Iwhowhovia

◼ November: Eme Ebaibol na O Gine Wuhrẹ? Daoma ziezi re whọ to obe-uwuhrẹ Ebaibol họ. December: Fi obe ọ Ọzae nọ Ọ Mae Rro nọ Ọ Rria No họ ada. Otẹrọnọ ohwo na ọ ta nọ o wo emọ esese, fi obe ọ Wuhrẹ Mi Owuhrẹ Ologbo Na họ ada kẹe. January: A sai fi obe kpobi nọ u kri no nọ o rrọ ukoko rai obọ họ ada. Ọnọ a sai ro nwene họ Gọ Ọghẹnẹ Uzẹme Ọvo Na. February: A ti fi obe ọ Si Kẹle Jihova họ ada. Ọnọ a sai ro nwene iei họ Gọ Ọghẹnẹ Uzẹme Ọvo Na.

◼ Ma be ta udu họ iwhowho-uvie kpobi nọ i ri kere eme fihọ ekade ọ durable power of attorney (DPA) rai hi awọ re a ru ere. Ekade DPA nana yọ amiunugu k’owhẹ inọ whọ se azẹ osefihọ oma. Ekpako ukoko rai a ti fi obọ họ k’owhẹ epanọ u fo.—Rri uko-obeva Odibọgba Uvie Mai ọrọ December 2006.

◼ Unevaze kẹ iruo akpọ-soso na nọ a rọ echẹke ru evaọ ikokohọ ilogbo gbe enọ a re vi se uwou ogha a re kere fihọ ai inọ, a wha ugho na kẹ “Watch Tower Society.” A re kere “Watch Tower” na eme ivẹ.

◼ Muhọ no January 1, 2009 vrẹ, ma te gbẹ rehọ ẹme na “ọsẹro ukoko” ro ruiruo ho. A te hai se ọkpako nọ o wo owha-iruo nana “ọnọ o re koko iruẹru ugboma ekpako na họ.”

◼ Taure a te ti mu ebabọ Ọgwa Uvie họ—makọ ọkpokpọ hayo onọ a gwọlọ ruẹrẹ,—ekpako ukoko na a rẹ nyae vuẹ inievo nọ e be tha Ẹko-Iruo Ebabọ Ọgwa Uvie na uke evaọ oborai. Onana o kẹre te otọ nọ a rẹ dẹ hayo zẹ. Inievo nọ e be tha Ẹko-Iruo Ebabọ Ọgwa Uvie na uke a rẹ sai fiobọhọ kẹ ukoko na evaọ iroro-ejẹ kpahe ẹme otọ, jegbe epanọ a sai ro te ahwo nọ a re wo Ọgwa Uvie.