ANE 29–ASOI 5
OLEZI 34-35
Ole avọ 10 gbe Olẹ | Ẹme Emuhọ (Iminiti 1)
1. “Jiri Jihova Ẹsikpobi”
(Iminiti 10)
Devidi o je jiri Jihova makọ okenọ eware e jariẹ oma gaga (Ol 34:1; w07 3/1 24 ¶11)
Devidi ọ jẹ rọ Jihova seha, orọnikọ omobọ riẹ hẹ (Ol 34:2-4; w07 3/1 25 ¶13)
Ejiri nọ Devidi o je jiri Jihova o lẹliẹ oma sasa ahwo nọ a jọ kugbei (Ol 34:5; w07 3/1 25 ¶15)
Nọ Ọghẹnẹ o siwi Devidi no obọ Abimẹlẹk no, ezae egba ene (400) nọ esuo Sọl ọ vẹso no a te kuomagbe Devidi evaọ obọ udhude. (1Sa 22:1, 2) Ẹsejọhọ ezae nana Devidi o wo họ iroro okenọ o je kere olezi nana.—Ẹme-obehru Olezi avọ 34.
NỌ OMARA NỌ, ‘Evaọ ewuhrẹ ọfa nọ mẹ te nyaze oka nana, ẹvẹ me ti ro jiri Jihova nọ me te bi lele oniọvo jọ ta ẹme?’
2. Eware Aghae nọ Whọ Kiẹ Via
(Iminiti 10)
Ol 35:19—Eme họ otofa olẹ Devidi na inọ jọ Jihova ọ kuvẹ re enọ i mukpahe iẹe a “fare ubiẹro” rai hi? (w06 6/1 31 ¶5)
Eware aghae vẹ whọ jọ isase Ebaibol oka nana wuhrẹ nọ whọ gwọlọ ta kpahe?
3. Isase Ebaibol
(Iminiti 4) Ol 34:1-22 (th uwuhrẹ 5)
4. Epanọ A re ro Mu Ẹme Họ
(Iminiti 2) USI UWOMA OKE-GHEGHE. Who ku ẹme nọ who bi lele ohwo na ta họ no, rekọ whọ sae ta usi uwoma kẹe he. (lmd uwuhrẹ 1 ugogo ẹme 4)
5. Ozihebro
(Iminiti 4) USI UWOMA OKE-GHEGHE. (lmd uwuhrẹ 2 ugogo ẹme 4)
6. Ta Oware nọ Whọ Rọwo kẹ Amọfa
(Iminiti 5) Odhesẹvia. ijwfq 59—Uzoẹme: Ẹvẹ Isẹri Jihova A rẹ rọ Riẹ Sọ Ehaa jọ I Woma Hayo I Woma Ha? (th uwuhrẹ 17)
Ole avọ 59
7. Idhere Esa nọ Ma Sai ro Jiri Jihova nọ Ma te Kpohọ Ewuhrẹ
(Iminiti 15) Ẹme nọ a rẹ kpahe fihọ.
Ewuhrẹ nọ ma rẹ nya o re rovie uvẹ kẹ omai nọ ma re ro jiri Jihova. Joma ta kpahe idhere esa jọ nọ ma sai ro ru ere.
Iku nọ ma re lele inievo na gbe: Hae vuẹ amọfa epanọ Jihova o woma te nọ who te bi lele ai gbiku. (Ol 145:1, 7) Whọ sae vuẹ ae kpahe oware jọ nọ who yo hayo nọ who se, nọ u fiobọhọ kẹ owhẹ gaga. O sae jẹ jọ emamọ oware jọ nọ o via nọ who kpohọ usi uwoma. Whọ sae jẹ ta kpahe ẹme jọ nọ ohwo jọ ọ vuẹ owhẹ hayo oware nọ o ru kẹ owhẹ nọ o bọ owhẹ ga. U te no ere no, whọ sae jẹ ta kpahe omama Jihova jọ nọ whọ ruẹ nọ o were owhẹ gaga. Jihova ọye o bi ru eware nana kpobi kẹ omai na re eva e hae were omai. (Jem 1:17) Hae kaki te obọ ewuhrẹ re whọ sai lele inievo na gbiku.
Uyo nọ ma rẹ kẹ: Hae daoma kẹ uyo evaọ ewuhrẹ, o tẹ kawo, ẹsiẹvo. (Ol 26:12) Nọ a tẹ nọ onọ, whọ sae kẹ uyo na ovavo, hayo kẹ oriruo. Whọ sae ta kpahe oria Ebaibol hayo iwoho nọ e riẹ. Whọ sae jẹ ta kpahe oware nọ who wuhrẹ no oria na ze. Ruẹrẹ iyo enọ nọ i te ibro họ, re whọ sae kẹ uyo onọ ọfa nọ a tẹ kẹ uyo onọ jọ nọ whọ jẹ te kẹ no. Iyo nọ ma rẹ kẹ yọ edhere jọ nọ ma re ro “dhe idhe ujiro kẹ Ọghẹnẹ.” Fikiere, joma daoma hae rọ emaharo ọgba hayo kpẹre viere kẹ uyo re inievo mai a sae kẹ uyo re.—Hib 13:15.
Ile nọ ma rẹ so: Hae rọ ọwhọ so ile ukoko na. (Ol 147:1) Evaọ ukoko nọ ahwo a jo bu, ẹsejọhọ u ti wo edẹ jọ nọ whọ te sae kẹ uyo vievie he evaọ obọ ewuhrẹ. Rekọ whọ sai kuomagbe inievo na so ile ẹsikpobi. Whọ gbẹ maki wo uvou ole he, whọ tẹ be daoma hae so ile evaọ ewuhrẹ, eva ra e te were Jihova gaga. (2Kọ 8:12) Whọ sae tubẹ jọ obọ uwou wuhrẹ ile na taure who te ti kpohọ ewuhrẹ.
Kporo IVIDIO na Iku Epanọ Ukoko na O be rọ Nyaharo—Ile Yọ Okẹ, Abọ 1. Kẹsena whọ vẹ nọ ogbotu na onọ nana:
Nọ ukoko Isẹri Jihova u muhọ obọ evaọ oke mai na, eme ma ru nọ u dhesẹ nọ ma rọ ile nọ a rẹ so ro jiri Jihova zaharo ho?
8. Uwuhrẹ Ebaibol Ukoko
(Iminiti 30) bt uzou 9 ¶1-7, eme emuhọ abọ 3, gbe ẹkpẹti nọ ọ rrọ ẹwẹ. 70