Omaa Ewuhrẹ Odibọgba

Oka nọ O rọ August 8 Muhọ

Ole avọ 125

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Jọ uko-obeva Odibọgba Uvie Mai ọrọ June 2005 rehọ idhere usiuwoma ota nọ a jiroro rai kẹ omai nọ ma ro ruiruo nọ ma te bi zihe bru ahwo nọ ma fi ibroshọ họ ada kẹ na ro ru odhesẹvia ọvo hayo ivẹ.

15 min: Epanọ A re ro Vi Ekade Iruo Owhowho-Uvie Ukoko Vẹrẹ Vẹrẹ. Ẹme nọ a re ru no obe ọ A Koko Omai Họ re Ma Ru Oreva Jihova na ze, ẹwẹ-obe avọ 87-88. Ta udu họ iwhowho-uvie awọ re a kẹ ekpako ukoko okpokpọ nọ a kpohọ evuẹ kpahe epanọ ekade rai e sai ro tobọ vẹrẹ vẹrẹ nọ a tẹ nwani te obei no. Ekpako na a rẹ ruẹ inọ a vi ekade Iruo Owhowho-Uvie Ukoko nọ ọ kwa no hayo nọ ukoko okpokpọ na o tẹ yare inọ a vi ekade na se ai. Otẹrọnọ oria nọ wha gwọlọ vi ekade Iruo Owhowho-Uvie Ukoko na u thabọ gaga, ma jiroro nọ wha fi ei họ omoto-ebe mai vi se uwou ogha re uwou ogha na ọvo u vi ei se ukoko okpokpọ na.—Rri Ẹkpẹti Onọ evaọ Odibọgba Uvie Mai ọrọ March 1991 (ọrọ Oyibo), ẹwẹ-obe avọ 3.

20 min: Dhesẹ Ọdawẹ kẹ Ahwo nọ A Ga Ha. (Iruẹru 20:35) Ru ẹme-emuhọ ra kpẹre vi uminiti ovo, re who ru enọ gbe iyo lele ei rono Uwou-Eroro ọ July 1, 2004 ze, ẹwẹ-obe avọ 23-24, edhe-ẹme avọ 12-16. Ru ei wọhọ epanọ a re ru ewuhrẹ Uwou-Eroro na. Ta kẹ oniọvo nọ ọ riẹ ese ziezi re o se idhe-eme na via.

Ole avọ 116 gbe olẹ ekuhọ.

Oka nọ O rọ August 15 Muhọ

Ole avọ 11

10 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota ubro amara ọ August. Rehọ iroro-ejẹ nọ o rrọ ẹwẹ-obe avọ 4 (otẹrọnọ u kiehọ evaọ ẹkwotọ rai) ro ru odhesẹvia epanọ a re ro fi Awake! ọ August 22 họ ada.

15 min: Kọ Whọ Kareghẹhọ? Ẹmeọta ogbotu nọ a re ru no Uwou-Eroro ọ April 15, 2005 ze (ọrọ Oyibo), ẹwẹ-obe avọ 30. Zizie ogbotu na re a kiyo enọ na unọjọ utọjọ. Dhesẹ erere nọ o re no efihiruo ẹme na ze. Ta udu họ ahwo na kpobi awọ re a hai se uvitha Uwou-Eroro gbe Awake! kpobi ziezi.

20 min: “Epanọ A re ro Mu Ebe-Iwuhrẹ Ebaibol Họ Evaọ Unuẹthẹ gbe Ẹkwoma Ifonu.”a Ku idhesẹvia ekpẹkpẹe kugbei nọ o re dhesẹ epanọ a sae rọ to obe-uwuhrẹ Ebaibol họ evaọ iweze ọsosuọ, ẹkwoma eroruiruo edhe-ẹme ọvo hayo ivẹ evaọ ibroshọ Gwọlọ na.

Ole avọ 30 gbe olẹ ekuhọ.

Oka nọ O rọ August 22 Muhọ

Ole avọ 161

10 min: Iwhowhovia obonẹ. Se iyẹrẹ epanọ igho e nya gbe obe uyere nọ uwou ogha u vi ze fiki unevaze nọ wha ru na via kẹ ukoko na.

15 min: Ẹgwọlọ ukoko na.

20 min: “Usiuwoma Ota—Uvẹ-Ọghọ Oghaghae.” Nọ whọ tẹ be ta kpahe edhe-ẹme avọ 4, Kiẹ ọruẹrẹfihotọ obọdẹ nọ ahwo nọ oma rai o ga tere he fiki owho hayo enọ ẹyao o kru fihọ uwou gbe enọ oma o ga ha evaọ ubroke fiki ẹyao ọgaga hayo omonwa a rẹ rọ nẹ iyẹrẹ iminiti 15 na.—Rri Odibọgba Uvie Mai ọrọ October 2002, ẹwẹ. 7, edhe. 6.

Ole avọ 204 gbe olẹ ekuhọ.

Oka nọ O rọ August 29 Muhọ

Ole avọ 45

10 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota ọ August. Ẹkwoma iroro-ejẹ nọ e rrọ ẹwẹ-obe avọ 4 (otẹrọnọ i kiehọ evaọ ẹkwotọ rai), ru odhesẹvia epanọ a re ro fi Uwou-Eroro ọ September 1 gbe Awake! ọ September 8 họ ada. Evaọ odhesẹvia na jọ, dhesẹ epanọ a bi ro zihe bru ohwo nọ ọ rrọ ejẹ emagazini.

15 min: Epanọ A re ro Fi Obọ họ kẹ Ahwo nọ A be Ta Ẹvẹrẹ Ọfa. Ẹme gbe iroro-ejẹ ogbotu nọ a re ru no eme-emuhọ ọrọ omobe ọ Good News for People of All Nations na ze. Dhesẹ eware nọ e rrọ omobe okpokpọ na. Ta kpahe idhere esa nọ ma rẹ sai ro ruiruo ro fi obọ họ kẹ ahwo nọ a rẹ ta ẹvẹrẹ ọfa. Ku eme kugbei rono ẹwẹ-obe avọ 8 ọrọ Odibọgba Uvie Mai ọrọ July 2003 ze. Dhesẹ inọ a re kere eme fihọ efọmo ọ Please Follow Up (S-43) na ghele o tẹ make rọnọ ohwo na o dhesẹ isiuru kpahe ovuẹ Uvie na ha.

20 min: Rehọ Ebaibol na Ruiruo Eva Iweze Ọsosuọ. Ẹme gbe iroro-ejẹ ogbotu. Kiẹ iroro-ejẹ nọ e rrọ Odibọgba Uvie Mai ọrọ September 2004 riwi, ẹwẹ-obe avọ 8, edhe-ẹme avọ 2, rọkẹ epanọ a rẹ rọ kpọ iroro rri Ẹme Ọghẹnẹ eva iweze ọsosuọ. Ru odhesẹvia epanọ a sae rọ rehọ edhere usiuwoma ota ọvo hayo ivẹ evaọ usu enọ a jiroro rai na ruiruo kugbe ebe nọ a ti fihọ ada evaọ September. A rẹ sae jẹ ta kpahe iroro-ejẹ nọ e rrọ Odibọgba Uvie Mai ọrọ January 2005 na je ru idhesẹvia jọ wọhọ epanọ oke o kuvẹ te.

Ole avọ 71 gbe olẹ ekuhọ.

Oka nọ O rọ September 5 Muhọ

Ole avọ 98

10 min: Iwhowhovia obonẹ.

15 min: “Eru Ebe-Iwuhrẹ Ebaibol nọ E rẹ Nyaharo—Abọ Avọ 12.” Ru ọruẹrẹfihotọ ẹruoke kẹ owhowho-uvie ọvo hayo ivẹ re a ta oware nọ u fi obọ họ kẹ ae wo ẹnyaharo evaọ ẹtohọ gbe eru ebe-iwuhrẹ Ebaibol.

20 min: Ọruẹrẹfihotọ nọ A re Ru ro Fi Obọ họ kẹ Enọ E Kpako No. Ẹme nọ ọkpako ukoko o re ru no Uwou-Eroro ọ August 15, 1993 ze (ọrọ Oyibo), ẹwẹ-obe avọ 28-29, evaọ otọ uzoẹme osese na “Organizing Is Valuable” (Ọruẹrẹfihotọ Ọ Roja). Fodẹ ọruẹrẹfihotọ nọ a jọ ukoko rai ru no re a fi obọ họ kẹ enọ e be mọ gbe enọ e kpako no.

Ole avọ 164 gbe olẹ ekuhọ.

[Footnote]