Idhere Usiuwoma Ota Oriruo

Onọ A rẹ rọ To Ebe-Iwuhrẹ Ebaibol họ Evaọ Ẹdẹ-Ọmaha Ọsosuọ December

“Ahwo a rrọ egagọ sa-sa jẹ be rọ idhere sa-sa gọ Ọghẹnẹ. Ẹvẹ who roro nọ Ọghẹnẹ o bi rri onana? [Kuvẹ kẹ uyo.] Muẹrohọ oware nọ Jesu o wuhrẹ kpahe ẹme nana.” Kẹsena whọ vẹ rehọ Uwou-Eroro ọ October-December na rọ kẹe, wha vẹ ta ẹme kpahe onọ ọsosuọ evaọ ẹwẹ-obe avọ 16 na, je se ikere jọ nọ a jariẹ fodẹ. Ku Awake! kugbe Uwou-Eroro na rọ kẹe, je ru ọruẹrẹfihotọ epanọ whọ te rọ kuyo onọ nọ o kẹle riẹ na.

Uwou-Eroro Na October-December

“Ahwo a be thuzi unuẹse buobu fikinọ a gba ha. Kọ who roro nọ Ọghẹnẹ ọ be rọ vrẹ ahwo riẹriẹriẹ? [Kuvẹ kẹ uyo.] Joma se oria Ebaibol jọ nọ o kẹ ahwo buobu omosasọ no. [Se Olezi 103:14.] Ẹvẹ who roro nọ Ọghẹnẹ ọ be rọ kareghẹhọ nọ mai yọ ẹkpẹ? Uzoẹme nana nọ o rrọ ẹwẹ-obe avọ 23 na o ta kpahe oyena.”

Awake! December

“Mẹ gwọlọ se oria Ebaibol jọ kẹ owhẹ. [Se 2 Timoti 3:16.] Kẹsena whọ vẹ ta nọ: Ahwo jọ a rọwo inọ ẹgba ẹzi Ọghẹnẹ a ro kere Ebaibol na, rekọ amọfa a rọwo ho. Ẹvẹ who roro? [Kuvẹ kẹ uyo.] Dede nọ ahwo a kuyo sa-sa kpahe onọ yena, ahwo buobu a rọwo inọ Ebaibol na họ obe nọ a mae wọso no, ghele na o vọ oria kpobi. Emagazini nana u dhesẹ epanọ ahwo a daoma te no re a raha Ebaibol na no je ru re ahwo a siẹe ba ese. O tẹ jẹ ta kpahe oware o gbẹ rọ riẹ rite inẹnẹ.”