Iwhowhovia

◼ Ebe nọ a ti fihọ ada evaọ December: Ọzae nọ Ọ Mae Rro nọ Ọ Rria No. Enọ a sai ro nwene iei họ Obe Ikuigbe Ebaibol Mẹ hayo Whọ Sae Ria Bẹdẹ Bẹdẹ eva Aparadase ọ Otọakpọ. January: A sai fi obe ewẹ-obe 192 kpobi nọ u kri no nọ ukoko rai u wo họ ada. Onọ a sai ro nwene iei: Ibroshọ Wha Hai Rroro! na. February: Obe na Si Kẹle Jihova a ti fihọ ada. Onọ a sai ro nwene iei: Obe kpobi nọ u kri no nọ o vọ owhai obọ.

◼ Iviena muẹrohọ nọ Ekareghẹhọ emu owọwọ Olori na ọrọ ukpe 2007 o te jọ Ẹdọvo-Oka, April 2, nọ ọre o te kiedi no. A kẹ ọjọriẹ ẹruoke ọnana re inievo na e sae yare hayo ru ọruẹrẹfihotọ kẹ iwou nọ i wo uvẹ otẹrọnọ ikoko buobu e be jọ Ọgwa Uvie ọvo ru iwuhrẹ yọ u fo re a gwọlọ eria efa. Eva iyero itieye na, ekpako na a re ru ọtamuo kugbe enọ i wuzou iwou na a vẹ ruẹ nọ awhaha ọvuọvo o ti no eware efa nọ a rẹ jọ uwou na ru ze he re e ru Ekareghẹhọ na e sae nya dhedhẹ kpatiẹ.

◼ Fiki epanọ Ekareghẹhọ na i wuzou te, jọ ugboma ekpako na o salọ ọkpako jọ nọ o te ziezi re ọ kẹ ovuẹ na viukpenọ a re nwene unọjọ utọjọ hayo nọ ọkpako ọvo jọ ọvo ọ rẹ kẹ ovuẹ na kukpe kukpe. Otẹrọnọ ọkpako jọ ọ riẹ nọ ọ rrọ usu enọ a wholo na, yọ o te ziezi re ọ kẹ ovuẹ na, ọye a rẹ salọ.

◼ Ivie nwene ithubro edhe-ẹme avọ 3 ọrọ Omaa Isukulu Odibọgba Esuo-Ọghẹnẹ ọrọ 2006 nọ o roma via eva uko-obeva Odibọgba Uvie Mai ọrọ October 2005 ẹwẹ-obe avọ 3 na re o jọ enẹ: “Isukulu na i re muhọ evaọ ẸRUOKE avọ ole, olẹ, gbe eme odederehọ kẹsena e vẹ nya lele epanọ o rrọ obotọ na. Nọ a te ru ẹme jọ no, ọsẹro isukulu na o ve ziezi ohwo nọ o bi ti ru ẹme nọ ọ kẹle riẹ.”

◼ U wuzou gaga re utu ahwo nọ a bu te 20 hayo bu viere nọ a be ma omaa nọ a re ro weze ze uwou ogha mai eva Igieduma a kere se omai evaọ ẹruoke. A re kere unu-ahwo nọ a be ze iweze na gbe ẹdẹ iweze na fihọ ileta na. A sae jẹ rọ ifonu vuẹ uwou ogha na o tẹ kawo edẹ ivẹ taure ẹdẹ iweze na o te te. A re kere edẹ ahwo na fihọ obe nọ u re dhesẹ unu iwhowho-uvie nọ e họ-ame no, iwhowho-uvie nọ e re họ-ame he, gbe amọfa nọ a wo isiuru, a vẹ rọ obe na kẹ ohwo nọ ọ rro igeti na nọ a te te obọ uwou ogha na no. Re a nya ogba na wariẹ o rẹ rehọ euwa ivẹ, fikiere, ma tuduhọ ahwo kpobi awọ re a ruọ edhere ẹruoke a vẹ kaki te obọ uwou ogha na ẹruoke, nya ogba na wariẹ, a vẹ sai zihe ẹdẹdẹ yena. Wha kere fihọ uke ẹvẹlopu na nọ: “Attention Bethel Office.” Taure wha tẹ te ze iweze na, ivie wha kiẹ Ẹkpẹti Onọ Odibọgba Uvie Mai ọrọ June 2002 riwi kpahe ẹgọ gbe osẹ nọ u kiehọ nọ a te bi weze kpohọ uwou ogha.