Omaa Ewuhrẹ Odibọgba

Muẹrohọ: Odibọgba Uvie Mai o te ma omaa Ewuhrẹ Odibọgba kẹ oka kpobi evaọ etoke okokohọ ubrotọ na. Ukoko kpobi o rẹ sai ru inwene wọhọ epanọ o gwọlọ re o kẹ ae uvẹ kpohọ Okokohọ Ubrotọ “Lele Kristi!” na. Evaọ Ewuhrẹ Odibọgba urere taure wha te ti kpohọ okokohọ na, rehọ iminiti 15 rọ wariẹ kiẹ ithubro gbe ekareghẹhọ nọ e rrọ uko-obeva Odibọgba Uvie Mai ọrọ amara nana nọ i kie kpahe ukoko rai riwi. Amara ọvo hayo ivẹ nọ wha te no okokohọ na ze no, ruẹrẹ iminiti 15 rite 20 họ evaọ Ewuhrẹ Odibọgba na jọ (o sae jọ abọ ẹgwọlọ ukoko na) re wha rọ kiẹ igogo-eme okokohọ ubrotọ na nọ inievo na a ruẹ nọ i bi fiobọhọ kẹ ae evaọ odibọgba na. Ọsẹro usiuwoma ota na o re ru ọkiẹkpemu na. Zizie ogbotu na re a ta kpahe epanọ a bi ro fi eware nọ a yo họ iruo evaọ odibọgba na.

Oka nọ O rọ September 10 Muhọ

Ole avọ 225

10 min: Iwhowhovia obonẹ. Kareghẹhọ iwhowho-uvie re a niyẹrẹ usiuwoma ota ubro ọsosuọ amara ọ September. Ẹkwoma iroro nọ a jẹ fihọ ẹwẹ-obe avọ 8 na hayo ọfa jọ nọ o kiehọ kẹ ẹkwotọ ukoko rai, ru odhesẹvia epanọ a re ro fi Awake! September họ ada. Evaọ odhesẹvia na, who re fi Uwou-Eroro kugbei rọ kẹ ohwo na dede nọ Awake! na ọvo whọ ta ẹme kpahe.

15 min: Ẹkpẹti Onọ. Ẹmeọta ogbotu nọ ọkpako ukoko o re ru. Wọhọ epanọ oke o kuvẹ te, se jẹ tẹme kpahe ikere nọ a kere eme rai lahwe he na.

20 min: “Ma Te Jọ Akpọ-Soso Whowho Okokohọ Ubrotọ ‘Lele Kristi!’ Na.”a Nọ whọ tẹ be ta kpahe edhe-ẹme avọ 3, zizie ogbotu na re a gbiku eware ọbọga nọ a jọ oborai ruẹ nọ a jẹ ghale obe-uzizie okokohọ ubrotọ ukpe nukpo, hayo rehọ eme jọ no ẹwẹ-obe avọ 7 rite uzoẹme osese nọ o rrọ ẹwẹ-obe avọ 10 ọrọ 2007 Yearbook ze.

Ole avọ 43 gbe olẹ ekuhọ.

Oka nọ O rọ September 17 Muhọ

Ole avọ 60

5 min: Iwhowhovia obonẹ.

20 min: “Lele Oriruo nọ Jesu O Fihotọ.” Zizie ogbotu na re a ta kpahe epanọ a ro wo erere no emamọ oriruo amọfa ze no.

20 min: Okugbe-Inievo. Ẹme gbe iroro-ejẹ ogbotu nọ a re ru no uzou avọ 16 orọ obe ọ A Koko Omai Họ re Ma Ru Oreva Jihova ze.

Ole avọ 74 gbe olẹ ekuhọ.

Oka nọ O rọ September 24 Muhọ

Ole avọ 162

10 min: Iwhowhovia obonẹ. Se Iyẹrẹ epanọ igho e nya gbe obe uyere nọ uwou ogha u vi ze fiki unevaze nọ wha ru na via kẹ ukoko na.

12 min: “Oghẹrẹ nọ U Fo nọ Ma re Rri Ebe Mai Jẹ Rehọ Ai Ruiruo.”

23 min: “Lele Kristi Ẹkwoma Edhesẹ Adhẹẹ.” Okere-obe ukoko na o re ru ei. Fodẹ okokohọ ubrotọ nọ a ghale ukoko rai fihọ. Kiẹ ẹkpẹti na “Ekareghẹhọ Okokohọ Ubrotọ” riwi.

Ole avọ 44 gbe olẹ ekuhọ.

Oka nọ O rọ October 1 Muhọ

Ole avọ 88

8 min: Iwhowhovia obonẹ. Iwhowhovia nọ a salọ no Odibọgba Uvie Mai ze. Kareghẹhọ iwhowho-uvie re a niyẹrẹ usiuwoma ota ubro avivẹ amara ọ September.

12 min: Ileta Uwou-Ogha. Ẹme gbe iroro-ejẹ ogbotu nọ a re ru no ileta nọ e rrọ ẹwẹ-obe ọsosuọ Odibọgba Uvie Mai nana ze.

10 min: Ẹvẹ Ma Ru Te Evaọ Ukpe n’Ukpo? Ọsẹro usiuwoma ota ọ rẹ kiẹ iruẹru ukpe iruo nọ o vrẹ na riwi, tẹrovi eware ọbọga nọ ma wo tobọ evaọ odibọgba na. Jiri ukoko na ziezi. Fodẹ ofẹ ovo hayo ivẹ nọ o gwọlọ nọ a rẹ jọ wo ẹnyaharo evaọ ukpe iruo okpokpọ na. Ta kpahe iruo ekobaro na, jiri ai kẹ iruo iwoma rai. Ta kpahe emamọ iyẹrẹ nọ wha wo rono obọ nọ wha fihọ kẹ ahwo nọ a se iruo Uvie ba no riẹriẹriẹ.

15 min: “Jọ Odibọgba na Daoma Vi Epaọ Ọsosuọ.” Kiẹ inievo-emezae gbe erọ emetẹ nọ e be jọ odibọgba na daoma vi epaọ ọsosuọ riwi, nọ ae re a ta epanọ a be rọ ruabọhọ gwọlọ idhere nọ a re ro ru odibọgba rai kẹre. Whọ sae ta kẹ ọmọvo hayo imava re a ruẹrẹ ẹme rai kpahotọ.

Ole avọ 102 gbe olẹ ekuhọ.

[Footnote]