Ẹme nọ Whọ rẹ Ta Kpahe Emagazini Na

July-September

“Wọhọ epanọ Ebaibol i dhesẹ, Ọghẹnẹ ọ kuvẹ kẹ oghẹrẹ eware jọ evaọ oke anwae, rekọ ọ gbẹ kuvẹ kẹ ae enẹna ha. Kọ u dhesẹ nọ Ọghẹnẹ o nwene no? [Kuvẹ kẹ uyo. Who ve se Malakae 3:6.] Ọghẹnẹ o re nwene itee uvioziẹ gbe uyoyou riẹ hẹ. Uzoẹme nana nọ u muhọ evaọ ẹwẹ-obe avọ 18 na o ta kpahe eware esa jọ nọ i bi ru ahwo jọ roro inọ Ọghẹnẹ o nwene no.”

September

Mẹ gwọlọ se oria Ebaibol jọ k’owhẹ. Se 1 Jọn 4:8. Whọ vẹ ta nọ: “Ahwo jọ a rọwo inọ Ọghẹnẹ ọ rẹ lahiẹ ahwo omuomu bẹdẹ bẹdẹ evaọ erae ehẹle. Amọfa a roro nọ uwuhrẹ yena o rọwokugbe oware nọ ma se evaọ oria Ebaibol nana ha. Ẹvẹ who roro kpahe ẹme na? [Kuvẹ kẹ uyo.] Uzoẹme nana nọ u muhọ evaọ ẹwẹ-obe avọ 10 na u dhesẹ oware nọ Ebaibol na e ta kpahe ẹme na.”

October-December

“Ahwo buobu a roro nọ ahwo owoma kpobi a ti kpohọ odhiwu. Kọ ere whọ rọwo re? [Kuvẹ kẹ uyo.] Gaviezọ kẹ oware nọ oria Ebaibol nana o ta kpahe otọakpọ na. [Se Olezi 37:11, 29.] Uzoẹme nana u dhesẹ oware nọ Jesu o wuhrẹ kpahe epanọ ohwo-akpọ ọ te rọ rria otọakpọ na evaọ obaro.” Rehọ uzoẹme nọ u muhọ evaọ ẹwẹ-obe avọ 18 ro fi ei họ ada.

October

“Ebẹbẹ e rẹ romavia evaọ uviuwou kpobi. Diẹse who roro nọ iviuwou e rẹ sae jọ ruẹ ithubro egbagba nọ i re fi obọ họ kẹ ae? [Kuvẹ kẹ uyo. Kẹsena who ve se Olezi 32:8.] Obọdẹ uvitha Awake! nana u dhesẹ igogo ehri-izi Ebaibol nọ e rẹ sai fi obọ họ kẹ iviuwou, nọ a te fi ai họ iruo.”