Omaa Ewuhrẹ Odibọgba

Oka nọ O rọ August 14 Muhọ

Ole avọ 163

15 min: Iwhowhovia obonẹ. Kareghẹhọ iwhowho-uvie re a niyẹrẹ usiuwoma ota ubro amara ọ August. Ẹkwoma iroro nọ a jẹ fihọ ẹwẹ-obe avọ 4 na hayo efa nọ i kiehọ kẹ ẹkwotọ ukoko rai, ru odhesẹvia epanọ a re ro fi Awake! ọ August họ ada. Evaọ odhesẹvia na, dhesẹ edhere nọ a rẹ rọ kpahe fihọ unoma na “Me wo evawere kpahe Isẹri Jihova ha.”—Rri omobe na Ebaibol E rọ Jiroro, ẹwẹ-obe avọ 9-10.

15 min: Ẹgwọlọ ukoko na.

15 min: “Ru Uvẹ Fihọ nọ Whọ rẹ rọ Ta Usiuwoma.”a Zizie owhowho-uvie nọ o wo iyero ebẹbẹ re ọ ta epanọ ọ be sai ro ru uvẹ fihọ nọ ọ rẹ rọ ta usiuwoma.

Ole avọ 84 gbe olẹ ekuhọ.

Oka nọ O rọ August 21 Muhọ

Ole avọ 62

10 min: Iwhowhovia obonẹ gbe Iwhowhovia nọ a salọ no Odibọgba Uvie Mai ze.

15 min: Irere nọ Ma re Wo no Ewuhrẹ Uwou-Eroro gbe Ovuẹ Ogbotu na Ze. Ẹme gbe iroro-ejẹ ogbotu nọ a re ru no obe ọ A Koko Omai Họ re Ma Ru Oreva Jihova ze, ẹwẹ-obe avọ 59 rite uzoẹme osese nọ o rrọ ẹwẹ-obe avọ 64 na.

20 min: Ma Omaa Enẹna Re Who Ru Ọkobaro Obufihọ! Ẹme gbe iroro-ejẹ ogbotu. Tuduhọ ahwo na kpobi awọ re a fi utee họ nọ a re ro ru ọkobaro obufihọ o tẹ kao amara ọvo eva ukpe-iruo notha na. (1 Kọr. 9:26) Ahwo jọ a sae salọ amara iruẹru obọdẹ hayo amara nọ o wo ehọlide hayo urere-oka buobu. Nọ ogbotu na: “Ẹvẹ who ro fi use-abọ jọ kparobọ evaọ oke nọ u kpemu re whọ sai ru ọkobaro obufihọ? Irere vẹ i re no iruo ọkobaro obufihọ ze? Otẹrọnọ who wo isiuru na rekiyọ u mu owhẹ ẹro nọ whọ te sai ru ei hi, fikieme whọ jẹ lẹ se Jihova kpahe iẹe? (Iruẹru 4:29; 2 Kọr. 4:7; Jem. 1:5) Fikieme u je fo re whọ rọ onana jiroro kugbe ahwo uviuwou ra gbe amọfa nọ a rrọ ukoko na, maero ro kugbe ahwo nọ iyero rai e wọhọ era? (Itẹ 15:22) Oke vẹ whọ be ma omaa fihọ inọ who ti ro ru ọkobaro obufihọ?”

Ole avọ 216 gbe olẹ ekuhọ.

Oka nọ O rọ August 28 Muhọ

Ole avọ 17

10 min: Iwhowhovia obonẹ. Se Iyẹrẹ epanọ igho e nya gbe obe uyere nọ uwou ogha u vi ze fiki unevaze nọ wha ru na via kẹ ukoko na. Kareghẹhọ iwhowho-uvie re a nẹ iyẹrẹ usiuwoma ota ọ August. Ẹkwoma iroro nọ a jẹ fihọ ẹwẹ-obe avọ 4 na hayo efa nọ i kiehọ kẹ ẹkwotọ ukoko rai, ru odhesẹvia epanọ a re ro fi Uwou-Eroro ọ September 1 hayo Awake! ọ September họ ada eva okenọ a te bi zihe bru ohwo nọ ọ rrọ ejẹ-emagazini.

15 min: “Usi-Uwhowho Akpọ-Soso nọ A te Rọ Jẹ Ahwo Riẹ Kpahe Okokohọ Ubrotọ “Esiwo Ọ Kẹlino!” Na.”* Muẹrohọ nọ wha se idhe-eme na kpobi.

20 min: Kọ Whọ Sai Mu Obe-Uwuhrẹ Ebaibol họ Evaọ September? Ẹmeọta gbe idhesẹvia. Evaọ amara ọ September, ma te daoma gaga re ma to ebe-iwuhrẹ Ebaibol họ evaọ iweze ọsosuọ, ẹkwoma obe ọ Ebaibol Wuhrẹ na. Onana o gwọlọ nnọ ma rẹ rọ umutho idhe-eme jọ rọ jiroro kugbe ohwo nọ ma fi obe na họ ada kẹ na evaọ okioke nọ ma ro fi ei họ ada kẹe na. Ẹkwoma izoeme nọ i kiehọ kẹ ẹkwotọ ukoko rai nọ who re ro ruiruo, ru idhesẹvia ivẹ. Evaọ idhesẹvia ivẹ na ọvuọvo, dhesẹ epanọ a re ro ru ugogo ọruẹrẹfihotọ nọ a re ro zihe re a ruabọhọ ẹmeọta na.

Ole avọ 37 gbe olẹ ekuhọ.

Oka nọ O rọ September 4 Muhọ

Ole avọ 90

10 min: Iwhowhovia obonẹ.

20 min: Whọ Sae Jọ Ehri Uduotahawọ. (Rom. 1:11, 12) Ẹme gbe iroro-ejẹ ogbotu. Fodẹ unu ekobaro oke-kpobi nọ e rrọ ukoko rai. Dhesẹ idhere nọ ma sae rọ tuduhọ ae awọ, idhere jọ wọhọ ejiri nọ ma re jiri ai, ẹta kpahe irere nọ i re no iruo ọkobaro ze, usu nọ ma rẹ jọ kugbe ai evaọ usiuwoma ota, uwou mai nọ ma re zizie ai ze re a lele omai re emu, gbe obọ nọ ma re fihọ kẹ ae evaọ ugho nọ a re rọ jẹ ofa. Zizie ekobaro oke-kpobi re a ta epanọ amọfa a rọ kẹ ae uduotahawọ no. Otẹrọnọ ekobaro oke-kpobi e gbẹ rrọ ukoko na ha, ta epanọ ma sae rọ kẹ ekobaro obufihọ uduotahawọ.

15 min: “Dhesẹ Uvi Isiuru—Ẹkwoma Usiuwoma nọ Whọ Rẹ Ta Ababọ Ọriẹwẹ.” Nọ whọ tẹ be ta kpahe Ahwo Rom 1:14, onọ a kere fihọ obọ urere edhe-ẹme avọ 2 na, ku eme kpẹkpẹe kugbei rono Insight, Volume 1, ẹwẹ-obe avọ 255 ze, edhe-ẹme ọsosuọ nọ o wo uzoẹme na “Barbarian.” Nọ whọ tẹ ta kpahe edhe-ẹme avọ 3 no, kiẹ idhere esa nọ a tẹme te evaọ ẹwẹ-obe avọ 2 ọrọ omobe na Emamọ Usi kẹ Ahwo Erẹwho Kpobi, je ru odhesẹvia epanọ a sae rọ rehọ ibroshọ na ta usiuwoma kẹ ahwo nọ a rrọ ẹkwotọ rai nọ e be ta ẹvẹrẹ ọfa.

Ole avọ 225 gbe olẹ ekuhọ.

[Footnote]