Omaa Ewuhrẹ Odibọgba

Oka nọ O rọ March 13 Muhọ

Ole avọ 41

10 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Kareghẹhọ iwhowho-uvie re a n’iyẹrẹ usiuwoma ota ubro amara ọ March. Ẹkwoma iroro nọ a jẹ fihọ ẹwẹ-obe avọ 8 na hayo ọfa nọ o kiehọ kẹ ẹkwotọ ukoko rai, ru odhesẹvia epanọ a re ro fi Awake! ọ March họ ada. Eva ekuhọ odhesẹvia na, owhowho-uvie na ọ vẹ rehọ eme nọ e rrọ ẹwẹ-obe avọ 32 emagazini na ro zizie ohwo na kpohọ Ekareghẹhọ na.

20 min: Ọkwa Kristi Evaọ Ọruẹrẹfihotọ Ọghẹnẹ. Ẹme nọ a re ru no obe ọ A Koko Omai Họ re Ma Ru Oreva Jihova ze, ẹwẹ-obe avọ 10-13. Nọ whọ tẹ be ta kpahe idhe-eme ivẹ ọsosuọ nọ e rrọ otọ uzoẹme-osese na “Ọkwa Kristi,” rehọ iminiti esa hayo ene rọ ta je ru odhesẹvia epanọ a rẹ rọ rehọ obe-uzizie Ekareghẹhọ na ro ruiruo. Kiẹ iroro nọ a jẹ fihọ Odibọgba Uvie Mai ọrọ February 2006, ẹwẹ-obe avọ 3, edhe-ẹme avọ 3 riwi.

15 min: “Epanọ A rẹ rọ Rehọ Obe ọ Ebaibol Wuhrẹ na Mu Obe-Uwuhrẹ Ebaibol Họ.” Ẹmeọta ogbotu avọ idhesẹvia nọ a re ru no ẹwẹ-obe avọ 3 uko-obeva na ze. No umuo enẹna vrẹ, ma sae rọ obe ọ Ebaibol Wuhrẹ na tohọ je ru obe-uwuhrẹ Ebaibol kugbe ahwo nọ a dhesẹ isiuru. Ru ọruẹrẹfihotọ re a ru idhesẹvia esa nọ a ruẹrẹhọ ziezi nọ i re dhesẹ epanọ a rẹ rọ rehọ (1) ẹwẹ-obe avọ 4-5 ruiruo, (2) ẹwẹ-obe avọ 6, gbe (3) edhe-ẹme ọsosuọ eva ẹwẹ-obe avọ 7 rọ to obe-uwuhrẹ Ebaibol họ eva oke ozihebro. Ta oware nọ a te jọ odhesẹvia ọvuọvo dhesẹ taure a te ti ru ei, whọ vẹ wariẹ tẹme kpahe iẹe nọ a te ru ei no. A sai bru ese idhe-eme obe ọ Ebaibol Wuhrẹ na kpẹre nya lele epanọ oke ra u te. Jọ a ku odhesẹvia ọvuọvo họ avọ owhowho-uvie na nọ o re ru ọruẹrẹfihotọ kẹ iweze efa.

Ole avọ 125 gbe olẹ ekuhọ.

Oka nọ O rọ March 20 Muhọ

Ole avọ 18

10 min: Iwhowhovia obonẹ. Kiẹ igogo-eme rono ẹkpẹti na ze “Ọjọriẹ Ekareghehọ.”

15 min: “Fi Obọ họ kẹ Amọfa Wo Erere no Idhe Ẹtanigbo na Ze.”a Abọ nọ o lele ẹme nana ọ te gbẹ ta kpahe epanọ ma sae rọ rehọ ẹwẹ-obe avọ 206-208 ọrọ obe ọ Ebaibol Wuhrẹ na ro ruiruo nọ ma te bi zizie ahwo ziọ Ekareghẹhọ na.

20 min: Emu Owọwọ Olori Na—Ekareghẹhọ nọ E rẹ Kẹ Ọghẹnẹ Orro. Ẹmeọta-kugbe ọrọ enọ gbe iyo nọ a re ru no ẹwẹ-obe avọ 206-208 ọrọ obe ọ Ebaibol Wuhrẹ na ze. Eva ẹme-emuhọ ra nọ who re ru kpẹre vi uminiti ovo, dhesẹ epanọ a sai ro mu ẹme na họ kẹ ohwo ẹkwoma ese edhe-ẹme emuhọ na. Who ve zizie ogbotu na re a kpahe fihọ enọ nọ e rrọ obotọ na ababọ idhe-eme na nọ a re se: (edhe. 2) Oke vẹ Jesu ọ rọ to Ekareghẹhọ uwhu riẹ hayo Emu Owọwọ Olori na họ? (edhe. 3) Ẹvẹ a re ru Emu Owọwọ Olori na kpekpe te? (edhe. 4) Ẹvẹ Ebaibol i dhesẹ Emu Owọwọ na? (edhe. 5) Ẹvẹ ma rọ riẹ nọ Jesu ọ rẹriẹ ebrẹdi na ruọ uzedhe uwo-oma riẹ hẹ jegbe inọ ọ rẹriẹ udi na ruọ uzedhe azẹ riẹ hẹ? (edhe. 6) Eme ebrẹdi nọ e kare ẹvi na u dikihẹ kẹ? (edhe. 7) Eme udi owawae na u dikihẹ kẹ? (edhe. 8) Amono ọvo a rẹ re ebrẹdi na jẹ da udi na? (edhe. 9) Okevẹ a re ro ru Ekareghẹhọ na kukpe kukpe, kọ fikieme u je fo re ma jariẹ? Se ugogo ikere nọ e ta kpahe ẹme na nya lele epanọ oke o kuvẹ te. Tuduhọ ahwo kpobi awọ re a kiẹ eware nana kugbe emọ-uwuhrẹ Ebaibol rai gbe amọfa nọ a bi zizie kpohọ Ekareghẹhọ na ẹkwoma ese idhe-eme na, ẹta kpahe igogo-eme na, gbe enọ elọlọhọ nọ a re ro ruiruo wọhọ enọ e rrọ ẹme nana.

Ole avọ 134 gbe olẹ ekuhọ.

Oka nọ O rọ March 27 Muhọ

Ole avọ 44

15 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota ọ March. Se Iyẹrẹ epanọ igho e nya gbe obe uyere nọ uwou ogha u vi ze fiki unevaze nọ wha ru na via kẹ ukoko na. Ẹkwoma iroro nọ a jẹ fihọ ẹwẹ-obe avọ 8 na hayo efa nọ i kiehọ kẹ ẹkwotọ ukoko rai, ru odhesẹvia epanọ a re ro fi Uwou-Eroro ọ April 1 gbe Awake! ọ April họ ada. Who ve je dhesẹ epanọ a rẹ rọ rehọ obe uzizie na ro zizie ahwo nọ a wo isiuru kpohọ Ekareghẹhọ na.

15 min: Eware nọ a rọ ẹro ruẹ evaọ obonẹ. Zizie ogbotu na re a gbiku eware nọ a reawere rai nọ a je fi obe ọ Ebaibol Wuhrẹ na họ ada eva March. Ta kpahe ebe-iwuhrẹ Ebaibol nọ a tohọ. A sai ru ọwariẹ-dhesẹ ọvo hayo ivẹ ọrọ eware nọ a rọ ẹro ruẹ.

15 min: “Wuhrẹ Enọ I Wo Omarokpotọ re A Nya Evaọ Edhere Ọghẹnẹ.” Ku eme kugbei rono Uwou-Eroro ọ July 1, 2004 ze, ẹwẹ-obe avọ 22, edhe-ẹme avọ 9.

Ole avọ 170 gbe olẹ ekuhọ.

Oka nọ O rọ April 3 Muhọ

Ole avọ 199

10 min: Iwhowhovia obonẹ. Rehọ omoke jọ kiẹ uzoẹme na riwi “Reawere Ewuhrẹ Obe na Eme Ebaibol na O Gine Wuhrẹ?” nọ o rrọ ẹwẹ-obe avọ 6 orọ Odibọgba Uvie Mai ọrọ February 2006. Si iroro ahwo kpohọ omaa uwuhrẹ orọ obe ọ Ebaibol Wuhrẹ na. Je dhesẹ epanọ a rẹ rọ rehọ obe uzizie na ro zizie ahwo nọ a wo isiuru kpohọ Ekareghẹhọ na.

15 min: Wuhrẹ Emọ-Uwuhrẹ Ebaibol re A Ruẹrẹ Oma Kpahe. Ẹme gbe iroro-ejẹ ogbotu nọ a re ru no uko-obeva Odibọgba Uvie ọrọ November 2005 ze, ẹwẹ-obe avọ 4, abọ avọ 4. Whọ sai je ku eme kugbei rono Odibọgba Uvie Mai ọrọ December 2004, ẹwẹ-obe 1 ze. Rehọ iriruo ro ru igogo eware nana vẹ ẹkwoma uzou 1 ọrọ obe ọ Ebaibol Wuhrẹ na nọ who re ro dhesẹ iẹe.

20 min: Ewo ọbọga ẹkwoma Ẹkiẹriwo Ikereakere na Kẹdẹ Kẹdẹ. Ẹme gbe iroro-ejẹ ogbotu nọ a re ru no eme-emuhọ Ẹkiẹriwo Ikereakere na Kẹdẹ Kẹdẹ—2006 ze. Ru re a ru odhesẹvia nọ uviuwou u bi ro se ikere okpẹdẹ na gbe ọkpahefihọ riẹ.

Ole avọ 93 gbe olẹ ekuhọ.

[Footnote]