UZUAZỌ OLELEIKRISTI
Thọ Omara No Obọ Ahwo nọ A Siọ Orọwọ na No
Ẹghẹ jọ nọ Setan avọ ẹgba riẹ a rẹ rọ gwọlọ gele omai no abọ Jihova no họ, a rẹ rọ ọrue gwa uzẹme re a rọ viẹ omai họ. (2Kọ 11:3) Wọhọ oriruo, ahwo Asiria a je bru okpa họ ẹme, fi uwhei gbe emagi họ iẹe, je tube gu erue koikoi dede, re a rọ whẹ ozọ họ idibo Jihova ẹro. (2Ir 32:10-15) Epọvo na ahwo nọ a siọ orọwọ na no a bi ru nẹnẹ re. Eme ma re ru kpahe ahwo nọ a siọ orọwọ na no? Rri oware kpobi nọ a gwọlọ vuẹ owhẹ wọhọ enua! Who se eware nọ a kere vievie he, whọ kpahe ẹme fihọ eme rai hi, whọ wariẹ eme nọ a ta hayo vi ai se amọfa vievie he. Muẹrohotọ ziezi re whọ kaki vuhu eme nọ e rẹ lẹliẹ owhẹ wo avro kpahe Jihova gbe ukoko riẹ, re whọ gbaemu nọ whọ rẹ gaviezọ kẹ eme itieye vievie he.—Jud 3, 4.
WHA RRI IVIDIO NA “HỌRE GAGA RỌKẸ ẸRỌWỌ NA”!—AMABỌ JỌ RIẸ, KẸSENA WHA VẸ KIYO ENỌ NANA:
Fikieme ma rẹ rọ yọroma gaga nọ ma tẹ rrọ itanẹte?
Ẹvẹ ma sai ro lele ohrẹ nọ o rrọ Ahwo Rom 16:17 na?