Ẹme nọ Whọ rẹ Ta Kpahe Emagazini Na
April-June
“Ebe jọ e ta inọ orọnikọ oghẹrẹ nọ Ebaibol i dhesẹ nọ Jesu o ro whu na o ro whu hu, rekọ inọ o wo aye je yẹ emọ. Kọ who yo oyena no ẹdẹjọ? [Kuvẹ kẹ uyo.] O roja re ma riẹ uzẹme na. [Se Jọn 17:3.] Uzoẹme nana nọ u muhọ evaọ ẹwẹ-obe avọ 26 na o kẹ ẹjiroro sa-sa nọ ma jẹ rọwo eware nọ Ebaibol na e ta kpahe Jesu.”
April
Se Olezi 37:9-11. Kẹsena whọ vẹ nọ inọ: “Ẹvẹ who roro nọ akpọ na ọ te jọ nọ eruẹaruẹ nana i te rugba no? [Kuvẹ kẹ uyo.] A jọ uzoẹme nana nọ u muhọ evaọ ẹwẹ-obe avọ 20 na dhunu te eruẹaruẹ nana jẹ ta kpahe oware nọ o soriẹ ze nọ emuemu o jẹ da akpọ fia nẹnẹ.”
April-June
“O rẹ jọ bẹbẹ kẹ ahwo jọ re a rọvrẹ amọfa. Kọ who roro nọ re a rọvrẹ amọfa o rẹ kẹ erere? [Kuvẹ kẹ uyo.] Gaviezọ kẹ oware nọ Jesu ọ ta kpahe erọvrẹ. [Se Matiu 18:21, 22.] Uzoẹme nana nọ u muhọ evaọ ẹwẹ-obe avọ 21 na o ta kpahe oware nọ Ọghẹnẹ ọ gwọlọ nọ ma re ru evaọ ẹme nana.”
May
“Ahwo buobu a gwọlọ nọ a rẹ siọ ivovavovo ba, rekọ o rrọ bẹbẹ kẹ ae. Kọ whọ riẹ ohwo jọ nọ ọ gwọlọ siobọno ivovavovo? [Kuvẹ kẹ uyo.] Oware nọ u fi obọ họ kẹ ahwo jọ họ a yare obufihọ egbẹnyusu gbe ahwo uviuwou rai. [Se Ọtausiuwoma Na 4:12a.] Emagazini nana o kẹ ithubro jọ nọ i re fi obọ họ kẹ ohwo siọ ivovavovo ba.”