Iwhowhovia

◼ Ebe nọ a ti fihọ ada evaọ January: Kezọ kẹ Eruẹaruẹ Daniẹl!, Izi Ahwo nọ Ahwuno—Kọ E Rẹ Sai Fiobọhọ K’owhẹ Manikọ E Rẹ Nwa Owhẹ Oma? Kọ Eghinẹ Rọ? February: A ti fi obe ọ Si Kẹle Jihova họ ada. Enọ a sai ro nwene iei họ Kezọ kẹ Eruẹaruẹ Daniẹl!, gbe Whọ Sae Ria Bẹdẹ Bẹdẹ eva Aparadase ọ Otọakpọ.

◼ Society ọ gwọlọ efefafa ọ ẹvẹrẹ Isoko. O tẹ make kawo u fo nọ ohwo otiọye na ọ rehọ ikpe 12 kpohọ isukulu no, avọ ekrẹditi nọ ọ rẹ jọ ẹvẹrẹ Oyibo wo evaọ GCE hayo WASC/SSCE gbe ekrẹditi nọ o re wo evaọ ẹvẹrẹ Isoko otẹrọnọ o ru rie evaọ JSCE (ọrọ uwhremu na o rrọ ọgbahọ họ). Ohwo kpobi nọ o roro nọ o te, yọ ọ gwọlọ ruiruo eva Ebẹtẹle, jọ o kere se uwou ogha. Evuẹ kpahe epanọ o kpohọ isukulu te gbe ifotokọpi erezọto riẹ e rẹ jọ ileta na. Enọ i bi kere ze a rẹ jọ ahwo nọ a re te rọo ho hayo enọ e rọo no ababọ emọ, yọ a re w’uvẹ nọ a rẹ rọ jẹ uzizie kpohọ Ebẹtẹle rehọ.

◼ Muhọ evaọ February, nọ u re lehie vrẹ March 6 hi, ovuẹ ogbotu okpokpọ kẹ esẹro okogho o te jọ “Lele Edhere Areghẹ Evaọ Akpọ nọ Ọ Kare Areghẹ.”

◼ Ikoko i re ru ọruẹrẹfihotọ nọ u fo re a ru ehaa Ekareghẹhọ enukpe ọnana eva Edene-Oka, March 24, nọ ọre o te kiediwi no. Dede nọ a sae kaki mu ẹme na họ ẹta, ẹwọ ebrẹdi gbe udi na u re muhọ họ bẹsenọ ọre o re kiediwi no. Wha nọ re wha riẹ oke nọ ọre o re ro kiediwi evaọ oria rai. O rrọ oware isiuru re ukoko kpobi u ru ọvuọ ehaa Ekareghẹhọ riẹ. Dede na, orọnikọ ẹsikpobi onana o rẹ lọhọ họ. Oria nọ ikoko buobu e jẹ be jọ Ọgwa Uvie ọvo ru iwuhrẹ, ukoko ovo hayo bu viere a rẹ sae gwọlọ oria ofa kẹ owọwọ oyena. Oria nọ o jọ lọhọ, ma jiroro nnọ u re lehie te iminiti 40 re omaa ofa u te ti muhọ re uvẹ o jariẹ nọ a re ro yere erara, jẹ ta udu họ ahwo ọkpokpọ awọ, re ohwo kpobi o wo erere no ehaa na ze vọvọ. Wha re roro kpahe ebẹbẹ imoto buobu nọ e rẹ jọ edhere gbe oria nọ a rẹ dhẹ imoto fihọ, kugbe ẹwọ ze gbe ẹwọ kpo ahwo. Ugboma ekpako na o rẹ j’iroro eruẹrẹfihotọ nọ e mai kiehọ evaọ oborai.

◼ Fiki epanọ ehaa Ekareghẹhọ na i wuzou te, nọ a tẹ be salọ ọnọ ọ te ta ẹme na, ugboma ekpako na a rẹ jọ usu ekpako nọ e mai te ziezi salọ omọvo jọ viukpenọ a rẹ hai ghoro iei no ohwo ro ohwo hayo viukpenọ omọvo jọ ọvo ọ rẹ hae tẹme na kukpe kukpe. Otẹrọnọ ọkpako jọ nọ ọ rrọ usu enọ a wholo na nọ ọ rẹ sae ta ẹme na ọ riẹ, ọye a rẹ salọ.

◼ A te kẹ ovuẹ ogbotu obọdẹ rọkẹ ezi Ekareghẹhọ 2005 na evaọ Ẹdoka April 10. A ti whowho uzoẹme ovuẹ ogbotu na evaọ obaro. Ikoko nọ i wo iweze ọsẹro okogho hayo okokohọ evaọ urere oka yena a rẹ kẹ ovuẹ obọdẹ na evaọ oka nọ u lele i rie. Uvumọ ukoko o rẹ kẹ ovuẹ obọdẹ na taure April 10 o te ti te he.

◼ Ebe Ekpokpo nọ E Riẹ:

New World Translation of the Christian Greek Scriptures—Efik

Watch Tower Publications Index—2003—English