ASA 4-10

EWARE AGHAE NỌ E RRỌ EBAIBOL NA

1. ‘Jihova Họ Ọnọ Eware Iwoma Kpobi I bi No Obọ Riẹ Ze Te Omẹ’

(Iminiti 10)

Ma te mu usu kugbe ahwo nọ a be gọ Jihova, o rẹ lẹliẹ eva were omai (Ol 16:2, 3; w18.12 26 ¶11)

Nọ ma tẹ rrọ egbẹnyusu Jihova, ma re wo evawere yọ udu u re te omai otọ (Ol 16:5, 6; w14 2/15 29 ¶4)

Fikinọ Jihova ọ rrọ kugbe omai, ozọ oware ovo u re mu omai hi (Ol 16:8, 9; w08 2/15 3 ¶2-3)

Inievo-emetẹ ivẹ nọ e gbalọ ohwohwo evaọ obọ Ọgwa Uvie. Inievo efa a dikihẹ wariẹ ae họ yọ eva e be were ai.

Fikinọ ma be rọ egagọ Jihova nọ eware iwoma kpobi i bi no obọ riẹ ze na karo, ma bi yeri emamọ uzuazọ, yọ nwanọ ere o jọ kẹ Devidi ovie na.

NỌ OMARA NỌ, ‘Ẹvẹ akpọ mẹ o ro woma no enẹna vi epanọ o jọ taure me te ti mu Ebaibol họ ewuhrẹ?’

2. Eware Aghae nọ Whọ Kiẹ Via

(Iminiti 10)

Ol 17:8—Eme họ otọ ẹme na, “ọmọ-ẹro ra” nọ a fodẹ evaọ oria Ebaibol nana? (it-2 714)

Uyo ra
Eware aghae vẹ whọ jọ isase Ebaibol oka nana wuhrẹ nọ whọ gwọlọ ta kpahe?

Uyo ra

3. Isase Ebaibol

(Iminiti 4) Ol 17:1-15 (th uwuhrẹ 5)

WO ONAA ZIEZI EVAỌ USI UWOMA OTA NA

4. Epanọ A re ro Mu Ẹme Họ

(Iminiti 1) NO UWOU RUỌ UWOU. Kẹ ohwo na obe uzizie Ekareghẹhọ na. (th uwuhrẹ 11)

5. Epanọ A re ro Mu Ẹme Họ

(Iminiti 3) NO UWOU RUỌ UWOU. Kẹ ohwo na obe uzizie Ekareghẹhọ na. Whọ ruẹ nọ ohwo na ọ gwọlọ ginẹ gaviezọ, kẹsena who te dhesẹ ividio na, Ru Ekareghẹhọ Uwhu Jesu kẹe jẹ ta kpahe iẹe. (th uwuhrẹ 9)

6. Epanọ A re ro Mu Ẹme Họ

(Iminiti 2) USI UWOMA OKE-GHEGHE. Kẹ ohwo na obe uzizie Ekareghẹhọ na. (th uwuhrẹ 2)

7. Fiobọhọ kẹ Ahwo Zihe Ruọ Ilele

(Iminiti 5) lff uwuhrẹ 14 ẹme emuhọ gbe ugogo ẹme 1-3 (th uwuhrẹ 6)

UZUAZỌ OLELEIKRISTI

8. Eme Ma re Ru rọ Ruẹrẹ Oma Kpahe kẹ Ekareghẹhọ Uwhu Jesu?

(Iminiti 15) Ẹme nọ a rẹ kpahe fihọ.

Ebrẹdi nọ ọ kare ẹvi gbe enwaene nọ ọ rrọ ehru emẹjẹ evaọ obọ Ọgwa Uvie.

Ma ti ru ekareghẹhọ uwhu Jesu evaọ Ẹdoka, ẹdẹ avọ 24 Asa keme ere Jesu ọ ta nọ ma hai ru. Jihova avọ Jesu a you omai wo umuo ho, oyejabọ nọ Jihova o ro vi Jesu ze ti whu kẹ omai. (Luk 22:19; Jọ 3:16; 15:13) Kọ eme ma re ru rọ ruẹrẹ oma kpahe kẹ obọdẹ ẹdẹ nana?

Zizie ahwo buobu ziọ ovuẹ obọdẹ gbe Ekareghẹhọ na. Kere edẹ ahwo jọ nọ whọ gwọlọ zizie họ otọ jẹ daoma zizie ai. Otẹrọnọ ahwo na a be rria kẹle owhẹ hẹ, whọ sae jọ jw.org rri Ọgwa Uvie nọ ọ kẹle rai gbe oke nọ a ti ru Ekareghẹhọ na, whọ vẹ vuẹ ae
Daoma kpohọ usi uwoma ziezi evaọ amara Asa gbe Ane. Yọ u ti woma ziezi re otẹrọnọ whọ sai ru ọkobaro obufihọ nọ who re ro fi utee euwa 15 hayo 30 họ
Evaọ ẹdẹ avọ 18 Asa, whọ sai mu obọdẹ eware jọ nọ e via evaọ oka urere taure Jesu o te ti whu họ ese. Whọ sae jiroro epanọ oria nọ whọ gwọlọ se kẹdẹ kẹdẹ u re theri te evaọ “Omaa Isase Ebaibol Ekareghẹhọ 2024” na nọ ọ rrọ ẹwẹ-obe avọ 6-7
Evaọ ẹdẹ Ekareghẹhọ na, rri ividio isase okpẹdẹ nọ a fihọ jw.org
Nọ wha te kpohọ Ekareghẹhọ na, ahwo nọ a zizie ze gbe enọ e siọ ewuhrẹ ba no nọ e nyaze, dede ai rehọ ziezi. Nọ wha te kuhọ no, vuẹ ae nọ otẹrọnọ a wo onọ jọ, whọ te kẹ uyo riẹ. Daoma zihe bru ahwo nọ a nyaze
Taure a te ti ru Ekareghẹhọ na gbe oke nọ a te ru ei no, romatotọ roro kpahe idhe ẹtanigbo Jesu

Kporo IVIDIO na Ru Ekareghẹhọ Uwhu Jesu. Kẹsena whọ vẹ nọ ogbotu na onọ nana:

Ẹvẹ ma sae rọ rehọ ividio nana fiobọhọ kẹ ahwo nọ ma bi zizie ziọ Ekareghẹhọ na?

Uyo ra

9. Uwuhrẹ Ebaibol Ukoko

(Iminiti 30) bt uzou 6 ¶18-24, gbe ẹkpẹti nọ ọ rrọ ẹwẹ. 48