UWOU-EBE ITANẸTE Uwou-Eroro
UWOU-EBE ITANẸTE
Uwou-Eroro
Isoko
Ọ
  • Ẹ
  • ẹ
  • Ọ
  • ọ
  • EBAIBOL
  • EBE GBE EWARE EFA
  • IWUHRẸ
  • km 10/08 ẹwẹ. 1
  • Ọruẹrẹfihotọ Ọkpokpọ Ọrọ Iwuhrẹ Ukoko

Ọnana o wo ividio ho.

Eva e dha owhẹ hẹ, ividio na ọ rọwo kporo ho.

  • Ọruẹrẹfihotọ Ọkpokpọ Ọrọ Iwuhrẹ Ukoko
  • Odibọgba Uvie Mai—2008
  • Onọ O Wọhọ E Riẹ
  • Ewuhrẹ Omakugbe kẹ Usiuwoma nọ U bi Ru Ẹjiroro Riẹ Gba
    Odibọgba Uvie Mai—2015
  • Ẹkpẹti Onọ
    Odibọgba Uvie Mai—2007
  • Iwuhrẹ nọ I re ‘Ru Ohwo Dhesẹ Uyoyou je Ru Iruo Iwoma’
    A Koko Omai Họ Re Ma Ru Oreva Jihova
  • Epanọ a re ro ru Ewuhrẹ Uzuazọ Oleleikristi gbe Usi Uwoma Ota Mai
    Epanọ a re ro ru Ewuhrẹ Uzuazọ Oleleikristi gbe Usi Uwoma Ota Mai
Ruẹ Efa
Odibọgba Uvie Mai—2008
km 10/08 ẹwẹ. 1

Ọruẹrẹfihotọ Ọkpokpọ Ọrọ Iwuhrẹ Ukoko

1, 2. Didi inwene e te jọ iwuhrẹ mai muhọ no January 2009 vrẹ?

1 Evaọ ẹkpoka ọ April 21-27, 2008, ma yo obọdẹ owhowhovia jọ wariẹ okugbe-inievo akpọ so-so mai na họ inọ: ‘Muhọ no January 1, 2009 vrẹ, oke ovona nọ ma bi ro ru ewuhrẹ Isukulu Odibọgba Esuo-Ọghẹnẹ gbe Ewuhrẹ Odibọgba na ma te hai ro ru Uwuhrẹ Obe Ukoko na. Ma ti nwene odẹ Uwuhrẹ Obe Ukoko na kpohọ Uwuhrẹ Ebaibol Ukoko.’

2 Omaa Rọkẹ Iwuhrẹ Koka Koka Na: Oke nọ ma te hai ro ru iwuhrẹ nana, te ile gbe olẹ, họ auwa ọvo gbe iminiti 45. Ewuhrẹ na o te rehọ ole gbe olẹ muhọ (iminiti 5), Uwuhrẹ Ebaibol Ukoko na u ve lele iei (iminiti 25). Nọ a tẹ nwani ru Uwuhrẹ Ebaibol Ukoko na no, Isukulu Odibọgba Esuo-Ọghẹnẹ (iminiti 30) u ve lele iei. Kẹsena a vẹ so ole (iminiti 5) ro mu Ewuhrẹ Odibọgba (iminiti 35) họ. Ewuhrẹ na o re kuhọ avọ ole gbe olẹ (iminiti 5). Re u fi obọ họ k’owhẹ sae ruẹrẹ oma kpahe kẹ iwuhrẹ na, omaa rọkẹ Uwuhrẹ Ebaibol Ukoko na, Isukulu Odibọgba Esuo-Ọghẹnẹ na, gbe Ewuhrẹ Odibọgba na e te hae romavia k’amara k’amara evaọ Odibọgba Uvie Mai.

3. Ẹvẹ a te hai ro ru Uwuhrẹ Ebaibol Ukoko na?

3 Uwuhrẹ Ebaibol Ukoko: A ti ru uwuhrẹ nana wọhọ epanọ a be hai ru Uwuhrẹ Uwou-Eroro Na. U du gwọlọ nọ a rẹ rọ ọkiẹkpemu uwuhrẹ oka nọ u kpemu ro mu uwuhrẹ na họ họ. Ukpoye, eme kpẹkpẹe a rẹ ta ro mu uwuhrẹ na họ. Onana o te lẹliẹ oke jariẹ ziezi kẹ ahwo kpobi nọ a rrọ ewuhrẹ na re a kpahe ẹme. Ọsẹro ukoko na ọ te hae ma omaa nọ ekpako ukoko na a re ro ru Uwuhrẹ Ebaibol Ukoko na, o re nwene ekpako na k’oka k’oka.

4. Oghẹrẹ vẹ Ewuhrẹ Odibọgba na o ti nwene kpohọ?

4 Ewuhrẹ Odibọgba: Epavo na Ewuhrẹ Odibọgba na ọ te jọ, rekọ oke nọ a te hai ro ru eme na e te kpẹre vi epaọ ọsosuọ. Owhowhovia ọ te hae jọ iminiti isoi. Oke nana o rẹ jọ kẹ iwhowhovia nọ i wuzou gbe ileta jọ nọ i no obọ uwou ogha ze. Iwhowhovia wọhọ ọruẹrẹfihotọ kẹ usiuwoma ota, erufuọ Ọgwa Uvie, iyẹrẹ epanọ igho e nya, gbe oghẹrẹ ileta evona nọ uwou ogha u re vi ze ẹsikpobi na u du gwọlọ nọ a re se ai no eplatfọmo ze he, rekọ a re fi ai họ ebọdo evuẹ re inievo na a jọ etẹe se ai. Ahwo nọ a kẹ ẹme a rẹ ruẹrẹ ẹme rai họ ziezi, jẹ nya lele ithubro gbe oke nọ a kẹ rai.

5. Evaọ ẹkpoka iweze ọsẹro okogho, ẹvẹ omaa ewuhrẹ ukoko na o rẹ jọ?

5 Iweze Ọsẹro Okogho: Omaa ẹkpoka ọsẹro okogho na u ti nwene he. Evaọ Edivẹ-Oka, a re ru Isukulu Odibọgba Esuo-Ọghẹnẹ gbe Ewuhrẹ Odibọgba na evaọ abọ ọsosuọ ewuhrẹ na a vẹ so ole. Kẹsena ọsẹro okogho na ọ vẹ kẹ ovuẹ iminiti 30. Wọhọ epanọ ma be hai ru vẹre evaọ ẹkpoka iweze ọsẹro okogho na, wha rẹ ruẹrẹ owọwọ ẹdẹ ọfa họ nọ wha re ro ru Uwuhrẹ Ebaibol Ukoko na, nọ wha te ru uwuhrẹ na no wha vẹ so ole, kẹsena ọsẹro okogho na ọ vẹ kẹ ovuẹ avivẹ riẹ. A rẹ rọ ole gbe olẹ ku ewuhrẹ na họ.

6. Eme họ iruo ọsẹro utu na?

6 Omakugbe kẹ Usiuwoma Ota: Ugboma ekpako na o rẹ rehọ esẹro utu mu re a rẹrote itu usiuwoma ota, jẹ hai weze bru inievo nọ e rrọ utu na re ọ bọ ae ga. Otẹrọnọ odibo oruiruo a kẹ owha-iruo yena fikinọ ọkpako ọ riẹ hẹ, a re sei “odibo utu.”

7. Eme ma sai rẹro riẹ evaọ ọruẹrẹfihotọ okpokpọ ọrọ iwuhrẹ ukoko mai na?

7 Wọhọ epanọ ma dhesẹ evaọ obehru na, ma ti wo uvẹ nọ ma te rọ jọ iwuhrẹ mai reawere ithubro gbe eme ọbọga nọ i re fi obọ họ k’omai wo usu okpekpe kugbe Jihova. Onana u ti fi obọ họ k’omai jọ obọdẹ eta-usiuwoma gbe iwuhrẹ, nọ a wuhrẹ ziezi.—Ẹf. 4:13, 14; 2 Tim. 3:17.

8. Ẹvẹ oma nọ ma rẹ ruẹrẹ kpahe ziezi kẹ iwuhrẹ na u re ro fi obọ họ k’omai gbe amọfa?

8 Oma nọ ma rẹ ruẹrẹ kpahe ziezi kẹ iwuhrẹ na u ti fi obọ họ k’omai fiẹrohọ igogo eme nọ a ti fiẹgba họ evaọ iwuhrẹ na. Mai kpobi ma ti wo uvẹ nọ ma te rọ jọ iwuhrẹ na kpahe ẹme, rọ ere ta udu họ ohwohwo awọ. (Rom 1:11, 12; Hib. 10:24) Utee mai o rẹ jọ epanọ ma re ro ‘dhesẹ ẹnyaharo mai via’ ẹkwoma ‘ẹme uzẹme na nọ ma rẹ yọrọ ziezi.’—1 Tim. 4:15; 2 Tim. 2:15.

9. Eme họ ọtamuo mai, kọ fikieme?

9 Eva e be were omai kpahe enwene ologbo nana nọ a jọ iwuhrẹ ukoko mai ru na. Jọ mai kpobi ma gbaemu inọ ma rẹ nya lele ekpakpọ ‘ọrigbo nọ o wo ẹrọwọ avọ areghẹ na,’ je sikẹle Othuru-Igodẹ Ologbo mai nọ ọ be ruẹrẹ omai kpahe kẹ ‘uye ulogbo’ nọ o kẹle gaga no na.—Mat. 24:21, 45; Hib. 13:20, 21; Evia. 7:14.

    Ebe Isoko Kpobi (1992-2025)
    Noi No
    Rueva
    • Isoko
    • Vi Ei Se Omọfa
    • Ru Ei Fihọ Oghẹrẹ nọ O Were Owhẹ
    • Copyright © 2025 Watch Tower Bible and Tract Society of Pennsylvania
    • Izi Kpahe Eroruiruo Evuẹ Na
    • Izi Oria Evuẹ Omobọ Ra
    • Esẹtini Oria Evuẹ Omobọ Ra
    • JW.ORG
    • Rueva
    Vi Ei Se Omọfa