Omaa Ewuhrẹ Odibọgba

Oka nọ O rọ June 13 Muhọ

Ole avọ 198

10 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota ubro amara ọ June. Iwhowhovia nọ A Salọ no Odibọgba Uvie Mai ze. Rehọ iroro-ejẹ nọ e rrọ ẹwẹ-obe avọ 8 (otẹrọnọ i kiehọ evaọ ẹkwotọ ukoko rai) ro ru odhesẹvia epanọ a re ro fi Awake! ọ June 22 họ ada. A sae rehọ odhesẹvia ọfa nọ o kiehọ ro ruiruo. Evaọ odhesẹvia na, dhesẹ epanọ a bi ro fi emagazini họ ada evaọ oke-gheghe.

15 min: Fi Obọ họ kẹ Amọfa re A Te Iwhowho-Uvie nọ E re Họ-Ame He. Ẹme gbe iroro-ejẹ ogbotu nọ ọkpako ukoko o re ru no obe ọ A Koko Omai Họ re Ma Ru Oreva Jihova na ze, ẹwẹ-obe avọ 79-81. Ta kpahe ọruẹrẹfihotọ nọ a rẹ rọ kiẹ riwi sọ ọmọ-uwuhrẹ Ebaibol ọ nyate ite Ikereakere nọ o re ro kuomagbe ukoko na kpohọ usiuwoma ota. Evaọ oka notha, ma te t’ẹme kpahe epanọ ma sai ro wuhrẹ emọ-uwuhrẹ Ebaibol nọ i te wọhọ iwhowho-uvie nọ e re họ-ame he re a mu obọ họ ewo evaọ usiuwoma ota nuwou ruwou na.

20 min: “Usiuwoma Ota U re Fi Obọ họ kẹ Omai Thihakọ.”a Zizie ogbotu na re a kpahe fihọ ikereakere nọ a fodẹ na wọhọ epanọ oke o kuvẹ te.

Ole avọ 149 gbe olẹ ekuhọ.

Oka nọ O rọ June 20 Muhọ

Ole avọ 206

10 min: Iwhowhovia obonẹ. Kiẹ igogo-eme rono Odibọgba Uvie Mai ọrọ July 2003 ze, ẹwẹ-obe avọ 8. Dhesẹ epanọ iwhowho-uvie a sae rọ yare ebe ẹvẹrẹ-ọfa. Ta epanọ ẹme nana o ro kie kpahe ẹkwotọ ukoko rai. Ayare ebe ẹvẹrẹ-ọfa kpobi nọ a bi ru, a re ru ei ẹkwoma odibo ẹruọsa ebe ukoko rai, o tẹ make rọnọ obe ovo whọ be yare, re obe nọ a gwọlọ na o sai tobọ ababọ oke-oraha.

15 min: Ẹme Ọghẹnẹ O Wo Ẹgba. (Hib. 4:12) Ẹme nọ a re ru no Uwou-Eroro ọ December 1, 2003 ze, ẹwẹ-obe avọ 7, edhe-ẹme avọ 13-17. Gbiku eware nọ e via nọ i dhesẹ epanọ ithubro Ebaibol e rẹ rọ wọ ahwo ru inwene evaọ uzuazọ rai. (w00-IS 1/1 ẹwẹ. 3-5) Tuduhọ ahwo kpobi awọ re a rehọ Ebaibol na ruiruo ziezi evaọ kabọ kabọ odibọgba na.

20 min: “Eru Ebe-Iwuhrẹ Ebaibol nọ E rẹ Nyaharo—Abọ Avọ 10.” Ku odhesẹvia jọ kugbei nọ u re dhesẹ epanọ ọmọ-uwuhrẹ o bi ro wuhrẹ edhere usiuwoma ota nọ a wuhrẹ i riẹ no. Nọ ọmọ-uwuhrẹ na o bi wuhrẹ edhere usiuwoma ota nọ a wuhrẹ i riẹ na, owuhrẹ na, nọ o dikihẹ oria ohwo nọ a be t’ẹme kẹ na, ọ tẹ kpahe ẹme jọ nọ ahwo ẹkwotọ na a rẹ kpahe ẹsikpobi, nọ ọmọ-uwuhrẹ na ọ gbẹ riẹ ẹme nọ ọ rẹ ta ha, owuhrẹ na o te dhesẹ epanọ ọ rẹ sai ru evaọ uyero utioye na. Ofariẹ, ru ọruẹrẹfihotọ evaọ ẹruoke kẹ omọvo hayo imava re a ta kpahe uwuhrẹ nọ a kẹ rai evaọ okenọ a mu usiuwoma ota nuwou ruwou họ obọ.

Ole avọ 208 gbe olẹ ekuhọ.

Oka nọ O rọ June 27 Muhọ

Ole avọ 113

10 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota amara ọ June. Se iyẹrẹ epanọ igho e nya gbe obe uyere nọ uwou ogha u vi ze fiki unevaze nọ wha ru na via kẹ ukoko na. Rehọ iroro-ejẹ nọ e rrọ ẹwẹ-obe avọ 8 (otẹrọnọ i kiehọ evaọ ẹkwotọ ukoko rai) ro ru odhesẹvia epanọ a re ro fi Uwou-Eroro ọ July 1 hayo Awake! ọ July 8 họ ada. A sae rehọ odhesẹvia ọfa nọ o kiehọ ro ruiruo. Nọ a te ru odhesẹvia na no, wariẹ eme emuhọ nọ a rọ kpare isiuru ohwo nọ a ta ẹme kẹ na.

15 min: Ẹgwọlọ ukoko na.

20 min: Efihọ-Ada Ibroshọ Evaọ July gbe August. Ẹme gbe iroro-ejẹ ogbotu nọ a re ru no uko-obeva na ze. Rehọ omoke jọ dhesẹ epanọ a rẹ rehọ uko-obeva na ruiruo, fi elo họ ẹkpẹti nọ ọ rrọ ẹwẹ-obe avọ 3 na, jẹ rehọ igogo-eme jọ rono Odibọgba Uvie Mai ọrọ January 2005 ze, ẹwẹ-obe avọ 8. Ta kpahe iroro-ejẹ nọ i kiehọ kẹ ẹkwotọ ukoko rai nọ a sai ro fi ibroshọ họ-ada evaọ iweze ọsosuọ. (A rẹ ruẹ iroro-ejẹ efa nọ a re ro fi ibroshọ Edhere nọ O Re Su Kpohọ Uzuazọ Ebẹdẹ Bẹdẹ na họ ada evaọ Odibọgba Uvie Mai ọrọ October 2003, ẹwẹ-obe avọ 8.) Ru re a ru idhesẹvia ivẹ hayo esa evaọ usu enọ a jiroro rai kẹ omai na. Ru re owhowho-uvie nọ ọ rrọ ọmaha o ru odhesẹvia na jọ.

Ole avọ 196 gbe olẹ ekuhọ.

Oka nọ O rọ July 4 Muhọ

Ole avọ 70

10 min: Iwhowhovia obonẹ.

15 min: Kọ Who bi Wo Erere no Omaa Uviuwou Ze? Kiẹ iroro-ejẹ nọ e rrọ uko-obeva Odibọgba Uvie Mai ọrọ May 2005 riwi, je zizie ogbotu na re a ta kpahe oma nọ a dawo no re a fi iroro-ejẹ na họ iruo, gbe irere nọ a wo no ere oruo ze no.

20 min: “Ona nọ A rẹ rọ Ta Usiuwoma Evaọ Eria Ẹgbede.” Ta epanọ a rẹ rọ rehọ ẹme na ruiruo eva ẹkwotọ rai. Kareghẹhọ iwhowho-uvie re a rehọ efọmo ọ Please Follow Up (S-43) na ro ruiruo nọ o tẹ gwọlọ ere.

Ole avọ 120 gbe olẹ ekuhọ.

[Footnote]