Iyẹrẹ Iruo Usiuwoma Ota

Ma wo emamọ iyẹrẹ evaọ ukpe iruo nọ u kuhọ evaọ amara ọ Aria na. Unu iwhowho-uvie nọ o mai kpehru nọ e n’iyẹrẹ evaọ ukpe iruo nọ o vrẹ na a bu te 312,315, yọ unu nana o dina kpotọ vi unu nọ e n’iyẹrẹ evaọ Aria 2008. Rekọ unu iwhowho-uvie nọ e n’iyẹrẹ evaọ ukpe na soso, a rehọ 9, 226 ro bu vi erọ ukpe 2008. Ma wo unu okpokpọ orọ ekobaro nọ e n’iyẹrẹ, 30,194. Ma ru ebe-iwuhrẹ Ebaibol 628,458, nọ o rọ unu ebe-iwuhrẹ Ebaibol nọ o mai bu nọ a n’iyẹrẹ rai no evaọ Nigeria. Fiki oghẹrẹ nọ Jihova ọ ghale iruo mai, ma sae ta wọhọ epanọ a kere fihọ Olezi 65:11, inọ: “Whọ rehọ ọruẹriọ buobu vọ ukpe na.”