Oma Rọkẹ Oka ọ Asoi 4

Ole avọ 68 gbe Olẹ

Uwuhrẹ Ebaibol Ukoko:

cl uzou 24 edhe. 1-10 (Iminiti 30)

Isukulu Odibọgba Esuo-Ọghẹnẹ:

Isase Ebaibol: 2 Samuẹle 1-3 (Iminiti 8)

Ẹme 1: 2 Samuẹle 2:24-32 (Iminiti 3 hayo kpẹre viere)

Ẹme 2: Irere nọ I re No Ẹwolẹ gbe Ithihakọ Ze (Iminiti 5)

Ẹme 3: Eyaa Ebaibol nọ I ti Rugba Kẹle—igw ẹwẹ. 16 edhe. 4 rite ẹwẹ. 17 edhe. 1 (Iminiti 5)

Ewuhrẹ Odibọgba:

Uzoẹme Amara Na: Wha yeri uzuazọ wọhọ iwoareghẹ re “wha rehọ oke rai ruiruo ziezi.”—Ẹf. 5:15, 16.

Ole avọ 43

Iminiti 10: Ẹgwọlọ ukoko na. Whọ sae jariẹ ru idhesẹvia epanọ a rẹ rọ rehọ emagazini kẹ ahwo.

Iminiti 5: Ebe nọ Ma te rọ Kẹ Ahwo Evaọ Asoi gbe Azeza. Ẹme nọ a rẹ kpahe fihọ. Fodẹ eware jọ nọ e rrọ eva ebe nọ ma tẹ kẹ ahwo na. Ru odhesẹvia.

Iminiti 15: Ẹkwotọ nọ A rẹ Jọ Ta Usiuwoma Tere He—Emamọ Edhere nọ Ma rẹ rọ Rehọ Oke Mai Ruiruo! Ẹme nọ a rẹ kpahe fihọ nọ ọkpako o re ru, maero kọ ọnọ o kpohọ oria utioye no. Kporo ividio na Usiuwoma Ota Evaọ Ẹkwotọ nọ Ukoko O Rrọ Họ—Australia. (Kpohọ jw.org/iso, rovie oria KPAHE OMAI > IRUẸRU.) Dhesẹ epanọ uviuwou nọ o rrọ ividio na u ro wo erere no oghẹrẹ usiuwoma ota nana ze. Kiẹ oniọvo jọ nọ o kpohọ ẹkwotọ nọ a rẹ jọ ta usiuwoma tere he no evaọ ukoko na. Erere vẹ uviuwou riẹ u wo no usiuwoma nana ze no evaọ odibọgba na gbe egagọ rai? Eme a ruẹrẹ kpahe taure a tẹ nya? Otẹrọnọ ohwo jọ ọ gwọlọ kpohọ ẹkwotọ nọ a rẹ jọ ta usiuwoma tere he, jọ ọ nọ ekpako na re a vuẹe oware nọ o re ru. Fiẹgba họ epanọ ekpohọ ẹkwotọ nọ a rẹ jọ ta usiuwoma tere he ọ rọ rrọ emamọ edhere jọ nọ ma rẹ rọ rehọ oke mai ruiruo ziezi.

Ole ọkpokpọ “Wuhrẹ Ai re A Dikihẹ Ga” gbe Olẹ

Ọjọriẹ: Iviena kporo ole na ẹsiẹvo kẹ ukoko na, kẹsena wha vẹ so ole na.