Oma Rọkẹ Oka ọ January 7
OKA NỌ O RỌ JANUARY 7, 2013, MUHỌ
Ole avọ 104 gbe Olẹ
□ Uwuhrẹ Ebaibol Ukoko:
cl uzou 10 edhe. 8-16 (30 min.)
□ Isukulu Odibọgba Esuo-Ọghẹnẹ:
Isase Ebaibol: Matiu 1-6 (10 min.)
No. 1: Matiu 5:21-32 (4 min. hayo kpẹre viere)
No. 2: Orọnikọ Ileleikristi A Jie Uzi Ẹdijala Kẹ Hẹ—td 20B (5 min.)
No. 3: Eme họ Otọ Ẹme na Inọ Jihova “Họ Ẹkẹ Rai”—Ik. 18:20 (5 min.)
□ Ewuhrẹ Odibọgba:
10 min: Oghẹrẹ nọ A Sae rọ Kẹ Ahwo Emagazini Evaọ Amara January. Ẹme nọ a rẹ kpahe fihọ. Rehọ omoke kakao ta oware nọ emagazini na e te rọ were ahwo ẹkwotọ rai. Kẹsena whọ vẹ ta kẹ inievo na re a nọ onọ jọ ze nọ o rẹ sae lẹliẹ uzoẹme Uwou-Eroro Na were ahwo, jẹ fodẹ oria Ebaibol jọ nọ a rẹ sai se. Ru epọvo na kpahe Awake! na, yọ oke o tẹ gbẹ riẹ, ta kpahe uzoẹme ọfa evaọ Uwou-Eroro Na hayo Awake! na. Ru idhesẹvia epanọ a rẹ rọ rehọ ae kẹ ahwo.
10 min: Ẹgwọlọ ukoko na.
10 min: Ọgwa Uvie nọ Ọ Rrọ Fuafo O rẹ Wha Orro Se Jihova. Ẹme nọ ọkpako o re ru. Jihova yọ Ọghẹnẹ nọ ọ rrọ fuafo, fikiere idibo riẹ a rẹ daoma gaga re a jọ fuafo. (Ọny. 30:17-21; 40:30-32) Ma tẹ be rẹrote oria nọ ma be jọ gọ Jihova, o rẹ wha orro sei. (1 Pita 2:12) Gbiku oware jọ nọ o via evaọ oborai hayo nọ who se ku evaọ obe mai jọ nọ u dhesẹ epanọ Ọgwa Uvie nọ ọ rrọ fuafo o rrọ lẹliẹ ahwo ta ẹme ezi kpahe Isẹri Jihova. Kiẹ oniọvo nọ o re ru ọruẹrẹfihotọ ẹruorote Ọgwa Uvie na re ọ ta kpahe erufuọ Ọgwa Uvie na gbe oke nọ wha fihọ kẹ onana. Tuduhọ ahwo kpobi awọ re a w’obọ evaọ ẹruorote Ọgwa Uvie na.
Ole avọ 127 gbe Olẹ