Ẹme nọ Whọ rẹ Ta Kpahe Emagazini Na

October-December

“Ahwo jọ a rẹ ta nọ ohwo ọ te be riẹ Ọghẹnẹ gọ ziezi, ọ rẹ rehọ efe rọ ghale iẹe, rekọ nọ ohwo o te yogbe u dhesẹ nọ o wo ọjẹrehọ Ọghẹnẹ hẹ. Eme who roro? [Kuvẹ kẹ uyo.] Ebaibol i dhesẹ nọ Jesu ọ jọ ọdafe he. [Se Luk 9:58.] Emagazini nana o ta kpahe oghẹrẹ eghale nọ idibo Ọghẹnẹ a re rẹro rai.”

October

“Kọ whọ rọwo nọ iviuwou a be rẹriẹ ovao dhe ebẹbẹ buobu nẹnẹ? [Kuvẹ kẹ uyo.] Ahwo buobu a riẹ hẹ inọ ehrẹ nọ e rẹ sai fi obọ họ kẹ ae e rrọ Ebaibol na. Oriruo jọ họ. [Se oria ikere jọ nọ o rrọ emagazini na.] Obọdẹ uvitha Awake! nana u dhesẹ epanọ ehri-izi Ebaibol e sai ro fi obọ họ kẹ iviuwou yeri kugbe iyero sa-sa.”

October-December

“Ebaibol e ta nọ ugho o rẹ sae thọ ohwo. Rekọ ẹsibuobu ugho o be wha ebẹbẹ fihọ uwou-erọo. Eme who roro nọ o be wha oyena ze? [Kuvẹ kẹ uyo. Who ve se 1 Timoti 6:10.] Uzoẹme nana nọ u muhọ evaọ ẹwẹ-obe avọ 10 na o ta kpahe eware ene jọ nọ i re fi obọ họ kẹ ọzae avọ aye whaha ebẹbẹ nọ ugho o rẹ wha ze.”

November

“Ahwo a be rehọ ekwakwa wọhọ ifonu gbe ekọmputa ruiruo kẹdẹ kẹdẹ nẹnẹ. Kọ who roro nọ eware nana e be lẹliẹ ahwo mai wo oke manikọ e be lẹliẹ ae raha oke kufiẹ. [Kuvẹ kẹ uyo.] Ahwo buobu a rọwo kugbe uduotahawọ nana inọ ma rọ oke mai ruiruo avọ areghẹ. [Se Ahwo Ẹfẹsọs 5:15, 16.] Emagazini nana o ta kpahe epanọ ma sae rọ rehọ eware itieye na ro ruiruo owowa.”