Iwhowhovia

◼ Ebe nọ a ti fihọ ada evaọ July gbe August: A rẹ sai fi ibroshọ ewẹ-obe 32 enana jọ họ ada: A Book for All People, A Satisfying Life, Edhere nọ O Re Su Kpohọ Uzuazọ Ebẹdẹ Bẹdẹ—Kọ Who Duku Ei No? Egọmeti Nọ Ọ te Rehọ Aparadase Tha, Eme Họ Ẹjiroro Uzuazọ? Ẹvẹ Whọ Sai Ro Duku Ei?, Eme Ọ rẹ Via k’Omai Okenọ Ma te Whu?, Isẹri Jihova—Oghẹrẹ Ahwo Vẹ A Rrọ? Eme A Rọwo?, Izi Ahwo nọ Ahwuno—Kọ E Rẹ Sai Fiobọhọ K’owhẹ Manikọ E Rẹ Nwa Owhẹ Oma? Kọ Eghinẹ Rọ?, Kọ Ọghẹnẹ Ọ Be Ghinẹ Daezọ Mai?, Okenọ Ohwo nọ Who You O te Whu, Reawere Uzuazọ Otọakpọ Bẹdẹ Bẹdẹ!, “Ri! Me Bi Ru Eware Kpobi Fihọ Ekpokpọ”, gbe The Divine Name That Will Endure Forever. September: Si Kẹle Jihova. Wọhọ enọ a re ro nwene iei, whọ sai fi obe ọ Kezọ kẹ Eruẹaruẹ Daniẹl hayo Whọ Sae Ria Bẹdẹ Bẹdẹ eva Aparadase ọ Otọakpọ na họ ada.

◼ Muhọ no September vrẹ, esẹro okogho a te kẹ ovuẹ ogbotu nọ uzoẹme riẹ o rrọ “Ovao O Rẹriẹ dhe Obaro na avọ Ẹrọwọ gbe Udu.”

◼ A bi vi efọmo ọ Literacy Report ivẹ se ukoko kpobi. Nọ wha te kere eme fihọ ae no, iviena wha vi ovo rai jọ zihe se uwou ogha na eva August 1. Wha fi ovo nọ u kiọkọ họ efaele ukoko rai.

◼ Okenọ a tẹ be jọ ẹkwotọ nọ a ghale kẹ ukoko ho ru iruo, iwhowho-uvie a sai fi ibroshọ Gwọlọ na hayo obe Eriariẹ na họ ada. Otẹrọnọ ohwo na o wo ebe nana no, a sai fi obe ofa họ ada. Jọ ohwo kpobi ọ wha oghoghẹrẹ emebe-evẹvẹ sa-sa lele oma nọ a rẹ nya seba kẹ ahwo nọ a di họ uwou hu hayo ahwo nọ a rehọ obe he. Wha rẹ daoma gaga re wha nya lele isiuru kpobi nọ wha duku, maero nọ ekwotọ nọ a ghale kẹ ukoko ho na e tẹ kẹle ukoko jọ.

◼ Ikere-obe ukoko a re wo efọmo ọ Application for Regular Pioneer Service (S-205) gbe Application for Auxiliary Pioneer Service (S-205b) buobu fihọ obọ. A rẹ sae yare enana evaọ Literature Request Form (efọmo nọ a re ro vi ebe) na (S-14). Daoma wo enọ i re te ro ru iruo evaọ ukpe soso họ obọ.

◼ Taure a te ti vi efọmo ọkobaro oke-kpobi se uwou ogha, okere-obe ukoko na ọ rẹ kiẹ efọmo na riwi re ọ ruẹ nọ a kere eware na kpobi gba. Otẹrọnọ ohwo nọ o bi fi obe họ kẹ iruo ọkobaro na ọ sae kareghẹhọ ideti nọ ọ rọ họ-ame he, a rẹ sai roro eware nọ e via kẹle ẹdẹ yena a ve kere ideti na fihọ otọ. Okere-obe ukoko na o re kere ideti nana fihọ Congregation’s Publisher Record card (Ekade Iruo Owhowho-Uvie Ukoko) na.

◼ Oke kpobi nọ omaa erẹ obọra u te kugbe ekpohọ iwuhrẹ ukoko, okokohọ ọsese, hayo okokohọ ologbo evaọ orẹwho ofa, ayare nọ who re ru kpahe ẹdẹ, oke, gbe oria okokohọ na who re vi ei se uwou ogha nọ o be rọ ẹro te iruo na evaọ orẹwho yena. A kere adrẹse iwou ogha fihọ ẹwẹ-obe urere Yearbook ọkpokpọ na.

◼ U fo re uwou-ogha na u wo okerefihotọ ọgbagba ọrọ adrẹse gbe inọmba ifonu esẹro ukoko gbe ikere-obe kpobi. Otẹrọnọ enwene jọ ọ riẹ, Ogbẹgwae Iruo Ukoko na a re kere, whobọhọ, je vi efọmo ọ Presiding Overseer/Secretary Change of Address (S-29) se uwou-ogha na ababọ oke oraha. Onana u kpomahọ inwene kpobi evaọ inọmba ifonu okegbe.