UWOU-EBE ITANẸTE Uwou-Eroro
UWOU-EBE ITANẸTE
Uwou-Eroro
Isoko
Ọ
  • Ẹ
  • ẹ
  • Ọ
  • ọ
  • EBAIBOL
  • EBE GBE EWARE EFA
  • IWUHRẸ
  • km 12/05 ẹwẹ. 1
  • Ewuhrẹ Nọ O re Su Ohwo Kpohọ Uzuazọ

Ọnana o wo ividio ho.

Eva e dha owhẹ hẹ, ividio na ọ rọwo kporo ho.

  • Ewuhrẹ Nọ O re Su Ohwo Kpohọ Uzuazọ
  • Odibọgba Uvie Mai—2005
  • Onọ O Wọhọ E Riẹ
  • Ẹvẹ Isẹri Jihova A Rri Isukulu?
    Enọ nọ Ahwo A rẹ Nọ Kẹse Kẹse Kpahe Isẹri Jihova
  • Ewuhrẹ—Rehọ Iẹe Jiri Jihova
    Uwou-Eroro Na Nọ U Bi Whowho Uvie Jihova—1996
  • Epanọ Ewuhrẹ Ọghẹnẹ O Ghare te
    Uwou-Eroro Na Nọ U Bi Whowho Uvie Jihova—2009
  • Izoge Nọ E Be Kareghẹhọ Ọnọma Rai
    Uwou-Eroro Na Nọ U Bi Whowho Uvie Jihova—1996
Ruẹ Efa
Odibọgba Uvie Mai—2005
km 12/05 ẹwẹ. 1

Ewuhrẹ Nọ O re Su Ohwo Kpohọ Uzuazọ

1 Ẹvẹ o rrọ oware evawere te re a ruẹ ovao ahwo nọ o be sasa nọ a bi wo otoriẹ uzẹme na no Ẹme Ọghẹnẹ ze na! Eriariẹ Ọghẹnẹ gbe ẹjiroro riẹ nọ a re ro wuhrẹ amọfa o rẹ ginẹ kẹ evawere. Ewuhrẹ otiọye na ọ rẹ sai su ohwo kpohọ uzuazọ ibẹdẹ bẹdẹ.—Jọn 17:3.

2 Oware nọ Ewuhrẹ na Ọ Jẹ Rrọ ọrọ Obọdẹ: A be kẹ ahwo ewuhrẹ evaọ enwenọ edhere nọ o rovie fihọ kpobi, gbe ogha-ewuhrẹ kpobi nọ a rẹ sai roro kpahe. (Ọtausi. 12:12) Rekọ a rẹ sae rehọ eriariẹ itieye wawo aghare eware urirẹ Ọghẹnẹ hẹ. (Iruẹru 2:11) Kọ ewuhrẹ akpọ na ọ sai si ahwo kẹle Ọnọma na je fiobọhọ kẹ ae riẹ ẹjiroro riẹ no? Kọ u fiobọhọ kẹ ahwo wo otoriẹ oware nọ o rẹ via k’omai okenọ ma te whu hayo oware nọ uye-oruẹ o jẹ d’otọ fia? Kọ o kẹ ahwo ẹruore no? Kọ u fiobọhọ ru ọruẹrẹfihotọ uviuwou woma ziezi no? Ijo. Ẹkwoma ewuhrẹ nọ Ọghẹnẹ ọ rẹ kẹ ọvo ma sae rọ ruẹ uvi iyo kẹ enọ uzuazọ nọ i wuzou gaga na.

3 Ewuhrẹ nọ o no obọ Ọghẹnẹ ze ọ rẹ kẹ oware nọ o kare akpọ inẹnẹ na—ewuhrẹ uruemu ezi. Ẹme Ọghẹnẹ o re si omohẹriẹ ovioma, ẹzi ohwo nana yọ ohwo ẹvẹrẹ mẹ, gbe ẹzi orẹwho-mẹ-oja no udu ahwo nọ a jẹ riẹ rehọ je bi fi iwuhrẹ riẹ họ iruo. (Hib. 4:12) O wọ ahwo se oghẹrẹ ozighi kpobi no, jẹ ‘whẹ uruemu okpokpọ na họ oma.’ (Kọl. 3:9-11; Mae. 4:1-3) Ofariẹ, ewuhrẹ Ọghẹnẹ ọ kẹ ima ahwo buobu ẹgba no nọ a ro siobọno iruemu nọ e rẹ dha Ọghẹnẹ eva.—1 Kọr. 6:9-11.

4 Oware nọ O Jẹ Kpata Enẹna: Owuhrẹ Ologbo mai ọ be j’omai riẹ oghẹrẹ etoke nọ ma rrọ na. Ẹdhoguo riẹ nọ a ruẹaro riẹ na u fo ovuẹ nọ a re whowho nya akpọ-soso duwu. (Evia. 14:6, 7) Kristi o bi su evaọ obọ odhiwu, a te raha uvie-ulogbo egagọ erue akpọ-soso na kẹle, yọ Uvie Ọghẹnẹ o ruẹrẹ oma kpahe no re o te raha egọmeti akpọ na kpobi no. (Dan. 2:44; Evia. 11:15; 17:16) Fikiere, o roja re ahwo a vuhu Ovie Ọghẹnẹ nọ o bi su na mu enẹna, re a dhẹ se Babilọn Ologbo na ba, re a jẹ rọ ẹrọwọ se odẹ Jihova. (Ol. 2:11, 12; Rom 10:13; Evia. 18:4) Joma wobọ vọvọ te epanọ o rẹ lọhọ te kpobi evaọ iruo nana nọ ma bi ro wuhrẹ amọfa eriariẹ nọ i re su kpohọ uzuazọ na.

    Ebe Isoko Kpobi (1992-2025)
    Noi No
    Rueva
    • Isoko
    • Vi Ei Se Omọfa
    • Ru Ei Fihọ Oghẹrẹ nọ O Were Owhẹ
    • Copyright © 2025 Watch Tower Bible and Tract Society of Pennsylvania
    • Izi Kpahe Eroruiruo Evuẹ Na
    • Izi Oria Evuẹ Omobọ Ra
    • Esẹtini Oria Evuẹ Omobọ Ra
    • JW.ORG
    • Rueva
    Vi Ei Se Omọfa