Omaa Ewuhrẹ Odibọgba

Oka nọ O rọ February 13 Muhọ

Ole avọ 121

10 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota ubro amara ọ February. Ẹkwoma iroro nọ a jẹ fihọ ẹwẹ-obe avọ 8 hayo ofa jọ nọ u kiehọ kẹ ẹkwotọ ukoko rai, ru odhesẹvia epanọ a re ro fi Awake! ọ February họ ada. Evaọ odhesẹvia na, dhesẹ epanọ a be rọ ta usiuwoma evaọ oria ẹgbede.

10 min: Kọ Whọ Be Nya Lele Ukoko Jihova Kpekpekpe? Ẹme nọ a re ru no obe ọ A Koko Omai Họ re Ma Ru Oreva Jihova ze, ẹwẹ-obe avọ 7-10.

25 min: “Ta kẹ Amọfa Kpahe ‘Elo Akpọ Na.’”a Ọsẹro usiuwoma ota o re ru ei. Fodẹ edẹ ahwo nọ a fi obe họ no kẹ ọkobaro obufihọ. Ta kpahe eruẹrẹfihotọ efa nọ a ru no kẹ iwuhrẹ usiuwoma ota. Ku eme kugbei rono omaa oriruo rọkẹ ọkobaro obufihọ nọ o rrọ ẹwẹ-obe avọ 5 uko-obeva Odibọgba Uvie Mai ọrọ February 2005.

Ole avọ 224 gbe olẹ ekuhọ.

Oka nọ O rọ February 20 Muhọ

Ole avọ 89

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze.

15 min: “Obe ọ Ebaibol Wuhrẹ na—Ugogo Obe nọ Ma re ro Ru Obe-Uwuhrẹ Ebaibol.”* Ru ahwo na kpobi wo ajọwha nọ a rẹ rọ rehọ obe okpokpọ na mu obe-uwuhrẹ Ebaibol họ.

20 min: “Obufihọ nọ O Riẹ Ẹsikpobi.” Ọkpako ukoko o re ru ei. Ku eme kugbei rono Ikpẹti Onọ Odibọgba Uvie Mai ọrọ November 1998 gbe November 2000 ze.

Ole 1 gbe olẹ ekuhọ.

Oka nọ O rọ February 27 Muhọ

Ole avọ 20

10 min: Iwhowhovia obonẹ. Se iyẹrẹ epanọ igho e nya gbe obe uyere nọ uwou ogha u vi ze fiki unevaze nọ wha ru na via kẹ ukoko na. Kareghẹhọ iwhowho-uvie re a nẹ iyẹrẹ usiuwoma ota ọ February. Ẹkwoma iroro nọ a jẹ fihọ ẹwẹ-obe avọ 8 hayo idhesẹvia efa nọ i kiehọ kẹ ẹkwotọ rai, ru idhesẹvia ivẹ erọ epanọ a re ro fi Uwou-Eroro ọ March 1 hayo Awake! ọ March họ ada.

10 min: Ẹgwọlọ ukoko na.

25 min: Epanọ A re ro Fi Obe ọ Ebaibol Wuhrẹ na Họ Ada. Eva amara March ma ti fi obe okpokpọ na họ-ada. Ru idhesẹvia sa-sa nọ a ruẹrẹ họ ziezi nọ i re kiehọ ẹkwotọ ukoko rai. Rehọ eme nọ e rrọ ẹwẹ-obe avọ 4-5 orọ obe na ro muhọ. Otẹrọnọ ohwo nọ whọ be ta ẹme kẹ na o dhesẹ uvi isiuru kpahe ikereakere jọ, dhesẹ oware nọ Ebaibol na i wuhrẹ kpahe ẹme yena kẹe ẹkwoma idhe-eme nọ e ta kpahe ẹme na nọ who re se no obe na ze. (Evia. 21:4, ẹwẹ. 27-28, edhe. 1-3; Aiz. 33:24; 35:5, 6, ẹwẹ. 36, edhe. 22; Jọn 5:28, 29, ẹwẹ. 72-73, edhe. 17-19; Ol. 72:16, ẹwẹ. 34 edhe. 19) Zizie ogbotu na re a gbiku eware ọbọga nọ a reawere rai evaọ eroruiruo obe okpokpo na, maero evaọ ebe-iwuhrẹ Ebaibol nọ a tohọ no.

Ole avọ 148 gbe olẹ ekuhọ.

Oka nọ O rọ March 6 Muhọ

Ole avọ 51

10 min: Iwhowhovia obonẹ. Fikinọ o rẹ lọlọhọ re a wha emebe-evẹvẹ lele oma yọ i re siuru, i wiruo gaga evaọ ẹme nọ a rẹ rehọ ae tohọ nọ whọ tẹ rrọ usiuwoma ota nuwou ro uwou, nọ whọ be ta usiuwoma eva eria ẹgbede, gbe okenọ whọ be ta usiuwoma oke-gheghe. Ru odhesẹvia epanọ a re ro mu ẹmeọta họ ẹkwoma eroruiruo omobe-ovẹvẹ okpokpọ na Uye-Oruẹ Kpobi U ti Kuhọ Kẹle! Fi elo họ ikere ọvo jọ nọ a kere via evaọ ẹwẹ-obe avọ 2 omobe-ovẹvẹ na.

Miniti 15: “Dhesẹ Uvi Isiuru—Ẹkwoma Oma Oruẹrẹ Kpahe.” Ku odhesẹvia ọkpẹkpẹe jọ kugbei nọ iwhowho-uvie ivẹ a be rọ ruẹrẹ oma kpahe epanọ a ti ro fi obe ọ Ebaibol Wuhrẹ na họ ada ẹkwoma eroruiruo ẹwẹ-obe avọ 82-84, je se edhe-ẹme avọ 21. Odhesẹvia na o re kuhọ eva epanọ a be te gwọlọ rọ wariẹ eme nọ a ruẹrẹ họ kugbe do via na.

20 min: “Rehọ Eware nọ Ẹro Ọ rẹ Ruẹ ro Wuhrẹ.” Nọ whọ te ta ẹme kpahe ividio nọ a fodẹ evaọ ẹme na, dhesẹ uke riẹ re who se eme jọ nọ i dhesẹ eware nọ e rrọ ividio na via. Ta kẹ ogbotu na re a gbiku eware nọ a rọ ẹro ruẹ no eva odibọgba na nọ a rehọ ividio ruiruo.—Rri 1997 Yearbook, ẹwẹ. 54, gbe 1995 Yearbook, ẹwẹ. 50-51.

Ole avọ 68 gbe olẹ ekuhọ.

[Footnote]