UZUAZỌ OLELEIKRISTI
Kọ Whọ be Hai Muẹrohọ Oghẹrẹ nọ Jihova Ọ be rọ Kiyo Elẹ Ra?
Ma rẹ jọ Ebaibol na ruẹ iriruo ahwo buobu nọ Jihova ọ kiyo elẹ rai. Nọ idibo Ọghẹnẹ nana a ruẹ oghẹrẹ nọ Jihova ọ rọ kiyo elẹ rai je fiobọhọ kẹ ae, u ru nọ ẹrọwọ rai ọ rọ ga viere. Fikiere nọ ma tẹ be lẹ, u fo nọ ma hae fodẹ ugogo oware nọ ma gwọlọ yare na, re ma je muẹrohọ oghẹrẹ nọ Jihova ọ te rọ kuyo olẹ na. Joma kareghẹhọ nọ Jihova ọ sae rọ edhere nọ ma rẹro riẹ hẹ kuyo olẹ mai na hayo tubẹ kẹ omai bu vi oware nọ ma yare. (2Kọ 12:7-9; Ẹf 3:20) Idhere jọ vẹ Jihova ọ rẹ rọ kiyo elẹ mai?
O re ru udu te omai otọ, kẹ omai ẹgba, gbe ẹrọwọ nọ ma sai ro thihakọ ebẹbẹ.—Fil 4:13
Ọ rẹ kẹ omai areghẹ nọ ma sae rọ jẹ emamọ iroro.—Jem 1:5
Ọ rẹ kẹ omai isiuru gbe ogaga nọ ma sai ro ru oware nọ u fo.—Fil 2:13
O re ru udu te omai otọ nọ ma tẹ be ruawa. —Fil 4:6, 7
Ọ rẹ rọ amọfa fiobọhọ kẹ omai wo eware nọ ma gwọlọ, sasa omai oma, jẹ tuduhọ omai awọ.—1Jọ 3:17, 18
WHA RRI IVIDIO NA JIHOVA HỌ “ỌNỌ O RE YO OLẸ,” KẸSENA WHA VẸ KIYO ENỌ NANA:
Oghẹrẹ vẹ iku Brọda Shimizu o sae rọ tuduhọ omai awọ otẹrọnọ ma be sai ru te epanọ ma gwọlọ họ fiki ẹyao?
Ẹvẹ ma sae rọ rehọ aro kele oriruo Brọda Shimizu?