Iriruo Usiuwoma Ota
Onọ A re ro Mu Ebe-Iwuhrẹ Ebaibol Họ Evaọ Ẹdẹ-Ọmaha Ọsosuọ Akpegbivẹ
“Ma be ta ẹme kpẹkpẹe kugbe ahwo kpahe Uvie Ọghẹnẹ. Kọ who roro nọ Uvie Ọghẹnẹ o te wha irere jọ se ahwo akpọ?” Kuvẹ kẹ uyo. Dhesẹ uke Uwou-Eroro Akpegbọvo rite Akpegbivẹ na kẹe, wha ve se edhe-ẹme nọ ọ rrọ otọ onọ avọ ivẹ na. Se oria Ebaibol nọ a jariẹ fodẹ na. Ku Awake! kugbe rọ kẹe, wha ve fi oke họ nọ who ti ro zihe re wha ta ẹme kpahe edhe-ẹme nọ ọ kẹle riẹ na.
Akpegbọvo rite Akpegbivẹ
“Oware nọ mẹ rọ nyaze họ re me dhesẹ kẹ owhẹ oware nọ Ebaibol na ọ ta nọ u ti ku ebẹbẹ ahwo akpọ họ. Ẹsejọhọ who muẹrohọ no nọ ebẹbẹ i bi dhe ebuebu makọ epanọ ahwo akpọ a daoma te no re a ku ai họ. Kọ who roro nọ ifue jọ e riẹ? [Kuvẹ kẹ uyo.] Jọ me dhesẹ oware nọ Ebaibol na ọ ta kẹ owhẹ. [Se Eviavia 11:17, 18.] Kọ who muẹrohọ ifue na? Ẹwẹ-obe avọ 6 gbe 7 orọ emagazini nana o ta oware nọ Uvie Ọghẹnẹ u ti ru kẹ ahwo akpọ.”
Awake! Akpegbivẹ
“Ma be t’ẹme kpẹkpẹe kugbe ahwo kpahe ẹyao jọ nọ ọ be kẹ ahwo uye gaga. Wọhọ epanọ World Health Organization (Ukoko Omokpokpọ Akpọ-Soso) o ta, omọvo evaọ usu imane o wo ẹyao ọkora. Kọ who roro nọ oware jọ o riẹ nọ ma rẹ sai ru kpahe ẹyao nana? [Kuvẹ kẹ uyo.] Ebaibol na ọ kẹ omai ẹruore nọ evaọ obaro, ohwo ọvo ọ te gbẹ mọ hayo ruẹ uye edada ha. [Se Eviavia 21:3, 4.] Emagazini nana o dhesẹ eware jọ nọ u fo nọ ohwo kpobi ọ rẹ riẹ kpahe ẹyao iroro.”