Ẹme nọ Whọ rẹ Ta Kpahe Emagazini Na

January-March

“Ebẹbẹ sa-sa e rrọ orọo, rekọ o rẹ mae tubẹ ga nọ ọrivẹ-orọo na jọ ọ tẹ be mọ ẹyao nọ o bi kpo ho. Kọ who roro nọ o lọhọ re a thihakọ evaọ otọ uyero utioye? [Kuvẹ kẹ uyo.] Gaviezọ kẹ ikereakere jọ nọ ahwo nọ a rọo no a sai roro kpahe. [Se Emuhọ 2:24.] Uzoẹme nana nọ u muhọ evaọ ẹwẹ-obe avọ 16 na o ta kpahe eware jọ nọ e rẹ sai fi obọ họ kẹ erivẹ-orọo itieye thihakọ.”

January

“Mẹ gwọlọ se oria Ebaibol jọ kugbe owhẹ. [Se Iruẹru 17:31a.] Kẹsena whọ vẹ ta nọ: Ahwo buobu a rẹ ruawa nọ a tẹ t’ẹme kpahe Ẹdẹ Ẹdhoguo. Kọ ẹvẹ o rrọ owhẹ oma? [Kuvẹ kẹ uyo.] Ebaibol i wuhrẹ nọ Ẹdẹ Ẹdhoguo o te wha eghale buobu se ahwo akpọ. Uzoẹme nọ u muhọ evaọ ẹwẹ-obe avọ 10 na o ta kpahe onana.”

January-March

“Kọ who roro nọ Ọghẹnẹ o ti ku uye-oruẹ họ ẹdẹjọ? [Kuvẹ kẹ uyo.] Gaviezọ kẹ eyaa Ebaibol nana nọ o lẹliẹ omai wo ẹruore. [Se ikere jọ evaọ usu enọ e rrọ ẹkpẹti nọ o rrọ ẹwẹ-obe avọ 7 na.] Whọ rẹ jọ emagazini nana ruẹ eme nọ Ebaibol e ta kpahe oke nọ Ọghẹnẹ o ti ro ku uye-oruẹ kpobi họ gbe oghẹrẹ nọ o ti ro ru ei.”

February

“Ahwo buobu a bi mu fa erọo nẹnẹ. Kọ who roro nọ ezae avọ eyae buobu a bi roro t’emu t’aro taure a tẹ te jiroro nọ a rẹ fa orọo rai? [Kuvẹ kẹ uyo. Kẹsena who ve se Itẹ 14:15.] Emagazini nana u dhesẹ eware ene jọ nọ u fo nọ imava-orọo a re roro kpahe nọ a tẹ be jowọ orọo-ofa.”