Omaa Ewuhrẹ Odibọgba

Oka nọ O rọ May 9 Muhọ

Ole avọ 217

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Rehọ iroro-ejẹ nọ e rrọ ẹwẹ-obe avọ 8 (otẹrọnọ i kiehọ evaọ ẹkwotọ ukoko rai) ro ru odhesẹvia epanọ a re ro fi Awake! ọ May 22 họ ada. A sae rehọ odhesẹvia ọfa nọ o kiehọ ro ruiruo. Evaọ odhesẹvia na, dhesẹ epanọ a be rọ jọ omoto ofa fi emagazini họ ada evaọ isẹri-ise oke-gheghe.

15 min: Rehọ Ẹme Ọghẹnẹ Te Ahwo Udu. Ẹme nọ a re ru no Uwou-Eroro ọ February 1, 2005 ze (ọrọ Oyibo), ẹwẹ-obe avọ 28-31. Dhesẹ epanọ Jesu ọ rọ rehọ Ikereakere na fiobọhọ kẹ Pita. Dhesẹ epanọ ma sae rọ rehọ aro kele Jesu evaọ okenọ o tẹ gwọlọ nọ ma kpọ iroro emọ mai vi, iroro emọ-uwuhrẹ Ebaibol, makọ iroro obọmai dede.

20 min: “Ma Omaa Uviuwou nọ U re Wiruo.” Evaọ ẹme emuhọ nọ o re theri te iminiti ivẹ hẹ, dhesẹ aghare nọ ọ rrọ omaa nọ a re kere fihotọ, je dhesẹ epanọ a re ro kere eme fihọ omaa nọ a kere oware ovo fihọ họ nọ o rrọ ẹwẹ-obe avọ 6 na. Who ve ru enọ-gbe-iyo lele iei ro no uzoẹme na ze “Omaa Uviuwou—Iwuhrẹ Ukoko.” Zizie ogbotu na re a ta epanọ a bi ru re eware efa e siọ ai iwuhrẹ ukoko ba ẹwhaha. A te ta kpahe abọ efa ọ omaa uviuwou evaọ eka nọ e rrọ obaro tha.

Ole avọ 176 gbe olẹ ekuhọ.

Oka nọ O rọ May 16 Muhọ

Ole avọ 201

10 min: Iwhowhovia obonẹ. Kareghẹhọ iwhowho-uvie re a nẹ iyẹrẹ ubro amara ọ May. Rehọ omoke jọ kiẹ uzoẹme na riwi “Ewuhrẹ Ibroshọ Wha Hai Rroro! Na,” evaọ ẹwẹ-obe avọ 7. Ta kẹ ogbotu na inọ Odibọgba Uvie Mai nana o dhesẹ omaa nọ a ti ro wuhrẹ ibroshọ na. Tuduhọ ahwo kpobi awọ re a ruẹrẹ oma kpahe ziezi je wobọ evaọ oka kpobi nọ a ti ro ru ewuhrẹ na, nọ u ti muhọ evaọ oka ọ May 23.

15 min: “Omaa Uviuwou—Usiuwoma Ota nọ Uviuwou O rẹ Nya Kugbe.”a Zizie ogbotu na re a ta kpahe irere nọ i re noi ze nọ uviuwou na u te bi ruiruo kugbe ẹsikpobi evaọ odibọgba na.

20 min: “Eru Ebe-Iwuhrẹ Ebaibol nọ E rẹ Nyaharo—Abọ avọ 9.” Nọ whọ tẹ be ta kpahe edhe-ẹme avọ 2, si ugogo ẹme ọvo hayo ivẹ no Odibọgba Uvie Mai ọrọ December 2004 ze, ẹwẹ-obe avọ 8. Ku odhesẹvia ọkpẹkpẹe nọ a be jọ ru obe-uwuhrẹ Ebaibol kugbei. Nọ a wuhrẹ uwuhrẹ avọ 2 evaọ ibroshọ Gwọlọ na no, owuhrẹ na ọ vẹ nọ ọmọ-uwuhrẹ na nọ: “Ẹvẹ whọ sai ro dhesẹ odẹ Ọghẹnẹ kẹ ohwo?” Ọmọ-uwuhrẹ na ọ tẹ ta epanọ ọ rẹ rọ rehọ Olezi 83:18 ro ruiruo, owuhrẹ na o te jiri ei.

Ole avọ 134 gbe olẹ ekuhọ.

Oka nọ O rọ May 23 Muhọ

Ole avọ 194

12 min: Iwhowhovia obonẹ. Se iyẹrẹ epanọ igho e nya gbe obe uyere nọ uwou ogha u vi ze fiki unevaze nọ wha ru na via kẹ ukoko na. Rehọ iroro-ejẹ nọ e rrọ ẹwẹ-obe avọ 8 (otẹrọnọ i kiehọ evaọ ẹkwotọ ukoko rai) ro ru odhesẹvia epanọ a re ro fi Uwou-Eroro ọ June 1 gbe Awake! ọ June 8 họ ada. A sae rehọ idhesẹvia efa nọ i kiehọ ro ruiruo.

18 min: “Ẹdẹ Jihova Ọ Kẹle No.” Nọ whọ tẹ be ruẹrẹ oma kpahe kẹ abọ nana, rri obe ọ Eruẹaruẹ Daniẹl, ẹwẹ-obe avọ 59, edhe-ẹme avọ 28.

15 min: “Omaa Uviuwou—Ewuhrẹ Uviuwou Na.” Ru ọruẹrẹfihotọ ẹruoke kẹ omọvo hayo imava re a ta epanọ a ma omaa ewuhrẹ uviuwou rai fihọ gbe omodawọ nọ o gwọlọ mi ai re a ru ei ẹsikpobi.

Ole avọ 152 gbe olẹ ekuhọ.

Oka nọ O rọ May 30 Muhọ

Ole avọ 190

10 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota ọ May. Fodẹ ebe nọ a ti fihọ ada evaọ June. Ru odhesẹvia epanọ a sai ro fi obe họ ada ẹkwoma eroruiruo idhere usiuwoma ota ọvo hayo ivẹ evaọ usu enọ a jiroro rai kẹ omai evaọ uko-obeva Odibọgba Uvie Mai ọrọ January 2005 (otẹrọnọ i kiehọ evaọ ẹkwotọ ukoko rai). A sae rehọ idhere usiuwoma ota efa nọ i kiehọ ro ruiruo.

20 min: “Omaa Uviuwou—Ekere Okpẹdẹ Na.” Zizie ogbotu na re a ta epanọ uviuwou rai u bi ro wo erere no ikere okpẹdẹ na nọ a bi se kugbe ze, gbe omaa nọ a ruẹ nọ u kiehọ nọ a bi ro ruiruo.

15 min: Gbiku hayo ru ọwariẹ-dhesẹ eware nọ a jọ odibọgba na reawere rai evaọ amara March, April, gbe May. Ru ọruẹrẹfihotọ ẹruoke kẹ omọvo hayo imava re a ta kpahe oma nọ a dawo re a sai ru odibọgba rai kẹre evaọ ezi Ekareghẹhọ na gbe ẹghale ibroshọ Wha Hai Rroro! na, jegbe irere nọ a wo no ere oruo ze.

Ole avọ 115 gbe olẹ ekuhọ.

Oka nọ O rọ June 6 Muhọ

Ole avọ 155

10 min: Iwhowhovia obonẹ.

15 min: Ẹgwọlọ ukoko na.

20 min: “Rọ Ẹkwoma Ejẹ Emagazini Bọ Isiuru.” Nọ whọ tẹ be ta kpahe edhe-ẹme avọ 3, si iroro kpohọ obe ọ Reasoning, ẹwẹ-obe avọ 227-232. A rẹ sae rehọ eme nọ e rrọ obe nana rọ ruẹrẹ oma kpahe kẹ ẹmeọta-kugbe nọ a rẹ hae jọ se oria ikere ọvo rọ kpahe oware nọ Uvie Ọghẹnẹ u ti ru. Ku odhesẹvia jọ kugbei ọrọ epanọ owhowho-uvie ọ sae rọ rehọ oria ikere ọvo ro lele ohwo nọ ọ rrọ ejẹ emagazini riẹ tẹme. Owhowho-uvie na ọ rẹ rehọ omoke jọ tẹme kpahe ikere na je dhesẹ epanọ a re ro fi ikere na họ iruo re u fiobọhọ kẹ ohwo nọ ọ be ta ẹme kẹ na wo otoriẹ riẹ ziezi jẹ ruẹ aghare nọ u wo evaọ uzuazọ riẹ.

Ole avọ 107 gbe olẹ ekuhọ.

[Footnote]