Omaa Ewuhrẹ Odibọgba

Oka nọ O rọ February 14 Muhọ

Ole avọ 174

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Kareghẹhọ iwhowho-uvie re a nẹ iyẹrẹ usiuwoma ota ubro amara ọ February. Rehọ iroro-ejẹ nọ e rrọ ẹwẹ-obe avọ 8 na (otẹrọnọ u kiehọ evaọ ẹkwotọ rai) ro ru odhesẹvia epanọ a re ro fi Awake! ọ February 22 na họ ada. Rehọ omoke jọ kiẹ epanọ a sae rọ rehọ idhere ẹmeọta nọ a rọ kẹ omai oriruo na ro ruiruo evaọ ẹkwotọ ukoko rai.—Rri Odibọgba Uvie Mai ọrọ January 2005, ẹwẹ-obe avọ 8.

35 min: “Ezi Ekareghẹhọ na—Oke Iruo Buobu”a Ẹme nọ ọsẹro usiuwoma ota o re ru. Nọ whọ tẹ be ta kpahe edhe-ẹme avọ 6, ku eme kugbei rono Awake! ọ September 8, 2004 ze, ẹwẹ-obe avọ 12-13. Whowho edẹ ahwo nọ a fi obe họ no kẹ ọkobaro obufihọ. Ta kpahe eruẹrẹfihotọ efa nọ a ru no kẹ iwuhrẹ usiuwoma ota. Ta udu họ ahwo kpobi awọ re a rọ idhere jọ ru iruẹru abọ-ẹzi rai kẹre evaọ ezi Ekareghẹhọ nana.

Ole avọ 14 gbe olẹ ekuhọ.

Oka nọ O rọ February 21 Muhọ

Ole avọ 31

10 min: Iwhowhovia obonẹ. Kiẹ igogo eme rono “Ọjọriẹ Ehaa Ekareghehọ” na ze.

20 min: “Kẹ Jihova Uyere Fiki Uyoyou-Ẹwo Riẹ.” Whowho oke gbe oria Ekareghẹhọ na kugbe odẹ ohwo nọ ọ be te kẹ ovuẹ na gbe eware efa nọ i kie kpahe Ekareghẹhọ na. Nọ whọ tẹ be ta kpahe edhe-ẹme avọ 4, ku odhesẹvia ọkpẹkpẹe kugbei ọrọ owhowho-uvie nọ o bi zizie ohwo nọ ọ rrọ ejẹ emagazini riẹ ziọ Ekareghẹhọ na. A rẹ ghale obe uzizie Ekareghẹhọ na nọ ewuhrẹ na ọ tẹ fa no, otẹrọnọ a re ghale ai no vẹre he.

15 min: “Eru Ebe-Iwuhrẹ Ebaibol nọ E rẹ Nyaharo—Abọ Avọ 6.” Ku odhesẹvia iminiti ene kugbei nọ ọmọ-uwuhrẹ Ebaibol ọ be jọ nọ kpahe oware nọ umutho ahwo jọ ọvo a jẹ jọ Ekareghẹhọ na re ebrẹdi jẹ da udi na. Owuhrẹ na o te yere ie fiki onọ na, o te kere onọ na fihotọ, jẹ ta kẹ ọmọ-uwuhrẹ na inọ a te ta ẹme kpahe iẹe nọ a te ru uwuhrẹ ẹkpoka yena no. Eva obọ ekuhọ uwuhrẹ na, owuhrẹ na ọ tẹ kpọ iroro ọmọ-uwuhrẹ na rri ẹme nọ ọ rrọ otọ onọ na “Who is to partake of the bread and the wine?” (Ono ọ rẹ re ebrẹdi jẹ da udi na?) eva ẹwẹ-obe avọ 267-268 ọrọ obe ọ Reasoning na. A se rie kugbe, ọmọ-uwuhrẹ na o te dhesẹ ovuhumuo fiki uyo uvevẹ nọ a ruẹ kẹ onọ nọ ọ nọ na.

Ole avọ 21 gbe olẹ ekuhọ.

Oka nọ O rọ February 28 Muhọ

Ole avọ 42

15 min: Iwhowhovia obonẹ. Iyẹrẹ epanọ igho e nya. Kareghẹhọ iwhowho-uvie re a nẹ iyẹrẹ usiuwoma ota ọ February. Rehọ iroro-ejẹ nọ e rrọ ẹwẹ-obe avọ 8 na (otẹrọnọ i kiehọ evaọ ẹkwotọ rai) ro ru odhesẹvia epanọ a re ro fi Uwou-Eroro ọ March 1 gbe Awake! ọ March 8 họ ada. A sae rehọ idhesẹvia efa nọ i kiehọ ro ruiruo. Eva obọ ekuhọ odhesẹvia na jọ, owhowho-uvie na ọ be rehọ uzizie Ekareghẹhọ nọ o rrọ uke Awake! ọ March 8 na ro zizie ohwo nọ ọ be ta ẹme kẹ na ziọ Ekareghẹhọ na.

10 min: Ẹgwọlọ ukoko na.

20 min: “Jọ Odibọgba Ra Fi Emagazini họ Ada.” Nọ whọ tẹ be ta kpahe edhe-ẹme avọ 3 gbe ọrọ avọ 4, dhesẹ epanọ a sai ro fi ẹme na họ iruo evaọ oborai. Rehọ omoke jọ kiẹ owhowho-uvie ọvo hayo ivẹ riwi nọ i wo ona ziezi nọ a re ro fi emagazini họ ada evaọ eria ekiọthuọ, evaọ isẹri-ise iyẹrẹ, evaọ eria ẹgbede, hayo nọ a bi se isẹri oke-gheghe. Nọ ae re a fodẹ edhere nọ a re ro fi emagazini họ ada evaọ eria nana. Jọ a ru odhesẹvia ọkpẹkpẹe ọrọ epanọ a bi ro fi emagazini họ ada hayo wariẹ dhesẹ epanọ ojọ o via dẹẹ.

Ole avọ 192 gbe olẹ ekuhọ.

Oka nọ O rọ March 7 Muhọ

Ole avọ 12

5 min: Iwhowhovia obonẹ.

40 min: “Ikokohọ Ubrotọ E rẹ Wọ Omai Nya Kugbe Ọghẹnẹ.” Ọkpako ukoko o re ru ei. Nọ who te ru ẹme-emuhọ uminiti ovo hayo kpẹre vi ere no, rehọ enọ nọ e rrọ uzoẹme na ro ru ẹmeọta ogbotu ọrọ ọruẹrẹfihotọ okokohọ ubrotọ na. Ghale oke ra ziezi re whọ sae nọ enọ na kpobi, otiẹsejọ whọ sae kuvẹ uyo ovo kẹ enọ jọ. A rẹ sai se ikereakere nọ a fodẹ na kpobi evaọ oke nọ a kẹ na ha; a fi ikereakere enana họ iẹe re i fi obọ họ duku iyo na lọlọhọ. Iyo nọ a be kẹ e rẹ tẹrovi erere nọ o re no efihiruo oware nọ a wuhrẹ na ze.

Ole avọ 165 gbe olẹ ekuhọ.

[Footnote]