Kọ Whọ be Hai Rri Ebọdo Evuẹ na Kẹse Kẹse?

Ekpako ukoko, idibo iruiruo, inievo nọ i wo ẹme, gbe enọ a kẹ iruo sa-sa a re rri ebọdo evuẹ na re a riẹ ẹdẹ nọ a ro wo ẹme hayo iruo na. Rekọ, ohwo kpobi evaọ ukoko na ọ rẹ sae ruẹ evuẹ nọ i wuzou evaọ ebọdo na. Kọ whọ riẹ oke nọ utu ra u ti ro ru orufuọ evaọ Ọgwa Uvie na? Kọ ọsẹro ọnyawariẹ hayo uwou ogha u vi ileta jọ nọ i wuzou se ukoko na? Kọ whọ riẹ uzoẹme ovuẹ ogbotu oka nana re whọ sai zizie ahwo nọ who bi wuhrẹ Ebaibol kugbe? Kọ a ru inwene jọ evaọ omaa ewuhrẹ hayo utu usiuwoma ota ra? A gbe bi se evuẹ nana jọ buobu evaọ eplatfọmo ho, yọ o nwane lọhọ re ekpako na a vuẹ iwhowho-uvie kpobi nọ e rrọ ukoko na kpahe evuẹ nana ha. Fikiere, u fo re ma hai rri ebọdo evuẹ na kẹse kẹse. Ma tẹ be hai ru ere, ‘eware kpobi e te jọ ziezi jẹ gba kiete.’—1 Kọr. 14:40.