Ẹme nọ Whọ rẹ Ta Kpahe Emagazini Na

January-March

“Ahwo buobu nẹnẹ a be kẹ Ọghẹnẹ orro nọ u te rie he. Kọ who roro nọ Ọghẹnẹ o te ohwo nọ ma rẹ rọ orro kẹ? [Kuvẹ kẹ uyo. Kẹsena who ve se Eviavia 4:11.] Uzoẹme nana nọ o rrọ ẹwẹ-obe avọ 19 na o ta kpahe oware nọ ẹriẹ nọ ma rẹ riẹ Ọghẹnẹ wọhọ ọnọ Ọ ma omai o rẹ wọ omai ru.”

March

“Ma te wo emamọ ogbẹnyusu, o rẹ were omai. Kọ iruemu vẹ e rẹ jọ oma ogbẹnyusu were owhẹ? [Kuvẹ kẹ uyo.] Gaviezọ kẹ oware nọ Ebaibol e ta kpahe emamọ ogbẹnyusu. [Se Itẹ 17:17.] Uzoẹme nọ u muhọ eva ẹwẹ-obe avọ 18 na u dhesẹ eware jọ nọ i re fi obọ họ kẹ ohwo salọ emamọ egbẹnyusu gbe epanọ ma sae rọ jọ emamọ ogbẹnyusu kẹ amọfa.”

April-June

“Iviena mẹ gwọlọ inọ whọ vuẹ omẹ oghẹrẹ nọ who wo otoriẹ eme Jesu nana. [Se Jọn 3:3.] Eme who roro nọ u dhesẹ re a wariẹ ohwo yẹ? [Kuvẹ kẹ uyo.] Ma te wo otoriẹ ogbagba orọ eme Jesu na u re kpomahọ uzuazọ mai gbe ẹruore nọ ma wo kpahe obaro na. Emagazini nana u dhesẹ oware nọ o jẹ rrọ ere.”

April

“Emaha buobu nọ e rrọ isukulu enẹna a rrọ otọ otunyẹ. Kọ who roro nọ eware i nwene no epanọ e jọ no evaọ okenọ esẹgbini rai a gbẹ jọ emaha? [Kuvẹ kẹ uyo.] Otunyẹ ọgaga o sai kpomahọ ohwo yoyoma. [Se Ọtausiuwoma Na 7:7a.] Emagazini nana e ta kpahe epanọ esẹgbini e sai ro fi obọ họ kẹ emaha na.”