Ẹme nọ Whọ rẹ Ta Kpahe Emagazini Na

July-September

“Mẹ gwọlọ se oria Ebaibol jọ kẹ owhẹ. [Se Ọnyano 20:15.] Kẹsena, whọ vẹ ta nọ, dede nọ ahwo buobu a be daoma koko uzi nana, ejọ a roro nọ ujitho hayo ewhariọ i woma nọ eware e tẹ rrọ gaga. Eme who roro? [Kuvẹ kẹ uyo.] Uzoẹme nana nọ u muhọ evaọ ẹwẹ-obe avọ 11 na o ta kpahe irere nọ i re te omai nọ ma te bi dhesẹ oruọzewọ ẹsikpobi.”

July

“Kọ u fo re a rehọ eyae mu iwuhrẹ egagọ? [Kuvẹ kẹ uyo.] Dae gaviezọ kẹ oware nọ Ebaibol e ta kpahe aye jọ. [Se Ahwo Rom 16:1.] Rekọ oria ofa Ebaibol na jọ o ta nọ eyae a re fibo evaọ ukoko na. Nọ o rrọ ere na, eme họ eriwo Ebaibol evaọ ẹme nana? Uzoẹme nọ u muhọ evaọ ẹwẹ-obe avọ 28 na u dhesẹ onana vevẹ.”

July-September

“Kọ o be hai gb’owhẹ unu oware nọ o soriẹ nọ Ọghẹnẹ ọ rọ kẹ uye-oruẹ uvẹ? [Kuvẹ kẹ uyo.] Gaviezọ kẹ onọ jọ nọ omọvo enọ i kere Ebaibol na ọ nọ. [Se Olezi 10:1.] Uzoẹme nana nọ u muhọ evaọ ẹwẹ-obe avọ 4 na u dhesẹ oware nọ o soriẹ nọ Ọghẹnẹ ọ rọ kẹ uye-oruẹ uvẹ gbe oware nọ o bi ru re o kuei họ.”

August

“Ẹsejọhọ Isẹri Jihova a ta usiuwoma kẹ owhẹ no ẹdẹjọ. Kọ oware nọ ma be hai ro no uwou ruọ uwou, dede nọ ahwo buobu a be gaviezọ kẹ omai hi o be hai gb’owhẹ unu? [Kuvẹ kẹ uyo. Who ve se Matiu 24:14.] Ma vuhumu inọ ahwo buobu a wo eriwo ọthọthọ kpahe omai. Emagazini nana o ta kpahe oghẹrẹ ahwo nọ Isẹri Jihova a rrọ.”