Eruẹaruẹ nọ E rẹ Bọ Ẹrọwọ Ohwo Ga

9:1-7

Dai roro epanọ o jọ Jesu oma nọ o yo urru Ọsẹ riẹ nọ o whowho nọ ọ jẹ riẹ rehọ evaọ eruẹaruẹ nọ ọ jọ rẹriẹ na. Avro ọ riẹ hẹ onana o te bọ Jesu ga re ọ sae rẹriẹ ovao dhe uye nọ ọ be te ruẹ na. Eruẹaruẹ nana e kẹ Pita, Jemis gbe Jọn imuẹro nọ Jesu họ Mesaya na, yọ a riẹ ru nọ a rọ gaviezọ kẹe. Nọ ikpe 32 e vrẹ no, Pita ọ gbẹ kareghẹhọ oware nọ o via na gbe epanọ u ro ru “ẹme eruẹaruẹ na” mu ei ẹro vi epaọ ọsosuọ.​—2Pi 1:​16-19.

Dede nọ ma rọ ẹro ruẹ eruẹaruẹ nana ha, ma be ruẹ orugba rai. Jesu o muhọ esu no keme a kẹ riẹ ogaga no. Kẹle na, o ti “fi kparobọ riẹriẹriẹ,” onọ u ti ru nọ akpọ ọkpokpọ ọ te rọ ze.​—Ev 6:2.

Ẹvẹ eruẹaruẹ nọ i bi rugba e be rọ bọ ẹrọwọ ra ga?