Iwhowhovia

◼ Ebe nọ a ti fihọ ada evaọ September: A ti fi obe ọ Ebaibol Wuhrẹ na họ ada. Daoma ziezi re whọ to obe-uwuhrẹ Ebaibol họ evaọ iweze ọsosuọ na. Zihe bru ahwo kpobi nọ who fi obe na họ ada kẹ avọ iroro obe-uwuhrẹ Ebaibol nọ whọ rẹ tohọ. October: Fi emagazini Uwou-Eroro Na gbe Awake! họ ada. Eva oria nọ a jọ dhesẹ isiuru, iviena fi ibroshọ Wha Hai Rroro na họ ada. November: Obe na Wuhrẹ Mi Owuhrẹ Ologbo Na. Otẹrọnọ ohwo na ọ ta nọ o wo emọ họ, fi omobe-ovẹvẹ na Kọ Whọ Gwọlọ Riẹ Kpahe Ebaibol na Viere? họ ada kẹe hayo omobe-ovẹvẹ ofa nọ u kiehọ. December: Fi obe ọ Ọzae nọ Ọ Mae Rro nọ Ọ Rria No họ ada. Enọ a sai ro nwene iei họ Obe Ikuigbe Ebaibol Mẹ, gbe Whọ Sae Ria Bẹdẹ Bẹdẹ eva Aparadase ọ Otọakpọ.

◼ Ma be kareghẹhọ ekpako ukoko nnọ a nya lele ekpọvio nọ a kẹ evaọ ẹwẹ-obe avọ 21-23 ọrọ Uwou-Eroro ọ April 15, 1991 (ọrọ Oyibo), kpahe ohwo kpobi nọ a sino ukoko hayo ọnọ o si oma kpemu nọ ọ gwọlọ zihe ze.

◼ U fo re ekpako ukoko a riẹ inọ a re ru inwene obotọ na nọ ukoko rai u te bi kpohọ ikokohọ esese gbe ilogbo. Nọ ukoko rai u te bi kpohọ Okokohọ Obọdẹ, wha re ru iwuhrẹ ukoko nọ a ma omaa rai fihọ ẹkpoka na kpobi re, ajokpaọ Ovuẹ Ogbotu gbe ewuhrẹ Uwou-Eroro na ọvo a rẹ seba. Nọ ukoko rai u te bi kpohọ okokohọ okogho hayo okokohọ ubrotọ, a re ru ewuhrẹ Isukulu Odibọgba Esuo-Ọghẹnẹ gbe Ewuhrẹ Odibọgba na ha; Uwuhrẹ Obe Ukoko na ọvo a re ru evaọ ẹkpoka na soso.