Omaa Ewuhrẹ Odibọgba

MUẸROHỌ: Amara ọvo hayo ivẹ nọ ukoko rai u te no Okokohọ Ubrotọ “Ẹmeoyo kẹ Ọghẹnẹ” na ze no, a rẹ ruẹrẹ iminiti 15 rite 20 họ evaọ Ewuhrẹ Odibọgba na jọ (o sae jọ abọ ẹgwọlọ ukoko na) re wha ro ru ọkiẹriwo igogo-eme okokohọ ubrotọ na nọ inievo na a ruẹ nọ i fiobọhọ kẹ ae no evaọ odibọgba na. Abọ Ewuhrẹ Odibọgba obọdẹ nana ọ tẹ k’omai uvẹ ro dhesẹ epanọ ma be rehọ eware nọ ma wuhrẹ evaọ okokohọ na ruiruo gbe epanọ oyena u ro fiobọhọ k’omai wo ẹnyaharo no evaọ odibọgba na.—Rri Odibọgba Uvie Mai ọrọ September 2005, ẹwẹ. 2.

Oka nọ O rọ December 12 Muhọ

Ole avọ 32

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Kareghẹhọ iwhowho-uvie re a nẹ iyẹrẹ usiuwoma ota ubro amara ọ December. Rehọ iroro nọ a jẹ fihọ ẹwẹ-obe avọ 8 na (otẹrọnọ i kiehọ evaọ ẹkwotọ ukoko rai) ro ru odhesẹvia epanọ a re ro fi Awake! ọ December 22 họ ada. A sae rehọ odhesẹvia ọfa nọ o kiehọ ro ruiruo. Nọ a te ru odhesẹvia na no, ta kpahe epanọ o lọhọ te re a se ikereakere jọ nọ a te bi fi obe họ ada.

15 min: “Isukulu nọ I bi Fiobọhọ k’Omai Fi Oware nọ Ma Wuhrẹ họ Iruo.” Ẹme nọ ọsẹro isukulu na o re ru. Ku eme kugbei rono uko-obeva Odibọgba Uvie Mai ọrọ October 2005 ze.

20 min: “Ewuhrẹ Nọ O re Su Ohwo Kpohọ Uzuazọ.”a Ru ọruẹrẹfihotọ kpahotọ kẹ omọvo hayo imava re a ta epanọ a ro wo erere no ewuhrẹ nọ Ọghẹnẹ ọ be rọ ẹkwoma ukoko riẹ kẹ ze no.

Ole avọ 101 gbe olẹ ekuhọ.

Oka nọ O rọ December 19 Muhọ

Ole avọ 160

5 min: Iwhowhovia obonẹ. Ta kpahe obọdẹ omaa usiuwoma ota nọ a ruẹrẹ họ kẹ December 25 gbe January 1. Kareghẹhọ ahwo kpobi re a wha Awake! ọ January 2006 na lele oma ziọ Ewuhrẹ Odibọgba oka notha.

15 min: “Dhesẹ Uvi Isiuru—Ẹkwoma Ẹme Ra nọ Who re Nwene” Ku odhesẹvia ọkpẹkpẹe jọ kugbei nọ o re dhesẹ epanọ owhowho-uvie o ro nwene ẹme riẹ lele ẹme nọ ohwo nọ ọ be t’ẹme kẹ ọ kpahe.

25 min: “Kọ Ọmọ Ra Ọ Sae Jẹ Iroro Egbagba nọ E Wọhọ erọ Ọkpako?” Ọkpako ukoko o re ru ei. Ta kẹ ohwo nọ ọ riẹ ese ziezi re o se idhe-eme na do via unọjọ utọjọ. Ta kpahe ikere kpobi nọ a fodẹ. Nọ wha te kiẹ edhe-ẹme avọ 2 na no, dhesẹ ohẹriẹ nọ o rrọ udevie izoge ivẹ nọ a fodẹ evaọ edhe-ẹme avọ 16-17 gbe ẹkpẹti na evaọ ẹwẹ-obe avọ 16-17 ọrọ Uwou-Eroro ọ June 15, 1991 (ọrọ Oyibo). Evaọ ekuhọ, tuduhọ esẹgbini awọ re a wariẹ kiẹ uzoẹme na soso evaọ Uwou-Eroro na riwi, re a jẹ nwane ruẹrẹ oke fihọ nọ a rẹ rọ rehọ uzi Ọghẹnẹ kpahe azẹ lele emọ rai tẹme je ru abọ omaruẹrẹ kpahe kugbe emọ na ro fiobọhọ kẹ ae wo ona nọ a rẹ rọ ta oware nọ a rọwo avọ imuẹro. Enọ i wuzou uviuwou kpobi a re muẹrohọ nọ ọmọ kpobi nọ ọ họ-ame no ọ be wha ekade DPA riẹ lele oma, yọ ọnọ ọ re họ-ame he ọ be wha Identity Card riẹ lele oma. Nọ a tẹ wọ ohwo kpohọ uwou imu nọ ẹme azẹ osefihọ-oma ọ jẹ roma lahwe, ekpako ukoko na e rẹ nya bru Ogbẹgwae Uruẹme Kugbe Iwou-Imu kẹ obufihọ.

Ole avọ 56 gbe olẹ ekuhọ.

Oka nọ O rọ December 26 Muhọ

Ole avọ 85

10 min: Iwhowhovia obonẹ. Se iyẹrẹ epanọ igho e nya gbe obe uyere nọ uwou ogha u vi fiki unevaze nọ wha ru. Kareghẹhọ iwhowho-uvie re a n’iyẹrẹ usiuwoma ota amara ọ December. Otẹrọnọ ukoko rai u ti nwene oke iwuhrẹ evaọ ukpe okpokpọ na, whowho oke okpokpọ na via. Fodẹ ebe nọ a ti fihọ ada evaọ January, je dhesẹ oria nọ a jẹ sae ruẹ idhere usiuwoma ota nọ a jiroro rai kẹ omai na.

15 min: Ẹgwọlọ ukoko na.

20 min: Eware Ekpokpọ nọ E Rrọ Awake! Ẹme gbe iroro-ejẹ ogbotu. Fodẹ inwene nọ e rrọ Awake! nọ a fodẹ evaọ Odibọgba Uvie Mai ọrọ March 2005, ẹwẹ-obe 1, edhe-ẹme 5-6 na. Ku eme kugbei rono “To Our Readers” (Ro Se Ahwo nọ A bi Se Ebe Mai) evaọ Awake! ọ January 2006, ẹwẹ-obe avọ 3-4. Dhesẹ iriruo epanọ emagazini na ọ be rọ kpọ iroro ahwo rri Ebaibol na ovavo. Zizie ogbotu na re a ta kpahe oware okpokpọ nọ o rrọ ẹwẹ-obe avọ 31 na. Ma ti gbe fi Uwou-Eroro Na gbe Awake! họ-ada wọhọ ekru eva iweze ọsosuọ. Rekọ ukere Awake! ọvuọvo sa-sa ma ti fihọ ada kẹ ahwo nọ a rrọ ejẹ emagazini mai gbe amọfa. Ẹkwoma iroro nọ a jẹ fihọ ẹwẹ-obe avọ 8 na (otẹrọnọ i kiehọ evaọ ẹkwotọ rai), ru odhesẹvia epanọ a re ro fi Uwou-Eroro ọ January 1 gbe Awake! ọ January họ-ada. A sae rehọ idhesẹvia efa nọ i kiehọ ro ruiruo. Odibọgba Uvie Mai ọrọ January u ti wo oriruo avivẹ nọ a re lele ro fi Awake! ọ January na họ-ada, nọ o te ta kpahe uzoẹme jọ evaọ eva riẹ. A sae rọ iriruo ivẹ nọ a kẹ na ro ruiruo evaọ amara na soso.

Ole avọ 222 gbe olẹ ekuhọ.

Oka nọ O rọ January 2 Muhọ

Ole avọ 5

10 min: Iwhowhovia obonẹ.

15 min: “Kọ Whọ be Rehọ Obe-Uzizie Ruiruo?” Ẹme gbe iroro-ejẹ ogbotu. Zizie ogbotu na re a ta kpahe emamọ iyẹrẹ nọ a wo tobọ no ẹkwoma obe-uzizie nọ a bi ro ruiruo. Ku odhesẹvia kugbei nọ owhowho-uvie ọ be rọ rehọ obe-uzizie zizie ohwo nọ o dhesẹ isiuru kpohọ ewuhrẹ.

20 min: “Rehọ Ebe Mai nọ A Kere No Ebaibol Ze na Ro Ruiruo avọ Areghẹ.” Ku eme kugbei rono Odibọgba Uvie Mai ọrọ September 2002 ze, ẹwẹ-obe 1.

Ole avọ 109 gbe olẹ ekuhọ.

[Footnote]