Oma Rọkẹ Oka ọ June 28
OKA NỌ O RỌ JUNE 28 MUHỌ
□ Uwuhrẹ Ebaibol Ukoko:
bh eme-ofiba, ẹwẹ. 204-206
□ Isukulu Odibọgba Esuo-Ọghẹnẹ:
Isase Ebaibol: 1 Ivie 3-6
Ọkiẹkpemu Isukulu Odibọgba Esuo-Ọghẹnẹ
□ Ewuhrẹ Odibọgba:
5 min: Iwhowhovia.
15 min: Ruẹrẹ Oma Kpahe re Who Fi Emagazini họ Ada Evaọ July. Ẹme nọ ogbotu ọ rẹ kpahe fihọ. Rehọ uminiti ovo hayo ivẹ rọ ta kpahe eware nọ e rrọ emagazini na. Kẹsena whọ vẹ salọ izoẹme ivẹ hayo esa jọ, jẹ ta kẹ ogbotu na re a fodẹ enọ gbe ikere nọ a rẹ sai ro fi emagazini na họ ada. Ru idhesẹvia epanọ a rẹ sai ro fi ai họ ada. Kuhọ avọ odhesẹvia ọfa ọrọ epanọ a sae rọ to uwuhrẹ Ebaibol họ evaọ ozihebro.—Rri km 8/07 ẹwẹ. 3.
15 min: A Wuhrẹ i Riẹ No Emaha Ze. Ẹme nọ ogbotu ọ rẹ kpahe fihọ. Timoti ọ jọ ọtausiuwoma nọ o wo onaa gbe ajọwha. (Fil. 2:20-22) Oware jọ nọ u fi obọ họ kẹe họ, oni avọ oniode riẹ a wuhrẹ i riẹ ẹme Ọghẹnẹ no emaha ze. (2 Tim. 1:5; 3:15) Ithubro Ikereakere nọ e rrọ obotọ na i ti fi obọ họ kẹ esẹgbini wuhrẹ emọ rai re a jọ uvi etausiuwoma. (1) Wha ọmọ ra lele oma kpohọ usiuwoma no emaha ze; wuhrẹ iẹe re o wobọ wọhọ epanọ ẹgba riẹ o mu. (Itẹ 22:6) (2) Fi emamọ oriruo họ otọ ẹkwoma iruo odibọgba na nọ whọ rẹ rọ karo. (Fil. 1:9, 10) (3) Jọ oke Uwuhrẹ Ebaibol Uviuwou rai gbe evaọ oke ofa fi obọ họ kẹ ai wo isiuru kẹ iruo usiuwoma ota na. (Izie. 6:6, 7) (4) Rehọ uruemu gbe ẹmeunu ra dhesẹ nọ iruo odibọgba na e mai wuzou. (Fil. 3:8; 4:8; 1 Tim. 1:12) (5) Whai uviuwou na wha hai kpohọ usiuwoma kugbe kẹse kẹse. (Iruẹru 5:41, 42) (6) Hai kuomagbe etausiuwoma nọ i wo ajọwha. (Itẹ 13:20) Zizie ogbotu na re a fodẹ eware jọ nọ esẹgbini rai a ru ro fi obọ họ kẹ ae re a reawere iruo odibọgba na je wo onaa.