“Wha You Inievo na Kpobi”

A ta eme nọ e rrọ oria Ebaibol nana enwenọ ikpe idu ivẹ nọ i kpemu. (1 Pita 2:17) Rekọ enẹna o mae gwọlọ nọ ma re fi eme yena họ iruo. Kọ ẹvẹ ma sai ro you inievo akpọ-soso mai evaọ oghẹrẹ nọ a bu te na? Evaọ akpọ nana nọ ọ kare uyoyou na, ẹvẹ ma sai ro ru re uyoyou mai o seba ekiekpo? (Mat. 24:12) Daoma kiyo enọ nana nọ who bi rri ividio na, Inievo Mai nọ E Rrọ Akpọ na Soso.

(1) Oke vẹ ma rọ ruọ usu inievo akpọ-soso mai na? (2) Eware esa vẹ ma bi ru kugbe inievo akpọ-soso mai? (3) Ẹvẹ inievo mai a be daoma te re a sae ta usiuwoma evaọ (a) eria nọ i siomano evaọ Alaska, (b) eria nọ ekọ e rẹ kpahe evaọ Europe, (c) owhawho Peru? (4) Fikieme ma gbe ro rri usiuwoma ota na wọhọ iruo evere jọ gheghe he hayo inọ ma bi ru te ẹgwọlọ họ? (5) Ta kpahe oghẹrẹ nọ Isẹri Jihova a rọ sasa ohwohwo oma je fiobọhọ kẹ ohwohwo nọ (a) otọ u nuhu, (b) ofou-ọwhibo o fou, (c) okenọ a je fi ẹmo? (6) Eware jọ vẹ ma re ru ro dhesẹ nọ ma wo uyoyou nọ a re ro vuhu uvi Ileleikristi? (Jọn 13:35) (7) Nọ inievo na a te kuomagbe bọ Egwa Uvie, irere vẹ i re noi ze? (8) Ẹvẹ ebe i je ro te inievo mai nọ e rrọ obọ Europe gbe Russia obọ nọ a fi awhaha họ iruo mai evaọ obei? (9) Ẹvẹ Isẹri Jihova buobu a be daoma te re a sai kpohọ ikokohọ, kọ fikieme a be rọ daoma nya? (10) Eme whọ ruẹ evaọ ividio nana nọ u ti ru owhẹ dawo ẹgba ra kpobi evaọ abọ sa-sa nana: (a) re who kuomagbe inievo mai gọ Jihova evaọ obọ ewuhrẹ, (b) re who fiobọhọ kẹ inievo nọ i wo ẹbẹbẹ, (c) re whọ ta usiuwoma na ẹsikpobi? (11) Ẹvẹ ma sae rọ rehọ ividio nana ruiruo evaọ usiuwoma, kọ oke vẹ ma sai ru ere?

Oware nọ o mae lẹliẹ omai kuomagbe inievo akpọ-soso na họ uyoyou nọ ma wo kẹ Jihova. Oyejabọ nọ o rẹ rọ were omai re ma wuhrẹ kpahe Jihova je wuhrẹ amọfa kpahe iẹe. U te no ere no, ma you ahwo nọ Jihova o you. Ma te fiobọhọ kẹ ae evaọ oke uye, ma re rẹro nọ Ọghẹnẹ o ti yere omai hi. Ukpoye, Ọghẹnẹ ma re yere keme okugbe nọ ọ rrọ udevie inievo akpọ-soso mai na yọ okẹ oghaghae nọ u no obọ riẹ ze. Nọ akpọ nana nọ ọ kare uyoyou na u bi te ekuhọ na, joma gbẹ hai dhesẹ uyoyou kẹ inievo akpọ-soso mai na.