Ẹme nọ Whọ rẹ Ta Kpahe Emagazini Na

July-September

Se Matiu 24:3. Kẹsena whọ vẹ ta nọ: “Ahwo jọ a roro nọ urere akpọ nọ a jọ etenẹ nọ kpahe na yọ okenọ a te rọ raha otọakpọ mai na. Kọ who roro nọ a te raha otọakpọ na? [Kuvẹ kẹ uyo.] Uyo nọ Jesu ọ kẹ u dhesẹ oghẹrẹ oware nọ ma re rẹro riẹ—orọnikọ ọraha otọakpọ na ha— rekọ ekuhọ emuemu evaọ akpọ. Uzoẹme nọ u muhọ evaọ ẹwẹ-obe avọ 28 o ta kpahe onana ziezi.”

July

“Mai ibuobu ma wo edẹro kẹ eware nọ esẹgbini mai a wuhrẹ omai. Kọ who roro nọ uzou-veghe o rrọ re ohwo ọ wariẹ kiẹ iwuhrẹ egagọ nọ a wuhrẹ i rie evaọ emaha? [Kuvẹ kẹ uyo. Kẹsena who ve se 1 Jọn 4:1.] Uzoẹme nana u dhesẹ sọ o thọ re ma nwene egagọ mai.” Rovie kpohọ uzoẹme nọ u muhọ evaọ ẹwẹ-obe avọ 28.

July-September

“Ahwo buobu nẹnẹ a ta nọ a kẹle Ọghẹnẹ. Rekọ eme Ọghẹnẹ o rẹro mi ahwo nọ a gwọlọ kẹle iẹe? [Kuvẹ kẹ uyo. Who ve se 1 Pita 1:15, 16.] Jihova ọ gwọlọ nọ ahwo nọ a kẹle riẹ a rẹ jọ ọrẹri, keme ọyomariẹ ọ rrọ ọrẹri. Evaọ edhere vẹ a rẹ rọ jọ ọrẹri? Uzoẹme nana nọ o rrọ ẹwẹ-obe avọ 9 na u dhesẹ oyena.”

August

“Ahwo buobu a ruẹ uye omohẹriẹ no evaọ idhere sa-sa. Ẹvẹ who roro nọ Ọghẹnẹ o rri omagbẹre? [Kuvẹ kẹ uyo. Kẹsena who ve se Iruẹru Ikọ Na 10:34, 35.] Ebaibol na e sai fi obọ họ k’omai nọ ma sai ro thihakọ nọ ahwo a tẹ be hẹriẹ oma no omai. U re je fi obọ họ k’omai siobọno uruemu omagbẹre otẹrọnọ ma wo rie. Emagazini nana u dhesẹ oghẹrẹ nọ o sae rọ jọ ere.”