Oma Rọkẹ Oka ọ Akpegbivẹ 7
OKA NỌ O RỌ AKPEGBIVẸ 7 MUHỌ
Ole 86 gbe Olẹ
Uwuhrẹ Ebaibol Ukoko:
ia uzou 4 edhe. 1-15, gbe ẹkpẹti nọ ọ rrọ ẹwẹ. 39 (Iminiti 30)
Isukulu Odibọgba Esuo-Ọghẹnẹ:
Isase Ebaibol: 2 Iruẹru-Ivie 10-14 (Iminiti 8)
Ẹme 1: 2 Iruẹru-Ivie 13:13-22 (Iminiti 3 hayo kpẹre viere)
Ẹme 2: Fikieme O jẹ Roja re Ma Hae Kareghẹhọ Epanọ Oke na O Nwẹnwẹ Te No? (Iminiti 5)
Ẹme 3: Esuo Ono O ti Zihe Evawere gbe Udhedhẹ Se Ahwo-Akpọ?—wp14 7/1 ẹwẹ. 16 edhe. 1-4 (Iminiti 5)
Ewuhrẹ Odibọgba:
Uzoẹme Amara Na: “Evaọ udevie ikpokpoma buobu nọ i re te omai hrọ ma te rọ ruọ Uvie Ọghẹnẹ.”—Iruẹru 14:22.
Iminiti 10: “Evaọ Udevie Ikpokpoma Buobu nọ I re Te Omai Hrọ Ma te rọ Ruọ Uvie Ọghẹnẹ.” Ẹme nọ a re ru ovavo nọ a rẹ rehọ uzoẹme amara na ru. Se jẹ ta kpahe obe Iruẹru Ikọ 14:21, 22 gbe 1 Pita 4:12-14. (Rri Uwou-Eroro Azie 15, 2014, ẹwẹ. 13, edhe. 3-6.) Dhunu te eme jọ nọ a ti ru evaọ Ewuhrẹ Odibọgba amara na gbe epanọ i ro kiekpahe uzoẹme amara na. Vuẹ inievo na kpobi re a rri ividio Inievo Mai nọ E Rrọ Akpọ na Soso nọ a te ta ẹme kpahe evaọ Ewuhrẹ Odibọgba oka notha.
Iminiti 10: Ẹvẹ U Fo nọ Whọ rẹ Kuyo? (Kọl. 4:6) Ẹme nọ a re ru no obe ọ Isukulu Odibọgba na ze, ẹwẹ. 69, edhe. 1-3. Ru idhesẹvia ivẹ nọ i wo ohẹriẹ. Ọrọ ọsosuọ, ohwo nọ a nyaku evaọ usiuwoma ọ ta ẹme avọ evedha, owhowho-uvie na ọ tẹ kpahe ẹme ọgaga kẹe, ohwo na ọ gbẹ rọwo gaviezọ họ. Evaọ ọrọ avọ ivẹ, nọ ohwo na ọ ta ẹme avọ evedha no, owhowho-uvie na o te dhizu omojọ, jẹ rọ unu uwowolẹ ta ẹme kẹe nọ o lẹliẹ e riẹ gaviezọ.
Iminiti 10: “Rọ Aro Kele Eruẹaro Na—Habakuk.” Enọ gbe iyo.
Ole 74 gbe Olẹ