Omaa Ewuhrẹ Odibọgba

Oka nọ O rọ December 13 Muhọ

Ole avọ 47

10 min: Iwhowhovia obonẹ gbe Iwhowhovia nọ a salọ no Odibọgba Uvie Mai ze. Kareghẹhọ iwhowho-uvie re a nẹ iyẹrẹ usiuwoma ota ubro amara ọ December. Ta udu họ ahwo kpobi awọ re a rri ividio na No Blood—Medicine Meets the Challenge evaọ oma oruẹrẹhọ kẹ ẹmeọta-kugbe eva oka notha. Fodẹ obọdẹ omaa usiuwoma ota nọ a ruẹrẹhọ kẹ December 25 gbe January 1. Rehọ iroro-ejẹ nọ a kẹ evaọ ẹwẹ-obe avọ 8 na (otẹrọnọ i kiehọ eva ẹkwotọ rai) ro ru odhesẹvia epanọ a re ro fi Awake! ọ December 22 na họ ada. A sae rehọ odhesẹvia ọfa nọ o kiehọ ro ruiruo. Evaọ odhesẹvia na, dhesẹ edhere jọ nọ a re ro lele ohwo nọ o gu unoma nana tẹme “Mẹ riẹ kpahe iruo rai gaga no.”—Rri omobe na Ebaibol E rọ Jiroro, ẹwẹ. 12.

15 min: “Isukulu Ewuhrẹ Odibọgba— Ẹthẹ Ologbo Iruo Nọ O Rovie Fihọ.” Ẹme gbe iroro-ejẹ ogbotu. Ku eme kugbei ro no 2004 Yearbook na ze, ẹwẹ-obe avọ 239-240. Fodẹ inọ evaọ okokohọ okogho nọ ma re ru na, a rẹ jariẹ gba ẹgwae kugbe ahwo nọ a wo isiuru kpahe ekpohọ Isukulu Ewuhrẹ Odibọgba. Tuduhọ ahwo nọ a te re a kpohọ ẹgwae nana.

20 min: “Oghẹrẹ Vẹ Ma re ro Se Isẹri kẹ Imoni Mai?”a Rehọ enọ nọ a kẹ na ro ru ei. Zizie ogbotu na re a ta kpẹkpẹe kpahe epanọ a sae rọ kpare isiuru imoni rai je se isẹri kẹ ae no.

Ole avọ 17 gbe olẹ ekuhọ.

Oka nọ O rọ December 20 Muhọ

Ole avọ 68

5 min: Iwhowhovia obonẹ.

15 min: “Ọruẹrẹfihotọ Ọkpokpọ nọ A rẹ rọ Kiẹ Ọruẹrẹfihotọ Okokohọ Riwi.” Ẹme gbe iroro-ejẹ ogbotu nọ a re ru no uzoẹme nọ o rrọ ẹwẹ-obe avọ 4 na ze. Fodẹ ẹdẹ okokohọ okogho hayo okokohọ obọdẹ rai nọtha otẹrọnọ a kẹ owhai no. Jọ ahwo nọ a gwọlọ họ-ame a vuẹ ọsẹro ukoko rai evaọ ẹruoke.

25 min: “Wo Erere no Ividio ọ No Blood—Medicine Meets the Challenge na Ze.” Ẹmeọta ogbotu nọ a re ru no ividio No Blood na ze, rehọ enọ nọ a kẹ evaọ ẹwẹ-obe 1 na ro ru ei. Kẹsena who ve se edhe-ẹme urere na. Tuduhọ ahwo na kpobi awọ re a ziọ ewuhrẹ evaọ oka notha nọ a te jọ ta ẹme kpahe ọruẹrẹfihotọ ọkpokpọ nọ o re fiobọhọ kẹ omai si oma no azẹ na. Onọ a sai ro nwene iei, ta kpahe Ọkpọvio Ọghẹnẹ Kpahe Azẹ. Ẹme nọ ọkpako ukoko o re ru no Uwou-Eroro ọ July 1, 2004 ze, ẹwẹ-obe avọ 8-13, edhe-ẹme 1-15.

Ole avọ 50 gbe olẹ ekuhọ.

Oka nọ O rọ December 27 Muhọ

Ole avọ 36

10 min: Iwhowhovia obonẹ. Iyẹrẹ epanọ igho e nya. Kareghẹhọ iwhowho-uvie re a nẹ iyẹrẹ usiuwoma ota ọ December. Ẹkwoma iroro-ejẹ nọ e rrọ ẹwẹ-obe avọ 8 na (otẹrọnọ i kiehọ evaọ ẹkwotọ rai), ru odhesẹvia epanọ a re ro fi Uwou-Eroro ọ January 1 hayo Awake! ọ January 8 na họ ada.

25 min: Ẹmeoyo kẹ Uzi Ọghẹnẹ orọ Oma Usino Azẹ. Ẹme nọ ọkpako ukoko o re ru, o re sei no obe nọ uwou ogha na o kẹ na ze. Ta evaọ emuhọ na inọ a re kere eme fihọ ekade DPA na evaọ owọwọ nana ha. Nọ o bi se no obe na ze na, oruẹme na ọ sai ku eme kugbei ro fi ẹgba họ igogo eme na, rekọ ọ rẹ rehọ iriruo efa nwene eme nọ e rrọ obe na hayo ikereakere nọ a fodẹ na ha. A sai se ikereakere nọ a fodẹ na hayo ta ẹme kpahe ae wọhọ epanọ oke o kuvẹ te. Eva eria sa-sa, si iroro kpohọ eme nọ e rrọ ẹkpẹti na “Ọruẹrẹfihotọ Ọkpokpọ Nọ O Re Fi Obọ họ kẹ Omai Si Oma No Azẹ.” Okere-obe ukoko na ọ rẹ rehọ ekade DPA na kẹ iwhowho-uvie kpobi nọ e họ-ame no, gbe “Ithubro nọ A re ro Kere Eme Fihọ Ekade DPA Na” re u fiobọhọ kẹ ae wo otoriẹ ẹme na evaọ okenọ a bi ru abọ ẹme nana. Okere-obe ukoko na o re je muẹrohọ inọ Identity Cards nọ a rẹ rọ kẹ emaha na e riẹ buobu.

10 min: Owha-Iruo Obroziẹ-Iroro Ra. Ẹme nọ ọkpako ukoko o re ru no Uwou-Eroro ọ July 1, 2004 ze, ẹwẹ-obe avọ 12-13, edhe-ẹme avọ 16-19. Fi ẹgbahọ iẹe inọ iroro-ejẹ mai evaọ eme nọ i kie kpahe obroziẹ-iroro obọ ohwo i wuzou gaga nọ o rọnọ i re kpomahọ usu mai kugbe Jihova na.

Ole avọ 8 gbe olẹ ekuhọ.

Oka nọ O rọ January 3 Muhọ

Ole avọ 27

10 min: Iwhowhovia obonẹ. Fodẹ ebe nọ a ti fihọ ada evaọ January.

15 min: Ẹgwọlọ ukoko na.

20 min: “Eru Ebe-Iwuhrẹ Ebaibol nọ E rẹ Nyaharo—Abọ Avọ 4.” Nọ whọ tẹ ta eme emuhọ nọ i re theri vrẹ uminiti ovo ho rono edhe-ẹme 1 na ze no, ru odhesẹvia iminiti isoi nọ a re ru no edhe-ẹme avọ 2-3 na ze, nọ u re dhesẹ owuhrẹ nọ o bi dhesẹ kẹ ọmọ-uwuhrẹ riẹ epanọ a rẹ rọ ruẹrẹ oma họ kẹ uwuhrẹ. Rehọ edhe-ẹme jọ evaọ obe ọ Eriariẹ na hayo ibroshọ Gwọlọ na ro ruiruo evaọ odhesẹvia na. Whọ vẹ rehọ enọ gbe iyo ro ru edhe-ẹme avọ 2-5, fi elo họ igogo eme na no odhesẹvia na ze.

Ole avọ 79 gbe olẹ ekuhọ.

[Footnote]