Ẹme nọ Whọ rẹ Ta Kpahe Emagazini Na
October-December
“Erọo jọ e rẹ tọ vrẹ ukpe ọvo ho. Eme who roro inọ o rẹ sai fi obọ họ kẹ erọo itieye? [Kuvẹ kẹ uyo.] Iviena muẹrohọ ẹme nọ ọ rrọ oria Ebaibol nana. [Se Matiu 19:5, 6.] Ọghẹnẹ họ ọnọ ọ tuọ orọo họ. Fikiere, uzoẹme nana nọ u muhọ evaọ ẹwẹ-obe avọ 10 na u dhesẹ epanọ Ẹme riẹ o sai ro fi obọ họ kẹ ahwo fi ebẹbẹ nọ e sae romavia evaọ orọo kparobọ, jẹ lẹliẹ orọo rai tọ.”
November
Whọ sae ta nọ, “Mẹ gwọlọ se oria Ebaibol jọ kẹ owhẹ. [Se 2 Timoti 3:16.] Kẹsena whọ vẹ nọ inọ: Kọ whọ rọwo je roro inọ ma sai fi eva họ eme kpobi nọ Ebaibol na e ta? [Kuvẹ kẹ uyo.] Uzoẹme nana nọ u muhọ evaọ ẹwẹ-obe avọ 15 na, u dhesẹ epanọ ekwakwa anwae nọ a kiẹ riwi gbe ikuigbe e rọ rọwokugbe eme nọ Ebaibol na e ta kpahe orẹwho Ijipti anwae.”
October-December
“Ahwo jọ a rọwo inọ emuemu u ti kuhọ ẹdẹjọ. U re gbe ahwo jọ unu sọ oyena o te ginẹ via. Ẹvẹ who roro? [Kuvẹ kẹ uyo. Kẹsena who ve se 2 Timoti 3:1.] Ẹme na “edẹ urere” u dhesẹ nọ oware jọ u bi ti kuhọ. Rekọ eme u bi ti kuhọ na? Uzoẹme nana nọ u muhọ evaọ ẹwẹ-obe avọ 5 na o ta kpahe epanọ Ebaibol o rọ kẹ omai imuẹro inọ emuemu u ti kuhọ.”
December
“Kọ who roro no ẹdẹjọ oware nọ o soriẹ nọ a be hai ro ru Kresimesi evaọ December 25 kpakiyọ Ebaibol na e fodẹ ẹdẹ nọ a yẹ Jesu hu? [Kuvẹ kẹ uyo.] Wọhọ epanọ oria Ebaibol nana u dhesẹ, o sae jọnọ oke uriri a yẹ Jesu hu. [Se Luk 2:8.] Emagazini nana o ta kpahe okenọ iruemu jọ nọ a re ru evaọ oke Kresimesi i ro muhọ.”