Ẹkpẹti Onọ
◼ Kọ u fo re ohwo o koko eme nọ a ti ro ru ẹme evaọ Isukulu Odibọgba Esuo-Ọghẹnẹ na họ re ọ ghale ai kẹ amọfa?
Ohwo ọ rẹ sai ru onana kẹ omobọ riẹ gbe ahwo uviuwou riẹ gbe umutho egbẹnyusu ekpekpe riẹ jọ. Rekọ u fo ho re ohwo o koko eme na họ ghale kẹ ahwo hayo re o mi ugho rọkẹ onana, keme onana o wọso izi udu-ekere obe.—Rom 13:1.
Evaọ Isukulu Odibọgba Esuo-Ọghẹnẹ na, uzoẹme ọvo eme jọ i wo, a dhesẹ oria nọ a rehọ eme na no ze he. Kọ u fo re ohwo o kere eria nọ a rẹ jọ duku eme yena hayo re o kere oma ẹme na kpobi fihọ obe ghale kẹ ahwo nọ a ti ru eme itieye na? Ijo. Yọ u fo gbe he re ohwo o kere iyo enọ nọ a te nọ evaọ Ọkiẹkpemu Isukulu Odibọgba Esuo-Ọghẹnẹ na fihọ obe kẹ amọfa, keme onana u re ru nọ a gbẹ rọ daoma fi igogo eme nọ a bi wuhrẹ họ uzou hu. O gwọlọ nọ omomọvo o re ru ekiakiẹ kẹ omariẹ. Onana yọ abọjọ nọ Jihova ọ be rọ rehọ ẹkwoma isukulu na ro wuhrẹ omai re u fiobọhọ k’omai sae t’ẹme wọhọ enọ i wo “ẹrọwo-unu otu nọ a wuhrẹ.”—Aiz. 50:4.