Ekiọthuọ.” Dhesẹ ọruẹrẹfihotọ nọ ukoko rai u ru rọkẹ usiuwoma ota evaọ ẹkwotọ ekiọthuọ. Rehọ omoke kpẹkpẹe ru idhesẹvia ivẹ nọ e rrọ edhe-ẹme avọ 4-5 hayo odhesẹvia ọfa nọ o kiehọ ziezi evaọ ẹkwotọ rai. Nọ oke o tẹ riẹ, zizie ogbotu na re a ta emamọ eware nọ a rọ ẹro ruẹ nọ a jẹ ta usiuwoma evaọ ẹkwotọ ekiọthuọ.

Ole avọ 173 gbe olẹ ekuhọ.

Oka nọ O rọ August 2 Muhọ

Ole avọ 60

8 min: Iwhowhovia obonẹ.

22 min: Kọ Who re Dhesẹ Oware nọ O Soriẹ? Ẹme gbe iroro-ejẹ nọ a re ru no obe ọ Isukulu Odibọgba na ze, ẹwẹ-obe avọ 254, edhe-ẹme 1-2. Nọ ma te fi ikereakere na họ iruo evaọ odibọgba na gbe okenọ ma bi ru ẹme no eplatfọmo ze, ewuhrẹ mai ọ rẹ mai wo ẹgba otẹrọnọ ma ta ẹjiroro ẹme nọ ma be ta na via viukpenọ ma rẹ ta ududu ọvo inọ ere o rrọ. Ẹkwoma iriruo nọ who re ro ru iruo rono obe ọ Ebaibol E rọ Jiroro na hayo ebe ukoko na efa nọ i kiehọ ẹkwotọ rai ze, dhesẹ epanọ a rẹ rọ (1) salọ je ru igogo-ẹme nọ e rrọ ikereakere vẹ (2) kẹ imuẹro nọ e tha ẹme na uke rono eme nọ e wariẹ e riẹ họ hayo ro no ikereakere efa nọ e ta kpahe ẹme na ze, (3) rehọ ọtadhesẹ ro dhesẹ areghẹ nọ ọ rrọ ẹme nọ whọ ta no, gbe (4) rehọ enọ ro fi obọ họ kẹ ahwo nọ a be gaviezọ na re a roro kpahe ẹme na. Fi ẹgba họ irere nọ i re no edhere iroro-ejẹ nọ a re ro lele ohwo tẹme ze.

15 min: Eware nọ a rọ ẹro ruẹ evaọ obonẹ. Zizie ogbotu na re a ta eware ọbọga jọ nọ a rọ ẹro ruẹ evaọ etoke ikokohọ jọ nọ a nya, ọkobaro ubroke nọ a ru, hayo obọ nọ a wo evaọ iruo ukoko na efa nọ a ru kẹle na.

Ole avọ 32 gbe olẹ ekuhọ.

[Footnote]